Prishtinë, 28 korrik 2022 – Lëvizja FOL me 2 qershor 2022 ka bërë kërkësë për opinion ligjor në Agjencinë kundër Korrupsion në lidhje me ligjshmërinë e shpërblimit me tender të ish-shefit të prokurimit në Komunën e Klinës nga kjo komunë, ende pa u bërë dy (2) vite nga koha e pensionimit të tij në këtë pozitë.

Pas kërkesës, FOL ka pranuar opinionin ligjor nga Agjencia kundër Korrupsion (nr. PKI-06-2857/22), ku thuhet se shpërblimi me tender i ish zyrtarit të lartë të prokurimit pa kaluar dy vite nga përfundimi i funksionit publik (pensionimit) nga institucioni në të cilin ka qenë i punësuar zyrtari është në kundërshtim me dispozitën e nenit 18, paragrafi 1, nënparagrafi 1.2 të Ligjit për Parandalimin e Konfliktit të Interesit, si dhe ka kërkuar anulimin e kontratës dhe pasojave të krijuara nga lidhja e kontratës në fjalë.

Për më tepër, FOL në artikullin e publikuar me titull: “?ë ????ë?????? ?? ??????, ?????? ? ????ë? ???ë????? ?? ?????? ???-?????? ? ?????????? ??????”, kishte gjetur se ish – shefi i prokurimit të kësaj komune, që e ka fituar tenderin përkatës, për më shumë se dy dekada ka punuar në Zyrën e Prokurimit në Komunën e Klinës si shef i kësaj zyreje, deri në kohën e pensionimit. Por, angazhimi i tij në komunë do të vazhdonte të paktën edhe një vit, pasi së fundmi ai përfitoi një kontratë një-vjeçare në vlerë prej 7 mijë e 200 eurove.

Në Këtë link mund ta gjeni artikullin e FOL https://bit.ly/3vlCLpH, si dhe Opinioni Ligjor i Agjenisë kundër Korrupsion. 

Prishtinë, 25 korrik 2022 – Lëvizja FOL ka monitoruar procesin e intervistimit të kandidatëve për anëtar të Bordit të Radio Televizionit të Kosovës (RTK), dhe tërë mbarëvajtjen e punëve të komisionit përgjegjës në këtë fazë e cilëson me mungesë të theksuar të transparencës dhe të vlerësimit objektiv të kandidatëve.

Në këtë proces kishin aplikuar gjithsej 14 kandidatë, ndërsa fazës së intervistimit i janë nënshtruar vetëm 9 prej tyre. Anëtarë të Komisionit Ad-hoc për përzgjedhjen e këtyre kandidatëve ishin: Fitim Hajrizi (LVV), Arbëreshë Kryeziu (LVV), Njazi Isaku (LVV), Valon Ramadani (LVV), Besim Muzaqi (LVV), Ergjan Galushi (LPRK), Albana Bytyqi (AAK) dhe Agim Veliu (LDK).

Të gjithë kandidatëve nuk u janë parashtruar pyetjet e njëjta nga ana e komisionit, duke krijuar kështu trajtim të pabarabartë të kandidatët dhe vlerësim jo objektiv dhe jo meritor nga ana e komisionit.

Gjithashtu, duke mos e respektuar parimin e transparencës, anëtarët e komisionit e kanë mbajtur të fshehur poentimin për secilin kandidat individualisht, si dhe nuk i kanë arsyetuar ato para monitoruesve të shoqërisë civile dhe aktivistëve. Publike u bënë vetëm totali i pikëve për secilin kandidat në fund të procesit. Në këtë mënyrë, deputetët e Kuvendit kanë vepruar në kundërshtim me praktikën e mirë të krijuar në procesin e kaluar të përzgjedhjes së anëtarëve të Bordit të RTK-së, si dhe me standardet e krijuara nga ekspertët britanik (BDO) për proceset rekrutuese.

Gjithashtu, duhet theksuar se Kuvendi i Kosovës nuk mori parasysh pohimin e njërit prej kandidatëve se është pozitiv me COVID 19. Pra, kandidati qysh më herët kishte deklaruar se është në ditën e 9 të karantinimit, dhe pavarësisht kësaj është ftuar për tu intervistuar fizikisht nga ana e kuvendit.

Kandidatët që i janë propozuar Kuvendit për votim për anëtar të Bordit të RTK-së janë: Mehmet Kalisi (697 pikë) dhe Besnik Aliu (622 pikë).

FOL konsideron se i tërë procesi i përzgjedhjes së anëtarëve të Bordit të RTK-së duhet domosdoshmërisht të përsëritet në mënyrë që të ruhet pavarësia dhe kredibiliteti i Bordit të Radio Televizionit të Kosovës.

Vushtrri (Stanoc i Epërm) 21 korrik 2022 – Lëvizja FOL në kuadër të debateve FOL Hapur me Kryetarët e Komunave të Kosovës, ka mbajtur takim me tretë me Kryetarin e Komunës së Vushtrrisë, z. Ferit Idrizi.

Temë diskutimi e këtij takimi me qytetarë ishte implementimi i Ligjit për Vetëqeverisjen Lokale, si dhe Udhëzimi Administrativ (MAPL) për Organizimin, Funksionimin dhe Bashkëpunimin e Komunave me Fshatrat, Vendbanimet dhe Lagjet Urbane.

Gjithashtu, gjatë këtij diskutimi në mënyrë të hollësishme u shtjellua çështja e përzgjedhjes së këshillave lokal, funksionimi i tyre si dhe mënyra më e mirë e bashkëpunimit në mes komunës dhe kryetarëve të këshillave për adresimin e kërkesave të të gjithë qytetarëve.

Poashtu, pjesëmarrësit kishin mundësinë që të diskutonin me Kryetarin Idrizi për problemet me të cilat këta qytetarë përballen çdo ditë. Debati me qytetarë do është mbajtur në ambientet e shkollës së fshatit Stanoc i Epërm (SHFMU “Migjeni”) komuna e Vushtrrisë.

Debate të këtij formati FOL do të mbajë dhe në komunat e tjera të Kosovës

Ky diskutim mbështetet nga Rockfeller Brothers Fund.

Podujevë ( Gllamnik) 20 korrik 2022 – Lëvizja FOL në kuadër të debateve FOL Hapur me Kryetarët e Komunave të Kosovës, ka mbajtur takim me dytë me Kryetarin e Komunës së Podujevës, z. Shpejtim Bulliqi.

Temë diskutimi e këtij takimi me qytetarë ishte implementimi i Ligjit për Vetëqeverisjen Lokale, si dhe Udhëzimi Administrativ (MAPL) për Organizimin, Funksionimin dhe Bashkëpunimin e Komunave me Fshatrat, Vendbanimet dhe Lagjet Urbane.

Gjithashtu, gjatë këtij diskutimi në mënyrë të hollësishme u shtjellua çështja e përzgjedhjes së këshillave lokal, funksionimi i tyre si dhe mënyra më e mirë e bashkëpunimit në mes komunës dhe kryetarëve të këshillave për adresimin e kërkesave të të gjithë qytetarëve.

Poashtu, pjesëmarrësit kishin mundësinë që të diskutonin me Kryetarin Bulliqi për problemet me të cilat këta qytetarë përballen çdo ditë. Debati me qytetarë është mbajtur në komunën e Podujevës, në ambientet e shkollës së fshatit Gllamik (SHFMU “Kongresi i Manastirit”).

Debate të këtij formati FOL do të mbajë dhe në komunat e tjera të Kosovës

Ky diskutim mbështetet nga Rockfeller Brothers Fund.

Prishtinë, 21 korrik 2022 – Lëvizja FOL me mbështetjen e Rockfeller Brothers Fund, ka mbajtur disa sesione informative me zyrtarët komunalë lidhur ku është diskutuar rreth legjislacionit të ri dhe mjetet në dispozicion për përfshirjen e qytetarëve në proceset vendimmarrëse në nivel lokal, si dhe përmirësimin e praktikave demokratike të konsultimeve publike.

FOL gjithashtu në kuadër të aktiviteteve të mbështetura nga Rockfeller Brothers Fund ka mbajtur tamike dhe me OJQ-të lokale ku është diskutuar për t’u përfshirë shoqwria civile në mënyrë efektive në procesin e vendimmarrjes. Si dhe pwr angazhim mw tw madhw tw qytetarëve në proceset vendimmarrëse.

Takime të tilla FOL ka mbajtur në Komunën e Ferizajt, Pejës, Podujevës dhe Vushtrrisë.

Pristina, July 19, 2022- The FOL movement supported by the US State Department, through the International Bureau for Narcotics Issues and Rule of Law (INL), together with the students of the Faculty of Law, have visited the Court of Appeal and the Basic Court of Pristina.
The students were welcomed to the meeting by the Chairman of the Court of Appeal, Mr. Valon Totaj, and the Deputy Chairman of the Basic Court in Pristina, Mr. Dren Rugova. During these meetings, the students were closely informed about the organization and functioning of these courts, the challenges they face, the flow of cases and other issues related to the judicial system, as well as they had the opportunity to see the halls where the processes are held. judicial.
he Chairman of the Court of Appeal and the Deputy Chairman of the Basic Court of Pristina expressed their willingness to host students in meetings or other groups that show interest in the organization and work of the courts in the future.
The FOL movement, together with students, will also visit other basic courts, as well as the Supreme Court.
This Project is funded by the US State Department, through the International Bureau on Narcotics and Rule of Law (INL).

Prishtinë, 15 korrik 2022 – Lëvizja FOL ka vazhduar me monitorimin e publikimit të aktgjykimeve për periudhën 1 qershor – 30 qershor 2022 për të gjitha gjykatat e Kosovës.

Gjatë monitorimit të aktgjykimeve të publikuara në ueb-faqen e Këshillit Gjyqësor të Kosovës për periudhën e lartpërmendur, është vërejtur se në total janë të publikuara 3567. Gjykata me më së shumti aktgjykime të publikuara për muajin qershor 2022 është Gjykata e Apelit me 746 aktgjykime.

Më poshtë mund të shihni infografikat për secilën gjykatë si dhe degë. Po ashtu mund të shihni edhe numrin e aktgjykimeve të publikuara sipas natyrës penale, civile, administrative si dhe ekonomike.

Prishtinë, 14 korrik 2022- Lëvizja FOL mbështetur nga Departamenti i Shtetit Amerikan, përmes Byrosë Ndërkombëtare për Çështje të Narkotikëve dhe Sundim të Ligjit (INL), së bashku me studentët e Fakultetit Juridik kanë vizituar Gjykatën Themelore të Pejës, të Gjakovës, të Ferizajt dhe Gjykatën Themelore të Prizrenit.

Studentët u pritën në takim nga kryetarët apo nënkryetarët e këtyre gjykatave. Gjatë takimeve të mbajtura studentët u informuan nga afër për organizimin dhe funksionimin e këtyre gjykatave, sfidat me të cilat përballen dhe fluksin e lëndëve, si dhe patën mundësi që të shohin për së afërmi sallat ku mbahen proceset gjyqësore.

Kryetarët e gjykatave u shprehën të gatshëm që edhe në të ardhmen të presin studentë në takime apo dhe grupe tjera që shfaqin interesim për organizimin dhe punën e gjykatave.

Lëvizja FOL së bashku me studentë do të vizitojnë edhe gjykatat tjera themelore, si dhe Gjykatën Supreme dhe atë të Apelit.

Ky Projekt financohet nga Departamenti i Shtetit Amerikan, përmes Byrosë Ndërkombëtare për Çështje të Narkotikëve dhe Sundim të Ligjit (INL).

Pleshinë, 13 korrik 2022 – Lëvizja FOL sot ka filluar serinë e debateve FOL Hapur me Kryetarët e Komunave të Kosovës, ku i ftuari i parë i këtij formati ishte nënkryetari i Komunës së Ferizajt z. Lulzim Aliu. Diskutimi me qytetarët u mbajt në fshatin Pleshinë të Komunës së Ferizajt.

Gjatë këtij takimi u diskutua rreth implementimit të Ligjit për Vetëqeverisjen Lokale, si dhe zbatimi i Udhëzimit Administrativ të (MAPL) për Organizimin, Funksionimin dhe Bashkëpunimin e Komunave me Fshatrat, Vendbanimet dhe Lagjet Urbane.

Gjatë këtij takimi pjesëmarrësit kishin mundësinë që të diskutonin me nënkryetarin z. Aliu për problemet me të cilat këta qytetarë përballen çdo ditë. Po ashtu, gjatë këtij diskutimi në mënyrë të hollësishme u shtjellua çështja e përzgjedhjes së këshillave lokal, funksionimi i tyre, si dhe mënyra më e mirë e bashkëpunimit në mes komunës dhe kryetarëve të këshillave për adresimin e kërkesave të të gjithë qytetarëve.

Debate të këtij formati FOL do të mbajë dhe në komunat e tjera të Kosovës.

Ky diskutim mbështetet nga Rockfeller Brothers Fund.

Prishtinë, 12 korrik 2022 – Lëvizja FOL, me mbështetjen e “Safe Journalist” ka mbajtur të martën sesionet  informuese në lidhje me Paditë Slapp (Paditë Strategjike Kundër Pjesëmarrjes Publike) me aktivistë dhe gazetarë të Konunës së Pejës dhe të Ferizajt.

Në këtë diskutim gazetarët dhe aktivistët kishin rastin të informohen në lidhje me kuptimin e Padive Slapp, nivelin e përhapjes së këtij fenomeni në vendin tonë, si dhe se sa janë të rrezikuar gazetarët dhe aktivistët kosovar nga ushtrimi i këtyre padive.

Ky takim kishte për qëllim që gazetarët të njihen me Paditë Slapp dhe mënyrën e luftimit të këtyre padive, si dhe rolin e rëndësishëm që luajnë gazetarët dhe akterët e tjerë të medias në një shoqëri demokratike.

Diskutime të tilla me gazetarë dhe aktivistë në vazhdim do të mbahen edhe nëpër komuna të tjera të Kosovës.

Ky projekt financohet nga Bashkimi Evropian përmes safejournalists.net.

Prishtinë, 4 korrik 2022 – Lëvizja FOL ka vazhduar me monitorimin e publikimit të aktgjykimeve në ueb-portalin e Këshillit Gjyqësor të Kosovës për të gjitha gjykatat në vend. Gjatë muajit maj 2022, gjykatat kanë publikuar 4523 aktgjykime. Gjykata me numrin më të madh të aktgjykimeve të publikuara për muajin maj është Gjykata Themelore e Prishtinës me 1353 aktgjykime. Më poshtë mund të shihni infografikat për secilën gjykatë si dhe degë. Poashtu mund të shihni edhe numrin e aktgjykimeve të publikuara sipas natyrës penale, civile, administrative si dhe ekonomike.

Prishtinë, 21 qershor 2022 – Organizatat joqeveritare Instituti i Kosovës për Drejtësi (IKD), Grupi për Studime Juridike dhe Politike (GLPS) dhe Lëvizja FOL (tutje: Koalicioni), me 24 mars 2022 prezantuan Raportin “Integriteti i procesit të përzgjedhjes së Kryeprokurorit të Shtetit (Raport i monitorimit dhe i vlerësimit të procesit të përzgjedhjes së Kryeprokurorit të Shtetit).”

Në këtë Raport si dhe në vazhdimësi, Koalicioni e shihte të domosdoshme që procesi i përzgjedhjes së Kryeprokurorit të Shtetit të kthehej në pikën zero, duke vlerësuar që Këshilli Prokurorial i Kosovës (KPK) kishte dështuar të siguronte integritetin dhe meritokracinë e këtij procesi.

Mes tjerash, Koalicioni kishte vlerësuar që paneli intervistues ka dështuar në një vlerësim objektiv dhe gjithëpërfshirës të kandidatëve. Një parregullsi e tillë e procesit tani dëshmohet më së miri nga formularët e vlerësimeve të kandidatëve (fletëpoentimet) nga secili anëtar i panelit intervistues. Këto fletëpoentime Koalicioni ka arritur t’i sigurojë më 10 qershor 2022, vetëm përmes Agjencisë për Informim dhe Privatësi (AIP), pasi që Këshilli Prokurorial nuk ishte përgjigjur fare në Kërkesën për Qasje në Dokumente Publike të Koalicionit, të dorëzuar më 4 prill 2022 .

Pas analizimit të fletëpoentimeve të secilit anëtar të panelit intervistues, për secilin kandidat për Kryeprokuror të Shtetit, Koalicioni ka vërejtur se arsyetimi i vlerësimit për secilën kategori poentuese është i cekët dhe i mungon analiza e duhur, dhe është në kundërshtim të plotë me Udhëzuesin për nenet 13 dhe 14 të Rregullores për Emërimin e Kryeprokurorit dhe Kryeprokurorëve, të miratuar nga vetë KPK. Anëtarët e panelit intervistues nuk kanë arritur që të japin një arsyetim analitik për vlerësimin e bërë, duke dhënë thjeshtë arsyetime sipërfaqësore, pa një analizë të mirëfilltë dhe arsyetim bindës për vlerësimin e bërë.

Edhe pse arsyetimi dhe argumenti do duhej të organizohej në atë formë që sa më shumë të jetë bindës dhe po ashtu për ta mbrojtur vet poentimin e anëtarit, megjithatë paneli intervistues nuk ka arritur që të ndërtojë një arsyetim të tillë, pasi poentimi i këtyre anëtarëve nuk përputhet me arsyetimin e dhënë dhe kjo më së miri vërehet në disa kategori poentuese ku arsyetimi i anëtarit është plot me lavde dhe pa asnjë vërejtje dhe më pas kandidatit i hiqen disa pikë, pa treguar arsyen se pse po i hiqen ato pikë dhe ku ka dështuar kandidati.

Sipas Udhëzuesit të lartpërmendur, për të siguruar një qasje të drejtë, të qëndrueshme dhe meritore, anëtarët e Panelit duhet të marrin shënime rreth përgjigjeve të pyetjeve dhe ta përdorin atë informacion për të vendosur se çfarë standardi ka arritur kandidati në lidhje me kompetencën specifike në shqyrtim. Mirëpo, me arsyetime kaq të cekëta, më nga vetëm një faqe për kandidat, me minimum fjalish për një kategori poentuese (në raste të caktuara vetëm me një fjali), tregohet qartë se anëtarët e panelit intervistues të KPK-së, të japin përshtypjen se këtë proces e kanë zhvilluar shkel e shko, pa i dhënë kohën dhe rëndësinë që i takon këtin procesi, si dhe nuk kanë arritur të përçojnë në publik bindjen se vlerësimi i bërë për kandidatët ishte adekuat, i bazuar në intervistë dhe ccka është më e rëndësishmja duke cenuar meritokracinë e procesit.

Gjithashtu, në arsyetimin e fletëpoentimeve, është parë se anëtarët e panelit intervistues nuk i kanë as vetë të qarta kompetencat e Kryeprokurorit të Shtetit dhe ato të Këshillit Prokurorial, pasi në arsyetimin e tyre, kandidati vlerësohet se nuk ka treguar vizion, strategji dhe aftësi menaxhuese për sfidat e përgjithshme në sistemin prokurorial të cilat janë në kompetencë të KPK-së si organ kolegjial dhe asesi kompetencë dhe përgjegjësi e Kryeprokurorit të Shtetit. Lidhur me këtë problematikë Koalicioni edhe në raportin e publikuar për procesin e përzgjedhjes së Kryeprokurorit të Shtetit kishte theksuar se shumë pyetje në formularin e Koncept Dokumentit ndërlidhen me proceset që janë kompetencë e KPK-së e jo e Kryeprokurorit të Shtetit.

Si përfundim, gjetjet e kaluara të Koalicionit se, mes tjerash, Rregullorja për emërimin e Kryeprokurorit të Shtetit dhe Kryeprokurorëve të Prokurorive të Republikës së Kosovës si dhe Udhëzuesi përkatës nuk kanë gjetur zbatim adekuat në vlerësimin e kandidatëve, duke dështuar të sigurohet integriteti dhe meritokracia e procesit, kjo rikonfirmohet edhe pas sigurimit të fletëpoentimeve të anëtarëve të panelit intervistues. Prandaj, Koalicioni vazhdon të insistojë se procesi i përzgjedhjes së Kryeprokurorit të Shtetit duhet të kthehet në pikën zero, në mënyrë që të garantohet integriteti dhe meritokracia e procesit.

Prishtinë, 9 qershor 2022 – Lëvizja FOL me mbështetjen e “Safe Journalists” ka mbajtur të enjten më 9 qershor diskutimin “FOL Hapur” me gazetarë dhe aktivistë të Komunës së Prizrenit.

Në këtë diskutim gazetarët dhe aktivistët kishin rastin të informohen në lidhje me kuptimin e padive SLAPP, nivelin e përhapjes së këtij fenomeni në vendin tonë, si dhe se sa janë të rrezikuar gazetarët dhe aktivistët kosovar nga ushtrimi i këtyre padive.

Ky takim kishte për qëllim që gazetarët të njihen me paditë SLAPP dhe mënyrën e luftimit të këtyre padive, si dhe rolin e rëndësishëm që luajnë gazetarët dhe akterët e tjerë të medias në një shoqëri demokratike.

Diskutime të tilla me gazetarë dhe aktivistë në vazhdim do të mbahen edhe nëpër komuna të tjera të Kosovës.

Ky projekt financohet nga Bashkimi Evropian përmes safejournalists.net.

Prishtinë, 09 06 2022- Lëvizja FOL me mbështetjen e UNMIK Misioni i Kombeve të Bashkuara në Kosovë, dje së bashku me studentët e Fakultetit Juridik kishin vizituar Gjykatën themelore në Prizren.

Studentët u pritën në takim nga Kryetarja e Gjykatës znj. Shpresa Emra. Gjatë këtij takimi studentët u informuan për organizimin dhe funksionimin e Gjykatës Themelore në Prizren si dhe degëve të saj.

Kryetarja Emra tha se “ne punojmë pa reshtur ta rrisim transaprencën, të jemi të hapur për publikun dhe sunduesit e ligjit, por me theks të veçant t’iu ndihmojmë studentëve të juridikut”.

Kryetarja Emra, në bashkëbisedimin me studentët, i’u është përgjigjur pyetjeve të shumta nga studentët, duke ofruar sqarime për natyrën e punës së Gjykatës dhe informacione shtesë për trajtimin e rasteve të veçanta për të cilat studentët kishin interesim.

Kryetarja ka theksuar se viteve të fundit Gjykata ka arritur nivelin e transparencës, duke përmirësuar dhe zhvilluar edhe infrastrukturën me qëllim të rritjes së cilësisë dhe transparencës së procesit gjyqësor dhe shërbimeve ndaj publikut.

Kryetarja Emra u shpreh e gatshme që dhe në të ardhmen do të pres studenta në takime apo dhe grupe tjera që shfaqin interesim për organizimin dhe punën e Gjykatës Themelore në Prizren.

Ky Projekt financohet nga UNMIK – Misioni i Kombeve të Bashkuara në Kosovë.

Prishtinë, 08 qershor 2022 – Lëvizja FOL ka mbajtur sot diskutimin FOL Hapur me drejtorin e Agjencisë kundër Korrupsionit, z. Yll Buleshkaj.
Me z. Buleshkaj u diskutua për ndryshimet ligjore që janë bërë për Ligjin për Agjencinë kundër Korrupsion dhe Ligjit për Deklarimin, Kontrollin, Prejardhjen e Pasurisë dhe Dhuratave si dhe efekti i këtyre ligjeve në mandatin aktual të Agjencisë.
Gjithashtu, gjatë këtij forumi u diskutua rreth zbatimit të Ligjit për Mbrojtën e Sinjalizuesve si dhe Ligjit për Parandalimin e Konfliktit të Interesit.

Prishtinë, 3 qershor 2022 – Lëvizja FOL me mbështetjen e “Safe Journalist” ka mbajtur të premten trajnimin njëditor me gazetarë të mediave lokale dhe qendrore.

Në këtë trajnim, gazetarët u njohën nga afër me përvojat e kolegëve të tyre, Ardiana Thaçi dhe Lavdim Hamidi, të cilët po përballen me paditë SLAPP. Ndërkaq ekspertja për media, Flutura Kusari, i ka njoftuar gazetarët për kornizën ligjore të padive SLAPP, lirinë e shprehjes dhe të drejtat e gazetarëve.

Ky trajnim kishte për qëllim që gazetarët të njihen me paditë SLAPP dhe mënyrën e luftimit të këtyre padive, detyrimet e tyre sipas të drejtave ndërkombëtare të njeriut dhe të drejtës humanitare, rolin e rëndësishëm që luajnë gazetarët dhe aktorët e tjerë të medias në një shoqëri demokratike si dhe standardet ndërkombëtare të lirisë së shprehje.

Ky projekt financohet nga Bashkimi Evropian përmes safejournalists.net

Prishtinë, 20 maj 2022 – Lëvizja FOL ka vazhduar me monitorimin e publikimit të aktgjykimeve nga të gjitha gjykatat e Kosovës në ueb-portalin e Këshillit Gjyqësor të Kosovës. Gjatë muajit prill 2022, gjykatat në ueb-portal të Këshillit Gjyqësor të Kosovës kanë publikuar 2177 aktgjykim. Gjykata me numrin më të madh të aktgjykimeve të publikuara për muajin prill është Gjykata e Apelit me 676 aktgjykime. Më poshtë mund të shihni infografikat për secilën gjykatë si dhe degë. Poashtu mund të shihni edhe numrin e aktgjykimeve të publikuara sipas natyrës penale, civile, administrative si dhe ekonomike.

Lëvizja FOL mbështetur nga Departamenti i Shtetit Amerikan, përmes Byrosë Ndërkombëtare për Çështje të Narkotikëve dhe Sundim të Ligjit (INL), ka mbajtur diskutimin “FOL Hapur për Sundimin e Ligjit në Kosovë”. Në këtë diskutim të ftuar ishin Ambasadori i Shteteve të Bashkuara të Amerikës z. Jeffrey M. Hovenier si dhe Ministrja e Drejtësisë znj. Albulena Haxhiu.

Në këtë diskutim është bërë prezantimi i gjetjeve nga raporti “Performanca e sistemit prokurorial dhe gjyqësor për rastet e dhunës në familje gjatë vitit 2021”, ndërkaq Ambasadori Amerikan ka bërë adresimin e tij të parë sa i përket fushës së sundimit të Ligjit në Kosovë.

Gjithashtu një adresim rreth sundimit të Ligjit në Kosovë e ka bërë edhe Ministrja e Drejtësisë znj. Albulena Haxhiu.

Gjeni raportin në gjuhën shqipe në këtë link:
si dhe në gjuhën angleze këtu: