Vushtrri, 22- 24 Mars 2013 – Debate Center dhe Lëvizja FOL në bashkëpunim me Iniciativën për Progres(INPO) në Ferizaj, Qendrën Rinore në Malishevë, CBM në Mitrovicë kanë mbajtur nga 22- 24 Mars 2013, Turneun Kombëtar të debatit në formatin “Karl Popper”, KOSOVA OPEN 2013″.

Debate Center dhe Lëvizja FOL me mbështetjen e Fondacionit SOROS/KFOS që nga dhjetori i vitit 2009 kanë punuar me organizatat partnere dhe kanë krijuar klubet e debatit të qytetit të Ferizajt, Prishtinës dhe Pejës, Mitrovicë, Malishevë, Suharekë Prizreni, Gjakova dhe Podujeva. Aktualisht në Kosovë kemi shtatë klube të debatit në shtatë komunat përkatëse, ku numri i debaterëve që vijnë nga shkollat e mesme të qytetit po rritet vazhdimisht. Ndërkaq, në klubin e debatit të qytetit të Ferizajt tashmë janë formuar edhe ekipe me debater të komunitetit RAE.

Një kontribut të madh në organizimin e Turneut Kosova Open 2013 e ka dhënë edhe Akademia e Kosovës për Siguri Publike, ku edhe është mbajtur ky turne Kosova përgjatë tri ditëve.

Gjatë ditës së shtunë (23 Mars 2013) përgjatë katër rundeve të debatit janë ballafaquar 20 skuadra nga 7 komuna të Kosovës. Ndërkaq, çerekfinalja, gjysmëfinalja dhe finalja e debatit janë mbajt të dielën. Në gjysmëfinale kanë arritur katër ekipet të cilat kanë grumbulluar më shumë pikë në bazë të numrit fitoreve dhe pikëve që kanë grumbulluar folësit e ekipeve. Gjysmëfinalistë të këtij debati ishin skuadrat: ATA 3, Pyshhh, iHithat dhe Nemo. Ndërkaq, në finale arritën NEMO dhe iHithat. Debatet u zhvilluan mbi temën e përgjithshme e cila ishte “Liritë dhe Interneti”, kurse tema e finales ishte “Qeveria duhet të ketë të drejtë ta ndal internetin në raste të cenimit të sigurisë kombëtare”.

Gjykatës të këtij turneu ishin ish-debaterë të cilët më parë kanë marrë pjesë në debate të formatit “Karl Popper”. Ekipi i gjyqtarëve të cilët e gjykuan finalen e këtij turneu shpallën fitues të këtij turneu skuadrën Nemo nga Prishtina. Ekipi fitues i të këtij Turneu do ta përfaqësojnë Kosovën në garat ndërkombëtare të debatit IDEA Youth Forum 2013, që këtë vit mbahet në Irlandë, Galway në Korrik/Gusht 2013.

Formati i debatit “Karl Popper” synon të prekë dhe trajtojë elementët thelbësorë të një çështjeje kontradiktore. Ai thekson mbi të gjitha zhvillimin e të menduarit kritik, tolerancës dhe vlerësimit të pikëpamjeve të ndryshme. Ky format është i zhvilluar në shkolla të mesme dhe është përkrahur nga Fondacioni Kosovar për Shoqëri të Hapur.

Lëvizja FOL në vitin 2009 riktheu Programin e Debatit ‘Karl Popper’ në Kosovë. Ky program ka qenë dhe mbetet ndër programet më atraktive për të rinjtë e Kosovës për të zhvilluar mendimin kritik, kreativitetin dhe aftësitë hulumtuese për çështje të ndryshme sociale, politike, ekonomike dhe kulturore.

Për këto vite, FOL ka zgjeruar debatin në më shumë se dhjetë komuna të Kosovës, duke angazhuar dhe trajnuar afro 1000 nxënës të shkollave të mesme. Janë organizuar turnamente lokale, rajonale, kombëtare dhe ndërkombëtare, ku të rinjtë kanë treguar aftësi të jashtëzakonshme të debatit dhe kulturës debatuese. Në vitin 2010, FOL është bërë anëtar në International Debate Education Association (www.idebate.org ), e cila ka si mision zhvillimin e kulturës së debatit në nivel global.

Duke marrë parasysh zhvillimin e këtij programi në shumë komuna të Kosovës, duke parë një interes të madh nga të rinjtë e Kosovës për përfshirje në këtë program, dhe duke marrë parasysh që Lëvizja FOL ka filluar të punojë me strategji të re 2013-2015 (që është miratuar në dhjetor të vitit 2012), është vendosur që Programi i Debatit “Karl Popper” të avancohet në organizatë të pavarur.

Ky program është mbështetur në vazhdimësi nga Fondacioni Kosovar për Shoqëri të Hapur (KFOS), si dhe nga disa komuna dhe institucione qendrore të Republikës së Kosovë.

Duke qenë një spin-off i Lëvizjes FOL, organizata Debate Center do të ketë mbështetjen e plotë dhe të pa rezervë për të zbatuar programin dhe aktivitetet e saja në çdo kohë. Po ashtu, kërkojmë nga organizatat partnere, të cilat kemi bashkëpunuar deri më tash më programin e debatit, që ta mbështesin dhe të kenë një bashkëpunim në të njëjtin nivel sikurse kanë pasur më FOL-in.

Prishtinë, 3 mars – Lëvizja FOL ka mbajtur sot konferencën për media, me ç’rast është publikuar raporti vjetor “Monitoruesi i Korrupsionit 2012”, i cili paraqet të gjitha aktivitetet e Institucioneve Përgjegjëse për Luftimin dhe Parandalimin e Korrupsionit për periudhën Janar-Dhjetor 2012.

Fidan Kalaja nga Lëvizja FOL tha se “lufta kundër korrupsionit jo vetëm që ende është e bazuar në premtime publike pa asnjë mbështetje në veprime praktike ajo ka marrë edhe një tjetër dimension duke e konsideruar luftën dhe politikat anti-korrupsion vetëm si kriter dhe presion i bashkësisë ndërkombëtare duke mos marrë parasysh rrethanat dhe nevojat kontekstuale”. Ai me tej shtojë se “progresi në luftë kundër korrupsionit mbetet njëri nga kriteret më të rëndësishme të integrimit të Kosovës në BE, misioni i BE në Kosovë për sundim të ligjit EULEX i cili si përgjegjësi ka edhe luftimin e korrupsionit ka qenë jo efektiv sa i përket luftimit të korrupsioni ku një kritik të tillë ky mision e ka marrë edhe nga Gjykata e Auditorëve Evropian”.

Ndërkaq Armend Mazreku, hulumtues në Lëvizjen FOL, theksoi se “ky raport politikash dëshmon mungesën absolute të seriozitetit të institucioneve publike për ta parandaluar dhe luftuar korrupsionin”. Më tutje, ai ka pohuar se “institucionet përgjegjëse për luftimin e korrupsionin nuk kanë ndërmarrë masa të mjaftueshme dhe të nevojshme për ta reduktuar nivelin e lartë të korrupsionit në institucionet publike”.

Sipas të gjeturave të këtij raporti, Qeveria e Kosovës përgjatë vitit 2012 ka nxjerrë vetëm 5 vendime në luftë kundër korrupsionit: a) miratimi i Strategjisë dhe Planit të Veprimit Kundër Korrupsion për vitin 2013-2017; b) themelimi i Komisionit Ekzekutiv (në të cilën përfshihen Politikat Anti-Korrupsion dhe Gjyqësori); c) shkarkimi i dy anëtarëve të bordeve, njëri anëtar i Bordit të Drejtorëve të KUR “Hidrodrini”, SH.A. Pejë, si dhe tjetri anëtar i bordit të drejtorëve në Korporatën Energjetike të Kosovës (KEK); d) miratimi i projektligjit për Kompetencat e Zgjeruara për Konfiskimin e Pasurisë së Përfituar me Vepër Penale; f) miratimi i dy koncept dokumenteve: hartimi i projektligjit për plotësim-ndryshimin e Ligjit për Deklarimin, Prejardhjen dhe Kontrollin e Pasurisë së Zyrtarëve të Lartë Publikë, si dhe hartimin e projektligjit për plotësim- ndryshimin e ligjit për parandalimin e konfliktit të interesit në ushtrimin e funksionit publik.

Më tej, sipas këtij raporti thuhet se gjykatat e rregullta komunale të Kosovës kanë trashëguar nga vitet paraprake gjithsej 197 lëndë. Po këto gjykata gjatë gjithë vitit 2012 kanë pranuar në punë gjithsej 169 lëndë, ndërkaq si lëndë në punë që janë në proces të shqyrtimit janë gjithsej 366. Gjykatat e rregullta komunale gjatë 2012 kanë zgjidhur gjithsej 148 lëndë. Ndërkaq, në fund të periudhës raportuese, kanë mbetur gjithsej 218 lëndë të pazgjidhura.

Ndërkaq sipas statistikave të prokurorisë, të ndërlidhura me fushën anti-korrupsion, rezulton që ato kanë trashëguar nga vitet e mëparshme gjithsej 802 lëndë. Gjatë po kësaj periudhe 1 vjeçare janë pranuar 376 lëndë të reja. Janë ngritur 140 propozim-akuza dhe 132 aktakuza. Rastet e zgjidhura sipas numrit të personave janë 770, ndërsa kanë mbetur pa u zgjidhur rreth 990 lëndë. Në fund të periudhës raportuese kanë mbetur pa u zgjidhur 265 kallëzime penale.
Kurse sipas statistikave të Drejtorisë për Hetimin e Krimeve Ekonomike dhe Korrupsion (DHKEK), e cila vepron në kuadër të Policisë së Kosovës, rezulton që gjatë viti 2012 janë kryer hetime ndaj 157 personave, 56 janë arrestuar, 129 janë dërguar në Prokurori me kryerës të njohur, 1 rast është dërguar në prokurori me N/N dhe 19 raste të tjera janë dërguar me raport të Prokurorit.

Dhe Agjencia Kundër Korrupsionit (AKK) gjatë vitit 2012 sipas këtij raporti del se ka qenë kryesisht e fokusuar në tre aktivitete në luftë kundër korrupsionit. Është marrë me deklarimin e pasurisë, si njëri nga obligimet kryesore ligjore të zyrtarëve të lartë publikë, ku sipas AKK gjatë vitit 2012 e kanë përmbushur 91.71% e tyre. Ka shqyrtuar një numër të rasteve të konfliktit të interesit, si dhe ka nxjerrë një analizë mbi ndjekjen dhe gjykimin e rasteve të korrupsionit në Kosovë.

Raport mbi Aktivitetet e Institucioneve Përgjegjëse për Luftimin dhe Parandalimin e Korrupsionit Janar-Dhjetor 2012

Monitoruesi i Korrupsionit 2012

Gjakovë, 23 shkurt 2013 – Lëvizja FOL ka mbajtur sot në Gjakovë debatin me temën “Puna një vjeçare e Komunës së Gjakovës – Transparenca dhe Llogaridhënia”. Panelist në këtë debat ishte Pal Lekaj Kryetar i Komunës së Gjakovës. Po ashtu, të ftuar të tjerë ishin edhe përfaqësues të subjekteve politike në këtë komunë, këshilltar komunal, kryetar të bashkësive lokale, media dhe përfaqësues të shoqërisë civile.

Petrit Zogaj, drejtor ekzekutiv i Lëvizjes FOL tha se ky debat është një ndër debatet që FOL po realizon si në nivel qendror ashtu edhe në atë lokal, pra në Gjakovë dhe Podujevë. “Qëllimi i këtij debati është diskutimi mbi planifikimet vjetore të Komunës së Gjakovës gjatë vitit 2012, duke analizuar vendimmarrjen dhe transparencën që do të duhej ta karakterizonte cdo qeverisje demokratike”.

Ndërkaq, kryetari i Komunës së Gjakovës Pal Lekaj gjatë prezantimit të punës një vjeçare të komunës tha se Gjakova njihet si komuna e cila është më transparentja në gjithë Kosovën. Zyra e Kryetarit sipas tij, në vitin 2012 ka lëshuar 150 vendime në dobi të qytetarëve e ku nga këto kemi vetëm 3 ankesa dhe ato të mos përgjigjes se qytetareve në afatin kohor. “Gjatë vitit 2012 sa i përket prokurimit publik, komuna e Gjakovës ka pasur 87 tender, ku nga këta tender kemi vetëm 2 ankesa dhe atë njëra ka shkuar në ri-tenderim dhe një në aprovim”, tha Lekaj. Lekaj tha se komuna të cilën ai udhëheq prin edhe sa i përket participimit të qytetarëve në projekte të ndryshme, ku vlera e tyre arrin në 600 mijë euro.

Sfidë për kryetarin Lekaj mbetet rregullimi i Çarshisë së Madhe. “Përgjegjësia e Çarshisë së Madhe së një sfidë për ne. Dje është marrë vendimi nga Ministria e Kulturës dhe se brenda tre muajve do të rregullohet kjo çështje”, tha Lekaj.

Sipas tij, komuna e Gjakovës është e vetmja komunë e cila nuk ka asnjë aferë korrupitve si nga stafi politik e po ashtu edhe nga niveli i administratës.
Rekomandimet e raportit të Auditorit, Çarshia e Madhe, zhvillmi ekonomik i Gjakovës, gjendja e komuniteteve në Gjakovë, transparencën e parasë publike ishin vetëm disa nga shqetësimet e ngritura nga të pranishmit, të cilët iu drejtuan kryetarit Pal Lekaj.

Ndërkaq, Shpëtim Rudi nga AKR tha se ‘nga 10 rekomandimet që Auditori i Përgjithshëm që i ka dhënë në vitit 2010 për Komunën e Gjakovës, vetëm 1 prej tyre është respektuar”. Z. Rudi, vazhdoj me tej duke thënë që “gjatë vitit 2012, ka pasur shkelje të ndryshme në prokurimin publik, duke dhënë tender njëburimor, nënshkrimi i kontratave pa mjete të zotuara, pastaj problemet me lejet e ndërtimit dhe shumë shkelje të tjera që e karakterizojnë qeverisjen lokale në Gjakovë. Debati vazhdoj në lidhje më Çarshinë e Vjetër, pastaj me problemet e vazhdueshme në infrastrukturë dhe projektet e premtuara dhe të parealizuar në vitin 2012.

Prishtinë, 21 shkurt – Sot bëhen dy vjet që nga formimi i qeverisë Thaçi 2. Pikërisht dy vjet më parë, qytetarët e Kosovës patën shpresuar se qeveria e Kosovës do të jetë “qeveri e duarve të pastra”. Pritjet e qytetarëve, por edhe të mekanizmave ndërkombëtarë, patën ardhur pas një periudhe tre-vjeçare të keq-qeverisjes së PDK-se dhe LDK-së, e të cilat parti dëshmuan që vetëm qeverisje demokratike dhe transparente nuk mund të bënin. Pra, duke keq-qeverisur për tri vite me radhë, duke krijuar afera të mëdha korruptive, dhe duke treguar mungesë vullneti për të ndërtuar shtetin e ri, partia më e madhe e koalicionit, PDK-ja, dy vite më parë tentoi që të krijojë iluzione për një “qeveri me duar të pastra”, siç u quajt atëkohë. Mirëpo, kjo periudhë qe shumë e shkurtër dhe shumë shpejtë u dëshmua e kundërta e saj.

Ne, si Lëvizje FOL, pikërisht dy vite me parë patëm kërkuar që Kuvendi i Kosovës, përkatësisht deputetët e Kuvendit të kishin shumë kujdes se çfarë qeverie do të votonin. Ne, në mënyrë simbolike patëm hedhur “detergjent dhe sapunë”, për të dhënë mesazhin që ata do të duhej të zgjedhnin një qeveri me duar të pastra.

Falë aferave të shumta korruptive përgjatë këtyre dy viteve, qeveria e Kosovës ka dëshmuar se është një qeveri e korrupsionit dhe po ashtu një qeveri e duarve të ndyta. E gjitha çfarë mbajmë në mend, pra nga kjo periudhë dy vjeçare, janë skandalet e shumta të korrupsionit. T’i përmendim disa prej tyre:

– Një zv. Kryeministër është i akuzuar për afera korruptive, e i cili është në proces gjyqësor;
– Një zv. Kryeministër është i përfshirë në një aferë korruptive me rastin e privatizimit të hotelit Grand;
– Aferat korruptive të zyrtarëve të lartë të Ministrinë e Shëndetësisë;
– Para pak muajsh doli skandali tjetër që nuk mbeti vetëm Brenda Kosovës, ai i prodhimit të pasaportave biometrike. Në këtë aferë të rëndë korruptive, Natali Veliaj, shpalosi hapur përfshirjen e zyrtarëve të lartë të MPB, mirëpo ministri Rexhepi vazhdon i qetë punën e tij edhe sot e kësaj dite.

Prandaj, ne si Lëvizje Fol kemi organizuar një performancë të tillë, e cila përveç karakterit të saj simbolik ka edhe karakterin e saj revoltues përballë nivelit të lartë të korrupsionit politik të kësaj qeverie, e i cila gjatë kësaj periudhe dy vjeçare ka qeverisur me duar të ndyta.

Prishtinë, 16 shkurt – Lëvizja FOL, sot ka publikuar raportin “Monitoruesi i Prokurimit 2012”, cili paraqet parregullsitë dhe shkeljet ligjore që Ministritë, Komunat dhe Ndërmarrjet Publike kanë bërë gjatë zhvillimit të procedurave të prokurimit në tenderë të ndryshëm. Më tej, në këtë raport Lëvizja FOL ka paraqitur një analizë të problemeve dhe sfidave që ka hasur gjatë monitorimeve direkte të procedurave të prokurimit në autoritete të ndryshme kontraktuese dhe një trend krahasues të shkeljeve të bëra nga institucionet e lartë-përmendura në vitin 2011 dhe 2012.

Petrit Zogaj në këtë konferencë tha se “në prag të pesë vjetorit të shtetit të Kosovës, institucionet e Kosovës kanë treguar seriozitet të dobët në sundimin e rendit dhe ligjit, me një specifik të veçantë në çështjet e korrupsionit dhe krimit të organizuar”. Sipas tij “nëse shikohen shkeljet dhe aferat korruptive në prokurimin publik që institucionet kanë bërë, shihet qartë që deklaratat dhe strategjitë anti-korrupsion tashmë nuk janë as serioze dhe as të dobishme”. Duke parë se ky sektor është sektori më i korruptuar ne kemi kërkuar nga Kuvendi i Kosovës të themeloj Komision Ad-hoc për hetime parlamentare në shumë ministri sa i përket realizimit të procedurave të prokurimit publik dhe padyshim në Ministrinë e Punëve të Brendshme. Kjo sipas Petrit Zogajt është e domosdoshme duke parë se “vetëm skandali i pasaportave biometrike, përpos që ka rrezikuar çështjen e liberalizimit të vizave, ka tregu qartë edhe papërgjegjësitë institucionale të Qeverisë dhe të ministrave të ndryshme”. Keqpërdorimet dhe aferat korruptive në prokurimin publik përpos që duhet të adresohen nga ana e institucioneve qeverisëse, atyre gjithashtu të ju kushtohet vëmendje nga ana e institucioneve të sistemit të drejtësisë duke vënë si prioritet këtë sektor për hetim dhe procedim të aferave korruptive në këtë sektor.

Kenan Tora prezantoi të gjeturat e raportit ku tha se “ministritë e Republikës së Kosovës gjatë vitit 2012 kanë bërë shkelje të shumta ligjore në gjithsej 27 tenderë të ndryshëm”. Nga ministritë më së shumti shkelje ligjore ka bërë Ministria e Infrastrukturës duke bërë shkelje ligjore në 6 tenderë, më pas saj radhitet Ministria e Kulturës, Rinisë dhe Sporteve që ka bërë shkelje ligjore 5 tenderë, Ministria, Ministria e Bujqësisë, Pylltarisë dhe Zhvillimit Rural në 4 tenderë, Ministria e Punëve të Brendshme dhe ajo e Forcës së Sigurisë së Kosovës në nga 2 tenderë.

Kurse ministritë në të cilat janë evidentuar shkelje ligjore vetëm në një tender janë Ministria për Komunitete dhe Kthim, Ministria e Punëve të Jashtme, Ministria e Shëndetësisë, Ministria e Tregtisë dhe Industrisë, Ministria e Drejtësisë, Ministria e Administratës Publike, Ministria e Financave, Ministria e Mjedisit dhe Planifikimit Hapësinor. Nga 27 tenderë trembëdhjetë (13) janë kthyer në ri-tenderim, dymbëdhjetë (12) janë kthyer në ri-vlerësim, kurse dy aktivitete të prokurimit janë anuluar tërësisht.

Ndërmarrjet publike gjatë vitit 2012 nuk i kanë zhvilluar procedurat e prokurimit konform dispozitave ligjore në njëzet (20) tenderë të ndryshëm. Korporata Energjetike e Kosovës ka bërë shkelje në dymbëdhjetë (12) tenderë, ndërkaq Postë-Telekomi i Kosovës ka bërë shkelje ligjore në tetë (8) aktivitete të ndryshme të prokurimit. Prej tyre 4 kanë shkuar në ri-tenderim, 15 kanë shkuar në ri-vlerësim, kurse një aktivitet prokurimi është anuluar tërësisht.

Komunat në vitin 2012 nuk i kanë respektuar dispozitat ligjore në gjithsej 27 aktivitete të prokurimit. Prej tyre dymbëdhjetë (12) janë kthyer në ri-tenderim, 14 në ri-vlerësim dhe një tender është anuluar. Komuna e Gjilanit është komuna që ka bërë më së shumti shkelje me 4 tenderë. Pastaj vijnë Komuna e Ferizajt, e Gjakovës dhe e Pejës me nga 3 tenderë. Ndërkaq me nga 2 tenderë janë Komuna e Prizrenit, e Kamenicës dhe e Mitrovicës. Dhe me një tender të vetëm janë Komuna e Prishtinës, e Shtërpcës, e Shtimes, e Lipjanit, e Suharekës, e Vitisë, e Novobërdës dhe e Kllokotit.
Nga rreth 74 tenderë në të cilët janë evidentuar parregullsi dhe shkelje ligjore, në vetëm 64 prej tyre është siguruar vlera monetare e këtyre tenderëve. Shuma e përafërt monetare e cila potencialisht ka qenë e rrezikuar të keqpërdoret gjatë realizimit të këtyre procedurave të prokurimit ka qenë rreth 15 milionë euro.

Raporti Monitoruesi i Prokurimit 2012 paraqet parregullsitë dhe shkeljet ligjore që institucionet kanë bërë gjatë zhvillimit të procedurave të prokurimit n&eum…

Monitoruesi i Prokurimit per vitin 2012

RAPORTI I AUDITOREVE TE PAVARUR PER VITIN 2012

Prishtinë, 25 janar 2013 – Lëvizja FOL në kuadër të përgatitjeve për realizimin e hulumtimit “Indeksi i Transparencës” për vitin 2012, ka zhvilluar sot një takim me zyrtarët për informim të komunave të Kosovës. Pjesëmarrës në këtë takim ishin zyrtarët e 15 komunave të Kosovës si: Vushtrri, Pejë, Obiliq, Drenas, Graçanicë, Istog, Suharekë, Kamenicë, Gjilan, Klinë, Skenderaj, Novobërdë dhe Hani i Elezit.

Lëvizja FOL, për herë të tretë është duke realizuar hulumtimin “Indeksi i Transparencës”, ku gjatë këtij viti do të përfshijë edhe vlerësimin e transparencës në nivelin komunal, për dallim nga vitet e kaluar ku pjesë e këtij raporti ishin vetëm institucionet qendrore dhe ndërmarrjet publike.

Lëvizja FOL që nga themelimi i saj, pjesë e angazhimeve të saj ka pasur promovimin e Transparencës dhe Llogaridhënies së institucioneve publike. Edhe në këtë vit Lëvizja FOL do të organizoj aktivitete të ndryshme që kanë të bëjnë me transparencën si një element kyç në zhvillimin e demokracisë në Kosovë.

Prishtinë, 24 Janar 2013 – Lëvizja FOL, edhe në këtë vit vazhdon monitorimin e procedurave të prokurimit nëpër institucione të ndryshme publike me të cilat FOL ka marrëveshje për të realizuar aktivitete të tilla.

Në bazë të memorandumit të mirëkuptimit që Lëvizja FOL ka me Ministrinë e Drejtësisë, ka monitoruar me pjesëmarrje të drejtpërdrejtë procedurën e vlerësimit të tenderit “Shërbimet e Pastrimit të Objekteve të MD-së” e zhvilluar me 15 janar 2013. Gjatë zhvillimit të procedurës së vlerësimit Lëvizja FOL ka vërejtur se hartimi i specifikave të dosjes së tenderit ka qenë i mangët dhe në mënyrë jo profesionale. Në fletën e fundit te dosjes se tenderit, në tabelë është vendos vetëm çmimi për metër katror, pa u specifikuar se a bëhet fjalë për çmimin për metër katror për një orë, për një ditë, për një muaj apo çfarë periudhe kohore. Kështu që shpallja fitues e cilit do operatorë ekonomik konkurrues do të mund të kishte pasoja të paparashikueshme për buxhetin e Kosovës dhe të Ministrisë së Drejtësisë dhe mund shkaktonte veprime subjektive dhe diskriminuese ndaj operatorëve ekonomik ofertues. Për këto arsye ka qenë kërkesë e drejtpërdrejtë e Lëvizjes FOL që ky tender të anulohet.

Autoriteti kontraktues gjegjësisht Ministria e Drejtësisë më 21 janar 2013, ka njoftuar operatorët ekonomik konkurrues se tenderi është anuluar nga ana e komisionit vlerësues dhe në arsyetim ka paraqitur pikërisht arsyet e cekura nga Lëvizja FOL.

Lëvizja FOL edhe një herë kërkon që ky vit të shërbejë që prokurimi publik të reformohet dhe qasja për përmirësimin e këtij sektori të jetë sistematike duke rritur transparencën dhe parandaluar dhe luftuar keqpërdorimet dhe korrupsionin në këtë sektor.

Lëvizja FOL në një ndejë të organizuar për fundvit, ndau për herë të katërt Çmimin për Guxim Qytetar. Ky çmim i’u nda z.Adem Meta. Z.Adem Meta, jurist me profesion si dhe nje aktivist i palodhshëm gjatë njëzetë viteve të fundit. Kontribut të çmueshëm z.Meta dha në përudhën e paraluftës ku ka qenë sekretar i Këshillit për Mbrojtjen e të Drejtave dhe Lirive në Skenderaj e mandej edhe si gazetar, që nga themelimi i gazetës Koha Ditore, duke informuar opinionin vendor e ndërkombëtarë me zhvillimet e bujshme të asaj kohe.
Pas daljes publike të UÇK-së në vitin 1997, përmes informimit të opinionit ai ka luajtur rol të rëndësishëm në popullarizimin dhe prezantimin e aksioneve të UÇK-së si dhe prezantimin e represionit të ashpër të policisë serbe ndaj popullatës civile. Përkundër rreziqeve të mëdha për jetën, Ademi ka shoqëruar nëpër zonat e luftës dhe mbarë territorin e Komunës, gazetarët e medieve vendore e ndërkombëtare si dhe delegacionet e shumta ndërkombëtare. Gjatë gjithë luftës, kudo qe ka qenë Ademi ishte burim i besueshëm dhe shumë kooperativë për të gjithë ata qe dëshironin të mësojnë për realitetin e asaj kohe.

Pas lufte Z.Meta ka vazhduar të mbetet shumë aktiv në shoqërinë civile (KMDLNj, KAC-i). Si gazetar në vazhdimësi ka qenë kritik ndaj të gjitha parregullsive të pushtetit aktual të pasluftës për çka ka fituar disa mirënjohje vendore dhe ndërkombëtare, por për shkak të profesionalizmit të tij ai, sidomos nga viti 2008, ka hasur edhe në vështirësi të mëdha në punë. Ato kanë kulmuar nga fushata zgjedhore e fundvitit 2010 në komunën e Skenderajt, e po vazhdojnë edhe sot, jo vetëm duke e penguar në ushtrimin e lirë të punës së gazetarit por edhe duke e kërcënuar dhe sulmuar në forma të ndryshme. Nga kërcënimet nuk janë kursyer as familja e tij. Z.Meta vazhdon të jetë zë i besuar dhe i cmuar për informim objektiv dhe të drejtë për qytetarët e Komunës së Skenderajt dhe më gjërë.

Halil Matoshi, publicist njëherit edhe anëtarë i Bordit Këshillëdhënës nga Lëvizja FOL, tha se “Lëvizja FOL duke ndarë çmimin për Guxim Qytetar njeh dhe mbështet kontributin e çmuar dhe të guximshëm të z.Meta, i cili është një shembull i mirë i gazetarisë profesionale si dhe guximit, ai më tej shtoi se z.Meta duhet të jetë një shembull i mirë për gazetarinë në Kosovë.

Ndërsa, Petrit Zogaj, drejtor ekzekutiv në FOL tha se: Lëvizja FOL po mbyll këtë vit, sikur se edhe tre vitet e tjera, më një ngjarje, e cila po tenton të mbështes, të mbroj dhe të falënderoj individët, të cilët, edhe pse kanë hasur në vështërsi gjatë kryerjes së punës së tyre të përditshme, nuk janë ndalur në asnjë moment për të informuar publikun, për të hapur debat për çështje të caktuara dhe për t’i mbrojtur kauzat e tyre të drejta. Z.Meta, është një shembull i një qytetari të devotshëm, i cili nuk bën kompromise më parimet, duke qenë I gatshëm të pranoj edhe rreziqet që mund t’i vijnë.
Fituesit e këtij Çmimi në tre vjetet e fundit ishin: z. Rufki Suma, kandidat i pavarur që fitoi zgjedhjet për kryetar të Komunës së Hani të Elezit, znj. Ajnishahe Shala-Halimi poashtu edhe z.Ejup Bajrami, ndërsa këtë viti ky çmim i’u nda z.Adem Meta.

Prishtinë, 28 Dhjetor 2012 – Lëvizja FOL në një ndejë të organizuar për fundvit, ndau për herë të katërt Çmimin për Guxim Qytetar. Ky çmim i’u nda z.Adem Meta. Z.Adem Meta, jurist me profesion si dhe nje aktivist i palodhshëm gjatë njëzetë viteve të fundit. Kontribut të çmueshëm z.Meta dha në përudhën e paraluftës ku ka qenë sekretar i Këshillit për Mbrojtjen e të Drejtave dhe Lirive në Skenderaj e mandej edhe si gazetar, që nga themelimi i gazetës Koha Ditore, duke informuar opinionin vendor e ndërkombëtarë me zhvillimet e bujshme të asaj kohe.
Pas daljes publike të UÇK-së në vitin 1997, përmes informimit të opinionit ai ka luajtur rol të rëndësishëm në popullarizimin dhe prezantimin e aksioneve të UÇK-së si dhe prezantimin e represionit të ashpër të policisë serbe ndaj popullatës civile. Përkundër rreziqeve të mëdha për jetën, Ademi ka shoqëruar nëpër zonat e luftës dhe mbarë territorin e Komunës, gazetarët e medieve vendore e ndërkombëtare si dhe delegacionet e shumta ndërkombëtare. Gjatë gjithë luftës, kudo qe ka qenë Ademi ishte burim i besueshëm dhe shumë kooperativë për të gjithë ata qe dëshironin të mësojnë për realitetin e asaj kohe.

Pas lufte Z.Meta ka vazhduar të mbetet shumë aktiv në shoqërinë civile (KMDLNj, KAC-i). Si gazetar në vazhdimësi ka qenë kritik ndaj të gjitha parregullsive të pushtetit aktual të pasluftës për çka ka fituar disa mirënjohje vendore dhe ndërkombëtare, por për shkak të profesionalizmit të tij ai, sidomos nga viti 2008, ka hasur edhe në vështirësi të mëdha në punë. Ato kanë kulmuar nga fushata zgjedhore e fundvitit 2010 në komunën e Skenderajt, e po vazhdojnë edhe sot, jo vetëm duke e penguar në ushtrimin e lirë të punës së gazetarit por edhe duke e kërcënuar dhe sulmuar në forma të ndryshme. Nga kërcënimet nuk janë kursyer as familja e tij. Z.Meta vazhdon të jetë zë i besuar dhe i cmuar për informim objektiv dhe të drejtë për qytetarët e Komunës së Skenderajt dhe më gjërë.

Halil Matoshi, publicist njëherit edhe anëtarë i Bordit Këshillëdhënës nga Lëvizja FOL, tha se “Lëvizja FOL duke ndarë çmimin për Guxim Qytetar njeh dhe mbështet kontributin e çmuar dhe të guximshëm të z.Meta, i cili është një shembull i mirë i gazetarisë profesionale si dhe guximit, ai më tej shtoi se z.Meta duhet të jetë një shembull i mirë për gazetarinë në Kosovë.

Ndërsa, Petrit Zogaj, drejtor ekzekutiv në FOL tha se: Lëvizja FOL po mbyll këtë vit, sikur se edhe tre vitet e tjera, më një ngjarje, e cila po tenton të mbështes, të mbroj dhe të falënderoj individët, të cilët, edhe pse kanë hasur në vështërsi gjatë kryerjes së punës së tyre të përditshme, nuk janë ndalur në asnjë moment për të informuar publikun, për të hapur debat për çështje të caktuara dhe për t’i mbrojtur kauzat e tyre të drejta. Z.Meta, është një shembull i një qytetari të devotshëm, i cili nuk bën kompromise më parimet, duke qenë I gatshëm të pranoj edhe rreziqet që mund t’i vijnë.
Fituesit e këtij Çmimi në tre vjetet e fundit ishin: z. Rufki Suma, kandidat i pavarur që fitoi zgjedhjet për kryetar të Komunës së Hani të Elezit, znj. Ajnishahe Shala-Halimi poashtu edhe z.Ejup Bajrami, ndërsa këtë viti ky çmim i’u nda z.Adem Meta.

Prishtinë, 28 dhjetor 2012 – Në bazë të Ligjit për Lirinë e Asocimit në Republikën e Kosovës dhe Statutin e organizatës, me datë 28 dhjetor 2012, është mbajtur mbledhja e Kuvendit të Anëtarëve të Lëvizjes FOL, i cili është organi kryesor vendimmarrës në organizatë. Në këtë mbledhje është miratuar në parim raporti vjetor i punës për vitin 2012 dhe raporti i auditimit për periudhën 2011.

Gjatë periudhës janar- dhjetor 2012 janë realizuar gjithsej 52 aktivitete, nga të cilat kemi realizuar 14 publikime të ndryshme (Raporte dhe Analiza), 11 konferenca për shtyp, janë organizuar 5 tryeza të rrumbullakëta në nivel qendror dhe lokal, kemi koordinuar 2 deklarata të përbashkëta të Shoqërisë Civile, kemi pasur 8 reagime publike, kemi nënshkruar 1 marrëveshje mirëkuptimi me Ministrinë e Integrimeve Evropiane dhe me Këshillin Gjyqësor të Kosovës, kemi organizuar Turneun Kombëtar të Debatit të formatit “Karl Popper” në Qendrën e Doktrinës dhe Stërvitjes së FSK-së në Ferizaj dhe Turneun �Prishtina Open 2012″.

Kemi organizuar Kampin veror 2012 me vullnetarët e rinj të FOL-it, kemi realizuar Platformën e deklarimit dhe e krahasimit të pasurisë së Zyrtarëve të Lartë Publikë 2010-2012. Po ashtu kemi organizuar fushatën Testi i përgjegjshmërisë në tetë komuna të Kosovës. Që nga prilli i këtij viti jemi zgjeruar edhe në dy komuna të Kosovës në Gjakovë dhe Podujevë. Gjatë muajit nëntor është mbajtur takimi për planifikim strategjik 2013-2015. Grupi punues jo formal në të cilën pjesëmarrës ishin institucionet e prokurimit, autoritete të ndryshme kontraktuese dhe përfaqësues të shoqërisë civile, kishte mbajtur takimin e radhës në muajin dhjetor.

Po ashtu në këtë mbledhje anëtarët e Kuvendit të Lëvizjes FOL kanë miratuar përmbledhjen ekzekutive të draft Strategjisë së punës së Lëvizjes FOL për vitet 2013-2015.

Galeria e aktivitetit

 

Prishtinë, 21 dhjetor – Lëvizja FOL publikoj sot raportin “Testi i Përgjegjshmërisë”, raport ky i cili synon të tregojë nivelin e përgjithshëm të zbatimit të Ligjit për Qasje në Dokumente Publike në tetë komuna të ndryshme të Republikës së Kosovës: Mitrovicë, Ferizaj, Prizren, Gjakovë, Kamenicë, Podujevë, Gjilan dhe Pejë.
Ky raport është produkt i fushatës dhe sondazhit të cilat Lëvizja FOL e ka realizuar gjatë muajit shtator në komunat e lartshënuara.

Të gjeturat e këtij raporti ekspozojnë problemet kryesore që Komunat në fjalë ballafaqohen gjatë zbatimit të dispozitave ligjore, e të cilat ndërlidhen kryekëput me qasjen e qytetarëve në dokumentet publike.
Ndër problemet më të mëdha të paraqitura në Komunat e lartpërmendura evidentohen:
– Mungesa e njohurisë së qytetarëve rreth ekzistimit të Ligjit për Qasje në Dokumente Publike. Edhe pse sipas të gjeturave të anketës shumica e të anketuarve (53.6 %) janë përgjigjur se kanë dëgjuar për ekzistimin e Ligjit për Qasje në Dokumente Publike, niveli i njohurisë së tyre për përmbajtjen e ligjit është jashtëzakonisht i mangët.

– Numri i vogël i kërkesave nga ana e qytetarëve për qasje në autoritetet lokale dhe/ose qendrore. Sipas të gjeturave të raportit rezulton se niveli i interesimit të qytetarëve për të bërë kërkesa për qasje në dokumente publike është shumë i ulët. Vetëm 22.2% e tyre kanë deklaruar se kanë bërë kërkesa të tilla drejtuar institucioneve, kundrejt 77.3% e tyre që nuk kanë bërë asnjëherë kërkesa të tilla. Shumica e këtyre kërkesave janë bërë në nivelin komunal: 98.3% e qytetarëve kanë deklaruar se kanë bërë kërkesa në komunat e tyre dhe vetëm 1.6% prej tyre kanë bërë kërkesë në nivelin qendror.

– Mungesa e interesimit të zyrtarëve për t’i informuar qytetarët rreth të drejtave që ata gëzojnë për qasje në dokumente publike. Rreth 60.6% prej kërkesave që janë bërë nga ana e qytetarëve të Kosovës nuk kanë marrë përgjigje nga ana e institucioneve, kundrejt 39.3% të rasteve të cilat kanë marrë një përgjigje të tillë. Në këto përgjigje, 58.3% të rasteve kanë qenë përgjigje pozitive, 8.3% kanë qenë përgjigje negative dhe në 33.3% të rasteve institucionet kanë lejuar qasje të pjesshme.

Përgjigjet e dhëna në mënyrë selektive, të pamjaftueshme dhe me shprehje të përgjithshme.
– Mos pranimi i kërkesave nga zyrtarët për informim, siç e parasheh Ligji për Qasje në Dokumente Publike, por nga zyrat pritëse (duke i trajtuar ato si të gjitha kërkesat tjera).
– Mos-koordinimi i zyrtarëve rreth përgjigjeve në kërkesat për qasje në dokumente publike.
– Mosrespektimi i afatit ligjor për kthimin e përgjigjeve nga zyrtarët për informim.
– Pagesa nga 1 euro për të bërë një kërkesë për Qasje në dokumente publike.
Bazuar në një analizë krahasuese të të dhënave, Komuna e Podujevës rezulton të jetë në nivel më të mirë sa i përket zbatimit të Ligjit për Qasje në Dokumente Publike, ndërkaq ajo e Pejës është shënuar (dukshëm) si komuna me nivel më të keq të zbatimit të dispozitave ligjore që kanë të bëjnë me qasjen e qytetarëve në dokumentet publike apo zyrtare.

Raportin e plotë mund të gjeni në këtë link:
http://levizjafol.org/images/uploads/files/Raporti_Testi_i_Pergjegjshmerise-1.pdf

Ndërkaq, rezultatet e sondazhit të Lëvizjes FOL i gjeni në këtë link:
http://levizjafol.org/images/uploads/files/Rezulatetet_e_hulumtimit_%281%29.pdf

Prishtinë, 19 Dhjetor – Bordi Këshillëdhënës i Lëvizjes FOL ka mbajtur të mërkurën, mbledhjen e fundit për këtë vit. Udhëheqësit e Lëvizjes FOL njoftuan anëtarët e Bord-it me zhvillimet dhe aktivitetet që FOL ka realizuar në këtë vit dhe gjithashtu për planet që do të realizohen në vitin e ardhshëm.

Në këtë takim ndër pikat që u diskutuan ishte edhe organizimi i ceremonisë së çmimit vjetor për guximin qytetarë. Pas një diskutimi për kushtet dhe kriteret e këtij çmimi, Bordi vendosi për emrin e personit i cili do ta marrë këtë çmim në këtë vit.

Bord-i u pajtua që deri në mbledhjen e ardhshme, që do të jetë në mes të shkurtit të vitit të ardhshëm me ç’rast do të vlerësojë punën një vjeçare të Lëvizjes FOL dhe do të miratoi strategjinë e re për vitet 2013-2015.

Galeria e aktivitetit

Prishtinë, 14 Dhjetor – Lëvizja FOL në kuadër të përpjekjeve të saj për identifikimin e problemeve në fushën e prokurimit publik mbajti sot takimin e radhës të Grupit Punues Jo-formal, në të cilën marrin pjesë institucionet e prokurimit, autoritete të ndryshme kontraktuese dhe përfaqësues të shoqërisë civile.

Lëvizja FOL i njoftoi fillimisht pjesëmarrësit me raportet dhe analizat e publikuara gjatë këtij viti, siç janë: Analizë e Ligjit të Prokurimit në Kontekstin e Transparencës, Analizë për Shpërdorimin me Autoritetin Publik në Fushën e Prokurimit Publik, si dhe tre Monitorues të Prokurimit. Më pas, pjesëmarrësit e GPJ kanë diskutuar rreth mundësisë së anëtarësimit të Kosovës në Open Government Partnership, e cila është një organizatë që promovon transparencën dhe llogaridhënien. Në dokumentin “Rruga drejt OGP-së”, Lëvizja FOL ka hartuar një draft-propozim për planin nacional të veprimit të Kosovës, e i cili është një kusht themelor në rrugën e anëtarësimit në OGP.
Pas këtij diskutimi, Lëvizja FOL përmes një analize ka paraqitur tri çështje kryesore që paraqesin shqetësim për fushën e prokurimit publik. Këto çështje përfshijnë:
1. Çështja e diskriminimit: Lëvizja FOL mendon se kërkesa e kontratave apo kontratave të shoqëruara me referenca vetëm me institucionet shtetërore nga Operatorët Ekonomik paraqet diskriminim për bizneset e reja dhe ato që kanë përvojë por për arsye të ndryshme nuk kanë punuar me institucione shtetërore deri tani. Po ashtu, shpeshherë është e paqartë se kush është i autorizuar të lëshojë referencën në rastin kur OE punojnë me institucionet shtetërore.
2. Çështja e disponueshmërisë së mjeteve dhe Çmimeve jo normalisht të ultë: Lëvizja FOL mendon se bërja publike e disponueshmërisë së mjeteve për tenderët do të ndikonte pozitivisht në eliminimin e problemit të çmimeve jo normalisht të ultë. Shpeshherë dallimi në mes të OE konkurrues më të lirë dhe më të shtrenjtë arrin deri në 40%-50% të ofertës. Pasi që me LPP nuk rregullohet në mënyrë taksative ky problem do të mund të rregullohej me akte ligjore nga ana e KRPP-së
3. Lëvizja FOL në kuadër të lobimit për anëtarësim në OGP shpreh edhe avantazhet që do të sillte aplikimi i e-procurement, i cili është pjesë e propozimeve të lëvizjes FOL për planin nacional të veprimit në rrugën drejt anëtarësimit.

Pjesëmarrësit u pajtuan që:
1. Kërkesa e kontratave apo kontratave të shoqëruara me referenca e komplikon procesin e tenderimit. Mirëpo kemi të bëjmë me një thikë me dy teha sepse nëse nuk kërkohen këto rrezikohet niveli i kualitetit pasi që nuk kemi një matës tjetër të aplikueshëm për të matur kualitetin e OE konkurrues dhe nëse kërkohen rrezikohet konkurrenca pasi që diskriminohen bizneset e reja dhe ato që deri tani nuk kanë punuar me institucionet shtetërore.
2. Disponueshmëria e mjeteve duhet të bëhet publike dhe do të ndikonte pozitivisht në eliminimin e problemit të çmimeve jo-normalisht të ultë. Mirëpo ky proces duhet të shoqërohet me një analizë të detajuar për koston e punës që tenderohet, dhe duhet të zhvillohet një formulë e aplikueshme për të gjitha institucionet se me çfarë përqindje dallimi nga mjetet në dispozicion do të merreshin parasysh ofertat.
3. Përmes sensibilizimit publik, takimeve më të shpeshta dhe përfshirjes së më shumë institucioneve të lobohet për anëtarësimin në OGP.
Në këtë takim morën pjesë: Komisioni Rregullativ i Prokurimit Publik, Ministria e Administrimit të Pushtetit Lokal, Ministria e Administratës Publike, Prokuroria e Shtetit, Kosovo Democratic Institute, Shërbimi Korrektues i Kosovës dhe Ministria e Drejtësisë.

Galeria e aktivitetit