Prishtinë, 21 shkurt 2023 – Lëvizja FOL ka vazhduar me monitorimin sistematik të aktgjykimeve dhe aktvendimeve të publikuara në ueb faqen zyrtare të Këshillit Gjyqësor të Kosovës nga të gjitha gjykatat e Kosovës edhe gjatë muajit janar. FOL gjatë monitorimit rëndësi të veçantë i ka kushtuar përputhshmërisë së vendimeve të publikuara me Udhëzimin Administrativ për Publikimin e Aktgjykimeve të Përpunuara, si dhe me Vendimin për Standardizimin e Formave të Aktgjykimeve. Gjatë muajit janar gjykatat kanë publikuar 3,050 aktgjykime dhe aktvendime në ueb-faqen zyrtare të Këshillit Gjyqësor të Kosovës, si dhe 1 procesverbal. Numrin më të madh të vendimeve i ka publikuar Gjykata Themelore e Gjakovës, përkatësisht 660 sosh, për t’u pasuar nga Gjykata e Apelit, me 528 vendime të publikuara gjatë kësaj periudhe. Të dhënat e detajuara në lidhje me publikimin e vendimeve nga secila gjykatë në veçanti, duke përfshirë degët dhe depratamentet e tyre, mund t’i shihni në grafikonët e mëposhtëm.

Prishtinë, 15 shkurt 2023 – Lëvizja FOL ka bërë monitorimin e Planit Strategjik dhe Operacional të Qeverisë për periudhën janar-dhjetor 2022 të 15 Ministrive dhe Zyrës së Kryeministrit. Nga 964 objektiva të parapara për këtë periudhë kohore, vetëm 471 objektiva kanë arritur të realizohen në tërësi nga ana e institucioneve të pushtetit ekzekutiv.

Totali përqindjes së realizimit të PSO nga Qeveria e Kosovës është llogaritur përmes matjes së realizimit të objektivave në masën 100 për qind.
Ndërkaq për secilën ministri përqindja tregon realizimin e aktiviteteve në total, duke sqaruar më poshtë se sa objektiva janë realizuar në tërësi, sa nuk kanë filluar të realizohen dhe sa janë në proces të realizimit.

Zyra e Kryeministrit nga 255 aktivitete të parapara në kuadër të Planit Strategjik dhe Operacional të Qeverisë, ka realizuar 131 aktivitete ndërkaq 94 nuk i ka realizuar.

Këto aktivitetet janë paraparë në kuadër të 78 objektivave:

• 39 objektiva janë realizuar 100 %

• 12 objektiva janë realizuar nga 50 % deri ne 99 %

• 8 objektiva janë realizuar nga 1 deri ne 50 %

• 19 objektiva të parapara për vitin 2022 nuk kanë filluar të realizohen.

Ministria për Komunitete dhe Kthim nga 18 aktivitete të parapara në kuadër të Planit Strategjik dhe Operacional të Qeverisë, ka realizuar 15 aktivitete dhe 3 nuk i ka realizuar.

Këto aktivitetet janë paraparë në kuadër të 6 objektivave:

· 4 objektiva janë realizuar 100 %

· 1 objektivë është realizuar nga 50 % deri ne 99 %

· 1 objektivë është realizuar nga 1 deri ne 50 %.

Ministria e Shëndetësisë nga 123 aktivitete të parapara në kuadër të Planit Strategjik dhe Operacional të Qeverisë, ka realizuar 76 aktivitete ndërkaq 47 nuk i ka realizuar.

Këto aktivitetet janë paraparë në kuadër të 26 objektivave:

· 8 objektiva janë realizuar 100 %

· 10 objektiva janë realizuar nga 50 % deri ne 99 %

· 8 objektiva të parapara për vitin 2022 nuk kanë filluar të realizohen.

Ministria e Kulturës, Rinisë dhe Sportit nga 204 aktivitete të parapara në kuadër të Planit Strategjik dhe Operacional të Qeverisë, ka realizuar 108 aktivitete ndërkaq 96 nuk i ka realizuar.

Këto aktivitetet janë paraparë në kuadër të 38 objektivave:

· 15 objektiva janë realizuar 100 %

· 8 objektiva janë realizuar nga 50 % deri ne 99 %

· 7 objektiva janë realizuar nga 1 deri ne 50 %

· 8 objektiva të parapara për vitin 2022 nuk kanë filluar të realizohen.

Ministria e Bujqësisë, Pylltarisë dhe Zhvillimit Rural nga 111 aktivitete të parapara në kuadër të Planit Strategjik dhe Operacional të Qeverisë, ka realizuar 81 aktivitete ndërkaq 30 nuk i ka realizuar.

Këto aktivitetet janë paraparë në kuadër të 32 objektivave:

· 19 objektiva janë realizuar 100 %

· 8 objektiva janë realizuar nga 50 % deri ne 99 %

· 1 objektivë është realizuar nga 1 deri ne 50 %

· 4 objektiva të parapara për vitin 2022 nuk kanë filluar të realizohen.

Ministria e Financave, Punës dhe Transfereve nga 201 aktivitete të parapara në kuadër të Planit Strategjik dhe Operacional të Qeverisë, ka realizuar 101 aktivitete ndërkaq 100 nuk i ka realizuar.

Këto aktivitetet janë paraparë në kuadër të 66 objektivave:

· 27 objektiva janë realizuar 100 %

· 10 objektiva janë realizuar nga 50 % deri ne 99 %

· 10 objektiva janë realizuar nga 1 deri ne 50 %

· 19 objektiva të parapara për vitin 2022 nuk kanë filluar të realizohen.

Ministria e Mjedisit, Planifikimit Hapesinor dhe Infrastruktures nga 486 aktivitete të parapara në kuadër të Planit Strategjik dhe Operacional të Qeverisë, ka realizuar 255 aktivitete ndërkaq 231 nuk i ka realizuar.

Këto aktivitetet janë paraparë në kuadër të 127 objektivave:

• 40 objektiva janë realizuar 100 %

• 44 objektiva janë realizuar nga 50 % deri ne 99 %

• 12 objektiva janë realizuar nga 1 deri ne 50 %

• 31 objektiva të parapara për vitin 2022 nuk kanë filluar të realizohen.

Ministria e Drejtesisë nga 147 aktivitete të parapara në kuadër të Planit Strategjik dhe Operacional të Qeverisë, ka realizuar 100 aktivitete ndërkaq 47 nuk i ka realizuar.

Këto aktivitetet janë paraparë në kuadër të 56 objektivave:

• 38 objektiva janë realizuar 100 %

• 5 objektiva janë realizuar nga 50 % deri ne 99 %

• 6 objektiva janë realizuar nga 1 deri ne 50 %

• 7 objektiva të parapara për vitin 2022 nuk kanë filluar të realizohen.

Ministria e Zhvillimit Rajonal nga 110 aktivitete të parapara në kuadër të Planit Strategjik dhe Operacional të Qeverisë, ka realizuar 105 aktivitete ndërkaq 5 nuk i ka realizuar.

Këto aktivitetet janë paraparë në kuadër të 27 objektivave:

• 25 objektiva janë realizuar 100 %

• 0 objektiva janë realizuar nga 50 % deri ne 99 %

• 1 objektiva janë realizuar nga 1 deri ne 50 %

• 1 objektiva të parapara për vitin 2022 nuk kanë filluar të realizohen

Ministria e Arsimit, Shkencës Teknologjisë dhe Inovacionit nga 224 aktivitete të parapara në kuadër të Planit Strategjik dhe Operacional të Qeverisë, ka realizuar 142 aktivitete ndërkaq 82 nuk i ka realizuar.

Këto aktivitetet janë paraparë në kuadër të 69 objektivave:

• 29 objektiva janë realizuar 100 %

• 18 objektiva janë realizuar nga 50 % deri ne 99 %

• 13 objektiva janë realizuar nga 1 deri ne 50 %

• 9 objektiva të parapara për vitin 2022 nuk kanë filluar të realizohen

Ministria e Ekonomisë nga 236 aktivitete të parapara në kuadër të Planit Strategjik dhe Operacional të Qeverisë, ka realizuar 170 aktivitete ndërkaq 66 nuk i ka realizuar.

Këto aktivitetet janë paraparë në kuadër të 57 objektivave:

• 29 objektiva janë realizuar 100 %

• 15 objektiva janë realizuar nga 50 % deri ne 99 %

• 6 objektiva janë realizuar nga 1 deri ne 50 %

• 7 objektiva të parapara për vitin 2022 nuk kanë filluar të realizohen

Ministria e Punëve te Brendshme nga 416 aktivitete të parapara në kuadër të Planit Strategjik dhe Operacional të Qeverisë, ka realizuar 264 aktivitete ndërkaq 152 nuk i ka realizuar.

Këto aktivitetet janë paraparë në kuadër të 166 objektivave:

• 95 objektiva janë realizuar 100 %

• 21 objektiva janë realizuar nga 50 % deri ne 99 %

• 19 objektiva janë realizuar nga 1 deri ne 50 %

• 31 objektiva të parapara për vitin 2022 nuk kanë filluar të realizohen.

Ministria e Mbrojtjes nga 53 aktivitete të parapara në kuadër të Planit Strategjik dhe Operacional të Qeverisë, ka realizuar 45 aktivitete ndërkaq 8 nuk i ka realizuar.

Këto aktivitetet janë paraparë në kuadër të 34 objektivave:

• 27 objektiva janë realizuar 100 %

• 3 objektiva janë realizuar nga 50 % deri ne 99 %

• 0 objektiva janë realizuar nga 1 deri ne 50 %

• 4 objektiva të parapara për vitin 2022 nuk kanë filluar të realizohen

Ministria e Industrisë Ndërmarrësisë dhe Tregtisë nga 323 aktivitete të parapara në kuadër të Planit Strategjik dhe Operacional të Qeverisë, ka realizuar 173 aktivitete ndërkaq 150 nuk i ka realizuar.

Këto aktivitetet janë paraparë në kuadër të 99 objektivave:

• 45 objektiva janë realizuar 100 %

• 11 objektiva janë realizuar nga 50 % deri ne 99 %

• 10 objektiva janë realizuar nga 1 deri ne 50 %

• 33 objektiva të parapara për vitin 2022 nuk kanë filluar të realizohen

Ministria e Administrimit te Pushtetit Lokal nga 60 aktivitete të parapara në kuadër të Planit Strategjik dhe Operacional të Qeverisë, ka realizuar 42 aktivitete ndërkaq 18 nuk i ka realizuar.

Këto aktivitetet janë paraparë në kuadër të 16 objektivave:

• 9 objektiva janë realizuar 100 %

• 2 objektiva janë realizuar nga 50 % deri ne 99 %

• 2 objektiva janë realizuar nga 1 deri ne 50 %

• 3 objektiva të parapara për vitin 2022 nuk kanë filluar të realizohen.

Ministra e Punëve të Jashtme dhe Diasporës 118 aktivitete të parapara në kuadër të Planit Strategjik dhe Operacional të Qeverisë, ka realizuar 76 aktivitete ndërkaq 42 nuk i ka realizuar.

Këto aktivitetet janë paraparë në kuadër të 37 objektivave:
22 objektiva janë realizuar 100 %
6 objektiva janë realizuar nga 50 % deri në 99 %
2 objektiva janë realizuar nga 1 deri në 50 %
7 objektiva të parapara për vitin 2022 nuk kanë filluar të realizohen.

Znj. Demolli- Nimani tha se ministritë si (ZKM, MASHT, MINT, MAPL, MFPT, MBPZHR, MKRS, MKK) kanë planifikuar aktivitete afatgjata, të cilat kanë filluar në vitin 2022 ndërkaq realizimi i tyre do të vazhdoj në vitet në vijim. Secila nga këto ministri ka dërguar edhe informacione shtesë sa i përket realizimit të këtyre aktiviteteve deri në periudhën raportuese janar – dhjetor 2022. FOL do të vazhdojë të bëjë monitorimin e Planit Strategjik dhe Operacional të Qeverisë edhe gjatë vitit 2023.

Ky aktivitet u mbështet nga Rockefeller Brothers Fund.

Prishtinë, 1 shkurt 2023 – Lëvizja FOL gjatë muajit dhjetor 2022 ka monitoruar publikimin e aktgjykimeve të publikuara në ueb faqen e Këshillit Gjyqësor të Kosovës. Fokus i monitorimit kanë qenë të gjitha gjykatat në Kosovë duke përfshirë departamentet penale, civile, ekonomike dhe administrative.

Gjatë monitorimit të aktgjykimeve të publikuara në ueb-faqen e Këshillit Gjyqësor të Kosovës për periudhën e lartpërmendur, gjykatat kanë publikuar 3468 aktgjykime. Ajo se cfarë vlen të theksohet është se Gjykata Komerciale ka filluar për herë të parë që pas funksionalizimit të saj si Gjykatë e re e rregulltë, të publikoj 422 aktgjykime.

Më poshtë mund të shihni infografikat për secilën gjykatë si dhe degë. Poashtu mund të shihni edhe numrin e aktgjykimeve të publikuara sipas natyrës penale, civile, administrative si dhe ekonomike.

Monitorimi i takimeve te KGJK – Tetor – dhjetor 2022

Prishtinë, 30 janar 2023 – Lëvizja FOL, me mbështetjen e Departamentit të Shtetit Amerikan, përmes Byrosë Ndërkombëtare për Çështje të Narkotikëve dhe Sundim të Ligjit (INL) gjatë periudhës tetor – dhjetor 2022 ka monitoruar takimet e Këshillit Gjyqësor të Kosovës (KGjK) për të vlerësuar nivelin e transparencës dhe pajtueshmërinë e këtyre takimeve me Ligjin për Këshillin Gjyqësor të Kosovës. Procesi i monitorimit është zhvilluar përmes pjesëmarrjes fizike në mbledhjet e KGjK-së, si dhe përmes platformës elektronike Zoom.
Gjatë kësaj periudhe tre-mujore, KGjK ka mbajtur gjithsej 10 takime, 2 prej të cilave ishin të mbyllura për publikun. Numri më i madh i këtyre takimeve është mbajtur gjatë muajit nëntor, përkatësisht 5 takime, ndërsa 2 takime janë mbajtur gjatë muajit tetor dhe 3 gjatë dhjetorit.
Vetëm 3 agjenda të këtyre takimeve janë publikuar në pajtueshmëri me kohën e paraparë në Ligjin për Këshillin Gjyqësor të Kosovës për publikimin e agjendave dhe rendit të ditës, ku kërkohet që agjendat të publikohen 48 orë para takimeve, ndërsa 7 agjenda nuk janë publikuar me kohë.
Vlen të theksohet se përkthimi simultan gjatë mbledhjeve të këshillit është ofruar në të dy gjuhët zyrtare, mirëpo në platformën elektronike Zoom ka munguar përkthimi në gjuhën serbe.
Mesatarja e vonesave të fillimit të këtyre takimeve ishte 15 minuta.

Prishtinë, 23 janar 2023 – Lëvizja FOL në kuadër të shënimit të javës për informimin dhe promovimin e së drejtës së privatësisë ka mbajtur diskutimin “FOL Hapur” me Komisioneren për Informim dhe Privatësi znj. Krenare Sogojeva – Dermaku.

FOL Hapur është mbajtur me rastin e shënimit të Ditës Ndërkombëtare për Mbrojtjen e të Dhënave Personale.

Disa nga temat të cilat ishin diksutuar gjatë këtij debati ishin;
Ku jemi sot me sistemin e vëzhgimit me kamera në territorin e Kosovës? Kush janë shkelësit më të mëdhenj të të dhënave personale dhe cila është natyra e shkeljes së këtyre të dhënave, roli i Agjencisë për Informim dhe Privatësi në mbrojtjen e të dhënave personale janë vetëm disa nga temat që do të diskutohen në këtë forum me Komisioneren për Informim dhe Privatësi.

Ky aktivitet u bë me mbështetjen financiare të Rockefeller Brothers Fund.

Prishtinë, 27 dhjetor 2022 – Lëvizja FOL gjatë muajit nentor 2022 ka monitoruar publikimin e aktgjykimeve të publikuara në ueb faqen e Këshillit Gjyqësor të Kosovës. Fokus i monitorimit kanë qenë të gjitha gjykatat në Kosovë duke përfshirë departamentet penale, civile, ekonomike dhe administrative. Gjatë monitorimit të aktgjykimeve të publikuara në ueb-faqen e Këshillit Gjyqësor të Kosovës për periudhën e lartpërmendur, gjykatat kanë publikuar 3120 aktgjykime. Në databazën e Levizjes FOL janë regjistruar 27 aktgjykime më pak pasi që tek Gjykata Themelore e Prishtinës 1 prej tyre ka qenë procesverbal, ndërsa 26 kanë qenë “Urdhër për Përmbarim”, andaj edhe nuk janë regjistruar në databazën tonë.

Më poshtë mund të shihni infografikat për secilën gjykatë si dhe degë. Poashtu mund të shihni edhe numrin e aktgjykimeve të publikuara sipas natyrës penale, civile, administrative si dhe ekonomike.

Prishtinë, 16 dhjetor 2022 – Lëvizja FOL edhe këtë vit ka ndarë Çmimin për Guxim Qytetar për vitin 2022, i cili në këtë vit iu nda znj. Mrika Nikçi.

Mexhide Demolli-Nimani, drejtoreshë e Lëvizjes FOL tha se është viti i 13-të që FOL ndan këtë çmim në shenjë vlerësimi për personalitetet më të angazhuara në mbrojtjen e interesit publik dhe të drejtave të njeriut të vendit tonë. “Ndryshimet e mëdha në shoqëri janë produkt i qytetarëve të guximshëm. Në këtë kuptim, emancipimi shoqëror padyshim që fillon nga veprimet e vogla, që transformohen në lëvizje të mëdha”.

Leonora Kryeziu kryetare e Bordit Këshilldhënës të Lëvizjes FOL, tha se përballja me fenomenet e kohës kërkon shtytje titanike për thyerje të tabuve sociale, prandaj duke u bazuar në sfidat aktuale me të cilat shoqëria jonë po përballet, Çmimi për Guxim Qytetar këtë vit i ndahet 21 vjeçares, Mrika Nikçi, për shkak të guximit të treguar me rastin e denoncimit publik të sulmit seksual të bërë ndaj saj.

Mrika Nikçi, tha se uroj të mos ketë asnjë rast si i imi, mirëpo të gjitha rastet duhet bërë publike. “Të gjitha ne, duhet ta dijmë se nuk jemi vetëm. Askush nuk duhet të hesht, edhe nesë ju ka ndodh direkt juve por keni dëgjuar për dikënd ju lutem raportojeni. Në këtë betejë të ne vajzave, ne kemi nevojë për mbështetje ju lutem djemve që të na ndihmojnë”, tha Nikçi.

Alpinistja kosovare Mrika Nikçi në mbrëmjen e 27 shtatorit të këtij viti kishte publikuar një video në rrjetin e saj social Facebook, në të cilën shihen qartë veprimet e një personi duke e sulmuar atë seksualisht në qendër të qytetit të Pejës. Nikçi ka përshkruar edhe gjendjen emocionale në të cilën ndodhej në momentin kur ndodhi sulmi.

Veprimet e Mrikës, përveç që paraqesin guxim qytetar, nënkuptojnë edhe inkurajim të qytetarëve të tjerë për të kundërshtuar dhe për të reaguar publikisht ndaj dhunës dhe veprimeve të tjera të pahijshme. Andaj, Mrika përfaqëson shembullin më të mirë të qytetarit të guximshëm.

Prandaj, parandalimi i dhunës paraqet një kauzë me interes të përgjithshëm publik ndaj të cilës askush nuk mund të qëndroj indiferent. Ky fenomen nuk duhet të shihet asnjëherë si çështje private dhe raportimi i saj duhet të bëhet në të gjitha format.

Prishtinë, 7 dhjetor, Lëvizja FOL ka mbajtur sot FOL Hapur në kuadër të Javës Kundër Korrupsion, me ç’rast ?????????? ???????? ??̈ ??????̈ ?. ??????? ?. ???????? ka bërë adresimin e tij për luftën kundër korrupsionit në Kosovë.

Më poshtë gjeni fjalimin e plotë të Ambasdorit Hovenier.

Thank you for inviting me to join today’s open discussion about our shared efforts countering corruption in Kosovo.

To mark Anti-corruption week, organizations worldwide are promoting collective action against corruption.

Thank you to Meggy and the Levizja FOL team for organizing today’s event. I would also like to recognize the Anti-Corruption Coalition KLI, GLPS, INPO, CHO-Hu, and Columbus.

Last year, President Biden released a National Security Study Memorandum on the Fight Against Corruption that — for the first time — established that the fight against corruption is a core national security interest of the United States.

President Biden has called corruption “an insidious pandemic.” Secretary Blinken has noted that corruption “threatens security and stability.” That’s because corruption isn’t just a threat to the pocketbooks of ordinary citizens.

It also slows economic growth, reduces trust in public institutions, and ultimately threatens democracy itself.

Corruption diminishes public and private resources, and at its worst, funds transnational crimes and human rights abusers.
Because corruption chips away at the foundations of democracy, steals from average citizens, and empowers those seeking to undermine the rule of law, our U.S. strategy emphasizes the importance of working closely with our international partners to improve our collective actions to prevent corruption.

As a core U.S. national security objective, our current engagement seeks to hold corrupt actors accountable while strengthening the capacity of activists, investigative journalists, and civil society who are all on the front lines of exposing corrupt acts.

Civil society plays a tremendously important role in helping us build stronger, more effective democracies that protect the rights of all citizens regardless of their gender, ethnicity, background, religion, sexual orientation, or other affiliation.

That’s why I appreciate all of you from civil society working in Kosovo to eliminate corruption and ensure access to justice for all.

Civil society’s unique role in combating corruption bolsters public sector anti-corruption capacity and support. Your important role as independent auditors, provides necessary oversight of government institutions.

The fight against corruption requires a partnership between all stakeholders, governments, civil society, journalists, and the private sector.

In particular, governments should see civil society as partners in the front-line fight to hold corrupt actors accountable and strengthen society’s abilities to expose corrupt acts.

I commend your dedication to your work, especially when it is difficult and involves personal risk.

I encourage you to continue to speak up. You should continue to challenge government policies and practices when appropriate and recognize government action when they are doing good work to combat corruption and hold corrupt actors accountable.

Continue to partner with institutions to help them improve in the areas of transparency and accountability.

Our collective aim must be to increase public trust in the justice system and the rule of law, strengthen the social contract, and demonstrate how democracy can deliver what citizens need to live safe, secure, prosperous lives.

I encourage you to use your roles to strengthen the connections between institutions and the citizens they are mandated to serve.

As you do that, I can promise you that the U.S. Embassy will continue to support our civil society partners and look for ways we can work even more closely with you.

While much more work is needed to root out corruption, I think it is important to acknowledge the incredible accomplishments Kosovo has achieved since its independence.

We must acknowledge the legacy of the Milosevic years, when an entire generation of Kosovans was denied access to justice and when corruption among officials was the norm.
1999 changed that. Kosovo’s independence, too. Since 2008, we have witnessed the establishment of vital institutions.

It is important sometimes to step back and realize that Kosovo has accomplished remarkable things in this period.

The police, courts, prosecutors, and corrections are now Kosovan entities making notable progress to achieve a transparent and accountable government.

At the same time, we should also acknowledge that citizens in democracies like the United States and Kosovo expect, demand, and deserve more.

They expect transparent institutions that deliver results, and they expect that officials exercise more integrity. And they demand that officials are held accountable when they fail at either of these things.

This is because democracies and their institutions rely on the feedback from citizens to improve their services and understanding of the peoples’ needs.

With that I thank you for this opportunity to speak to you today on such a timely and important topic.

Prishtinë 05 dhjetor 2022- Lëvizja FOL në kuadër të “Javës Kundër Korrupsion 2022” ka mbajtur sot konferencë për media me ç’rast ka publikuar raportin “Masat disiplinore kundër nëpunësit civil për korrupsion dhe shkelje etike”.
Kosova ka krijuar një kornizë të fuqishme ligjore dhe institucionale për të forcuar etikën në administratën publike dhe shërbimin civil.
Ligji për zyrtarët publik i ndan shkeljet disiplinore në dy kategori: shkelje të rënda dhe të lehta. Shkeljet e rënda konsiderohen: mospërmbushja e detyrave të punës; mosrespektimi i afateve të përcaktuara për kryerjen e detyrave.
Burbuqe Kastrati tha se “ky raport ofron një pasqyrë të të dhënave të publikuara nga qeveria e Kosovës në lidhje me masat disiplinore të marra ndaj nëpunësve civilë për shkelje të etikës dhe legjislacionit kundër korrupsionit nga viti 2017 deri në vitin 2021”.
Sipas Kastratit, bazuar në këto të dhënat nga qeveria e Kosovës, për pesë vitet e fundit, përkatësisht nga viti 2017 deri në vitin 2021, vlerësohet se janë marrë 361 masa disiplinore ndaj nëpunësve civil, ose mesatarisht 72 masa disiplinore në vit.
Ndërkaq, sa i përket llojit të shkeljeve të kryera, rezulton se ndaj nëpunësve civil janë marrë 258 masa disiplinore për shkelje të rënda, ku përfshihen edhe rastet e korrupsionit, ndërsa 103 masa për shkelje të lehta. Shprehur në përqindje del se 71 % e të gjitha shkeljeve të kryera nga viti 2017 deri në vitin 2021 përfshinin shkelje të rënda, tha ajo.
Ndërkaq, sa i përket asaj se a janë shkelës më të mdhenjë në shërbimin civil të Kosovës burrat apo gratë, sipas të dhënave del se burrat janë kampionët e shkeljes së etikës dhe legjislacionit kundër korrupsionit. Bazuar në të dhënat e disponueshme, gjatë pesë viteve të fundit, shumica dërrmuese e masave disiplinore janë marrë ndaj meshkujve (171) krahasuar me vetëm 26 gra. Në përqindje kjo tregon se 87 % e të gjitha shkeljeve në shërbimin civil të Kosovës janë kryer nga meshkujt.
Institucionet nga niveli qendror i qeverisjes, si ministritë dhe agjencitë ekzekutive, kanë një numër më të madh të rasteve të shkeljes së legjislacionit të etikës dhe ligjit antikorrupsion në krahasim me nivelin komunal. Në bazë të të dhënave të disponueshme nga viti 2017 deri në vitin 2020, del se 63 % e masave të raportuara ndaj nëpunësve civilë për shkelje të etikës dhe legjislacionit kundër korrupsionit vijnë nga institucionet e nivelit qendror, tha Kastrati.
Nga të dhënat e këtij raporti del se qeveria duhet të përmirësojë transparencën dhe raportimin për zbatimin e dispozitave të Kodit të Procedurës Penale për rastet kur zyrtarët publik janë pezulluar për shkak të hetimeve për korrupsion. Në këtë kontekst dhe po ashtu shumë e rëndësishme për luftën kundër korrupsionit është monitorimi efektiv i zbatimit të nenit 62 të Kodit Penal të Republikës së Kosovës i cili u mundëson gjykatave që “të ndalojnë kryerësin që të ushtroj funksione në administratën publike ose në shërbimin publik për një (1) deri në pesë (5) vjet pas vuajtjes së dënimit me burgim, nëse personi i tillë ka keqpërdorur këto funksione dhe është dënuar me burgim, si dhe zbatimin e aktvendimeve të Gjykatës bazuar në Kodin Penal për ndalimin e zyrtarëve për të ushtruar funksione publike.

Prishtinë, 5 dhjetor 2022 – Me organizim të Organizatave të Shoqërisë Civile, të hënën, filloi “Java Kundër Korrupsion 2022″, ku do të mbahen aktivitete të ndryshme, që për synim kanë sensibilizimin kundër korrupsionint.

Pjesë e koalicionit të OJQ-ve në kuadër të “Javës Kundër Korrupsionit”, janë 6 organizata: Instituti i Kosovës për Drejtësi (IKD), Grupi për Studime Juridike dhe Politike (GLPS), Lëvizja Fol, Iniciativa për Progres, Çohu dhe Colombus.

Për shënimin e kësaj jave, OJQ-të kanë planifikuar të kenë të ftuar të gjithë akterët vendor dhe ndërkombëtar në Kosovë, me qëllim të sensibilizimit në rritjen e transparencës dhe llogaridhënies sa i përket luftës kundër korrupsionit.

Në kuadër të aktiviteteve, gjatë kësaj jave do të trajtohet korrupsioni, integriteti, llogaridhënia, transparenca, etj.

Ndër aktivitetet e planifikuara për të hënën, është tryeza e rrumbullakët me temë “Reforma në drejtësi”, e cila organizohet nga ora 10:00 deri në orën 12:00.

Ndërsa, Instituti i Kosovës për Drejtësi (IKD), nga ora 13:00 deri në orën 15:00, organizon tryezën e rrumbullakët, ku prezantohet raporti “Parashkrimi i korrupsionit”.

Kurse, nga ora 15:15 deri më 15:45, Lëvizja FOl organizon konferencë për medie me temë “Masat disiplinore kundër nënpunësit civil për korrupsion dhe shkelje etike”. Të gjitha këto ngjarje, organizohen në Hotel Sirius.

Motoja e “Javës Kundër Korrupsion për vitin 2022”, e Koalicionit të OJQ-ve është “Bashkë Kundër Korrupsionit”.

Bashkëngjitur gjeni edhe agjendën e Javës Kundër Korrupsion:

Prishtinë 02 dhjetor 2022- Të hënën, me 5 dhjetor 2022, fillon “Java Kundër Korrupsion 2022”. Koalicioni i Organizatave të Shoqërisë Civile “Bashkë kundër Korrupsionit”, edhe këtë vit do ta organizojnë “Javën Kundër Korrupsion 5- 9 dhjetor 2022”. Gjatë kësaj Jave do të realizohen aktivitete të ndryshme që për synim kanë sensibilizimin kundër korrupsionit.

Pjesë e këtij koalicioni të organizatave joqeveritare në kuadër të “Javës Kundër Korrupsionit 2022” janë 6 organizata: Instituti i Kosovës për Drejtësi (IKD), Grupi për Studime Juridike dhe Politike (GLPS), Lëvizja Fol, Iniciativa për Progres, Çohu dhe Colombus.

Për shënimin e kësaj Jave, Koalicioni i OJQ-ve ka planifikuar që të ketë të ftuar të gjithë akterët vendor dhe ndërkombëtar në Kosovë, me qëllim të sensibilizimit në rritjen e transparencës dhe llogaridhënies sa i përket luftës kundër korrupsionit. Në kuadër të aktiviteteve gjatë kësaj jave do të trajtohet korrupsioni, integriteti, llogaridhënia, transparenca etj.

Në kuadër të “Javës Kundër Korrupsionit 5-9 dhjetor 2022”, Koalicioni i OJQ-ve ka planifikuar organizimin e shumë aktiviteteve, ku ndër të tjera është planifikuar të prezantohen edhe raporte konkrete të korrupsionit me të cilat raporte pasqyrohen problemet dhe sfidat e institucioneve përgjegjëse në luftimin e korrupsionit.

Tutje, Koalicioni i OJQ-ve ka planifikuar që të mbahen tryeza të diskutimit me akterët relevant lidhur me luftën kundër korrupsionit, dhe po ashtu është planifikuar që të mbahen konferenca të ndryshme ku pritet prezantimi i shumë raporteve analitike. “Parashkrimi i Korrupsionit”, “Masat disiplinore kundër nëpunësit civil për korrupsion dhe shkelje etike”, “Reforma në Administratë Publike”, “Barometri i Transparencës së Qeverisë dhe Ndërmarrjeve Publike”, “Korrupsioni në Prokurimin Publik”, “Open data lidhur me patronazhin politik”, “Gazi në aspektin ekonomik dhe ambiental”, “Korrupsioni në Shëndetësi”, “Korrupsioni në ambient”, “Qeverisja me duar të pastërta”, janë disa nga raportet të cilat do të publikohen nga Koalicioni i OJQ-ve për “Javën Kundër Korrupsion 2022”.

Gjithashtu, Koalicioni i OJQ-ve gjatë kësaj Jave ka planifikuar që të realizojë edhe aktivitete tjera si: Tryezën e rrumbullakët “FOL me Ambasadorin Amerikan”, një Gjykim të simuluar për Korrupsion dhe tryezën për Reformën në Drejtësi. Pra, dinamika e shënimit të “Javës Kundër Korrupsion 2022”, do jetë e ngjeshur si asnjëherë më parë, ku përfshihet konferenca, tryeza dhe aktivitete të ndryshme në fusha të ndryshme. Ndryshe, motoja e “Javës Kundër Korrupsion për vitin 2022”, e Koalicionit të OJQ-ve është “Bashkë Kundër Korrupsionit”.

Bashkëngjitur gjeni edhe agjendën e Javës Kundër Korrupsion – 2022. file:///C:/Users/Levizja%20FOL%20-%20Fiki/Downloads/final-java-kk-shqip.pdf

Prishtinë 24 nëntor 2022- Koalicioni i Organizatave të Shoqërisë Civile “Bashkë kundër Korrupsionit”, edhe këtë vit do ta organizojnë “Javën Kundër Korrupsion 5- 9 dhjetor 2022”.

Pjesë e këtij koalicioni të organizatave joqeveritare në kuadër të “Javës Kundër Korrupsionit 2022” janë: Instituti i Kosovës për Drejtësi (IKD), Grupi për Studime Juridike dhe Politike (GLPS), Lëvizja FOL, Iniciativa për Progres, Çohu dhe Colombus.
OJQ-të njoftojnë se gjatë kësaj Jave është planifikuar të realizohen aktivitete të ndryshme.
“Për shënimin e kësaj Jave, Koalicioni i OJQ-ve ka planifikuar që të ketë të ftuar të gjithë akterët vendor dhe ndërkombëtar në Kosovë, me qëllim të senzibilizimit në rritjen e transparencës dhe llogaridhënies sa i përket luftës kundër korrupsionit. Në kuadër të aktiviteteve gjatë kësaj jave do të trajtohet korrupsioni, integriteti, llogaridhënia, transparenca etj”, thuhet në njoftimin e OJQ-ve.
Në kuadër të “Javës Kundër Korrupsionit 5-9 dhjetor 2022”, Koalicioni i OJQ-ve ka planifikuar organizimin e shumë aktiviteteve, ku ndër të tjera do të prezantohen edhe raporte konkrete të korrupsionit me të cilat raporte pasqyrohen problemet dhe sfidat e institucioneve përgjegjëse në luftimin e korrupsionit.

“Në kuadër të këtyre aktiviteteve Koalicioni i OJQ-ve ka planifikuar që të mbahen tryeza të diskutimit me akterët relevant lidhur me luftën kundër korrupsionit, dhe po ashtu është planifikuar që të mbahen konferenca të ndryshme ku pritet prezantimi i shumë raporteve analitike”, thuhet më tej.

Ndryshe, motoja e “Javës Kundër Korrupsion për vitin 2022”, e OJQ-ve është “Bashkë Kundër Korrupsionit”

Prishtinë, 23 nëntor 2022: Organizatat e Shoqërisë Civile reagojnë ashpër ndaj Qeverisë së Republikës së Kosovës që në kundërshtim me standardet kushtetuese dhe duke përdorur fakte të pavërteta ka nxjerrë vendim për uljen e pagave të gjyqtarëve dhe prokurorëve.

Më 20 dhjetor 2017, Qeveria e Republikës së Kosovës, e cila asokohe drejtohej nga ish-Kryeministri Ramush Haradinaj, kishte nxjerrë vendim të rritjet e pagave të kabinetit qeveritar. Sipas Ligjit Nr.03/L-199 për Gjykatat [ndryshuar dhe plotësuar me Ligjin Nr. 05/L -036], ky vendim kishte efekt edhe në raport me pagat e gjyqtarëve dhe prokurorëve. Atë kohë, shoqëria civile kishte reaguar ndaj këtij vendimi, të cilin e kishin cilësuar si të kundërligjshëm dhe të përfshirë në konflikt të interesit. Shoqria civile kishte reaguar edhe ndaj vendimit të Gjykatës Kushtetuese, që sipas tyre , kishte prezumuar kushtetutshmërinë e vendimit arbitrar të Qeverisë. Më 12 shkurt 2020, Qeveria e Republikës së Kosovës, e kryesuar nga Kryeministri aktual, Albin Kurti, ka nxjerrë vendim për shfuqizimin e vendimit të ish-Qeverisë Haradinaj. Sipas dispozitivit të këtij vendimi, ky vendim nuk do të ndikonte në uljen e pagave aktuale në sistemin e drejtësisë dhe Gjykatën Kushtetuese. Sipas vendimit të datës 12 shkurt 2020, ky vendim do të vlejë deri në marrjen e vendimit nga Gjykata Kushtetuese në lidhje me rastin KO219/19 për vlerësimin e kushtetutshmërisë së Ligjit Nr.06/L-111 për Pagat në Sektorin Publik.

Përkundër faktit se shoqëria civile vazhdimisht ka theksuar se vendimi për ngritje të pagave ka qenë në kundërshtim me kushtetutën dhe ligjin, kushtetutshmëria e këtij vendimi është konfirmuar nga Gjykata Kushtetuese. Ky vendim nuk është shfuqizuar nga asnjë institucion tjetër, derisa nuk është konfirmuar as përgjegjësia penale për nxjerrjen e këtij vendimi. I njëjti po ashtu është reflektuar edhe në vendimin e Qeverisë të datës 12 shkurt 2020. Sa i përket vendimmarrjes së Gjykatës Kushtetuese përkitazi me Ligjin Nr.06/L-111 për Pagat në Sektorin Publik, Gjykata Kushtetuese në këtë rast ka nxjerrë vendim për shfuqizimin e këtij ligji. Kështu, çështja e pagave nuk është rregulluar me këtë ligj. Tutje, që nga koha e publikimit të aktgjykimit të Gjykatës Kushtetuese përkitazi me këtë ligj e deri më sot, kanë kaluar mbi dy (2) vite e katër (4) muaj.

Në këtë mënyrë, përtej pretendimeve, ngritja e pagave të gjyqtarëve dhe prokurorëve tanimë është konfirmuar në rrugë institucionale. Kështu, përtej kualifikimit formal, vendimi i sotëm i Qeverisë paraqet ulje të pagave të gjyqtarëve dhe prokurorëve.

Vendimi i Qeverisë për ngritjen e pagave të gjyqtarëve dhe prokurorëve, vendim ky i nxjerrë si nga qeveria Haradinaj ashtu edhe nga qeveria Kurti, tanimë ka krijuar pritje legjitime për të gjithë gjyqtarët dhe prokurorët, se kushtetutshmëria dhe ligjshmëria e pagave të tyre tanimë është konfirmuar. Vendimi i sotëm i Qeverisë, me arsyetimin e nxjerrjes së aktgjykimit për Ligjin Nr.06/L-111 për Pagat në Sektorin Publik, i cili aktgjykim është nxjerrë para dy (2) vite e katër (4) muajve qartazi cenon pritjet legjitime të të gjithë gjyqtarëve dhe prokurorëve. Kjo shkelje e pritjeve legjitime paraqet shkelje të së drejtës në pronë, mbrojtja e së cilës garantohet përmes nenit 46 të Kushtetutës së Republikës së Kosovës dhe nenin 1 të Protokollit 1 të Konventës Evropiane për të Drejtat e Njeriut.

Tutje, Komisioni i Venecias ka përcaktuar standardet se ulja e pagave të gjyqtarëve dhe prokurorëve nuk është e lejuar, përjashtimisht rasteve shumë specifike, të cilat nuk paraqiten në situatën konkrete. Në shkurt të vitit 2020, kur në procedurë në Gjykatën Kushtetuese ishte vlerësimi i kushtetutshmërisë së Ligjit për Pagat, Gjykata i ishte drejtuar Komisionit të Venecias me një pyetje dhe disa nën pyetje thelbësore në lidhje më çështjen e uljes së pagës për pushtetin gjyqësor. Përgjigjet e Komisionit të Venecias ishin se “Ulja e pagave të gjyqësorit mund të ndodhë vetëm nën kushte të një krize të theksuar ekonomike dhe financiare dhe e cila për më tepër duhet të jetë e njohur zyrtarisht si të tillë” dhe se “Pavarësia gjyqësore kërkon një shkallë themelore të sigurisë financiare nga ndërhyrjet arbitrare nga ekzekutivi ose degët e tjera të pushtetit”. Për këto arsye, vendimi i Qeverisë së Republikës së Kosovës për uljen e pagave të gjyqtarëve dhe prokurorëve paraqet qartazi ndërhyrje në pavarësinë e gjyqësorit dhe është në kundërshtim me standardet e ndërtuara nga Komisioni i Venecias. Për më tepër, sa ishte në opozitë, vet Lëvizja Vetëvendosje në kërkesën e saj drejtuar Gjykatës Kushtetuese kishte theksuar se “…ulja dhe rritja e tyre[pagave], është kompetencë e Kuvendit të Republikës së Kosovës…”.

Nisur nga fakti se, siç u tha, gjyqtarët dhe prokurorët tanimë kanë krijuar pritje legjitime për pagat e tyre, të cilat pritje janë manifestuar edhe në kuptim të hyrjes së tyre në obligime financiare, ky vendim i Qeverisë tanimë ngrit potencialin korruptiv në sistemin e drejtësisë.

Për arsyet si më lartë, Organizatat e Shoqërisë Civile, i kërkojnë Qeverisë së Republikës së Kosovës që urgjentisht ta anulojnë vendimin e sotëm për uljen e pagave të gjyqtarëve dhe prokurorëve. /BetimipërDrejtësi

Organizatat mbështetëse të këtij reagimi:

Columbus
Çohu
Grupi për Studime Juridike dhe Politike
Iniciativa për Progres
Instituti i Kosovës për Drejtësi
Lëvizja Fol

Prishtinë, 21 nëntor 2022 – Lëvizja FOL gjatë muajit tetor 2022 ka monitoruar publikimin e aktgjykimeve të publikuara në ueb faqen e Këshillit Gjyqësor të Kosovës. Fokus i monitorimit kanë qenë të gjitha gjykatat në Kosovë duke përfshirë departamentet penale, civile, ekonomike dhe administrative. Gjatë monitorimit të aktgjykimeve të publikuara në ueb-faqen e Këshillit Gjyqësor të Kosovës për periudhën e lartpërmendur, Gjykatat kanë publikuar 3091 aktgjykime. Në databazën e Levizjes FOL janë regjistruar 12 aktgjykime më pak, pasi që tek Gjykata Themelore e Prishtinës janë larguar 5 akgjykime ku 4 prej tyre kanë qenë aktgjykime për konteste martesore, ndërsa 1 aktgjykim është publikuar mbas dates 31 tetor, si dhe tek Gjykata Themelore e Pejes janë larguar 7 aktgjykime sepse janë publikuar të njejtat aktgjykime më shumë se një herë.

Më poshtë mund të shihni infografikat për secilën gjykatë si dhe degë. Poashtu mund të shihni edhe numrin e aktgjykimeve të publikuara sipas natyrës penale, civile, administrative si dhe ekonomike.

 

Komisioni Ad-Hoc i Kuvendit të Kosovës në përbërje të deputetëve: Valon Ramadani (LVV), Nijazi Isaku (LVV), Besim Muzaqi (LVV), Fitim Haziri (LVV), Isak Shabani (LVV), Fidan Jilta (KDTP), Mergim Lushtaku (PDK), Albana Bytyqi (AAK) dhe Valentina Bunjaku (LDK), ka përfunduar sot procesin e intervistimit të kandidatëve për përzgjedhjen e tre anëtarëve të Komisionit të Pavarur të Mediave (KPM).

Për këto pozita kishin aplikuar gjithsej 15 kandidatë, por vetëm 9 prej tyre i kishin përmbushur kushtet për të ju nënshtruar procesit të intervistimit.

Procesi ishte i hapur për publikun dhe shoqërinë civile, por ndryshe nga praktikat e krijuara me mbikëqyrjen e ekspertëve britanik (BDO), deputetët në fund të procesit të intervistimit i publikuan vetëm pikët totale për kandidatët, duke mos dhënë sqarime për poentimet përkatëse.

Kandidatët të cilët i janë propozuar Kuvendit për votim janë: Luljeta Aliu (816 pikë); Granit Musliu (799 pikë); Xhevat Latifi (799 pikë); Violeta Hyseni – Kelmendi (769 pikë); Veton Kasapolli (757 pikë); dhe Jeta Abazi – Gashi (710 pikë).

Lëvizja FOL kërkon që i tërë procesi të përmbyllet pa ndërhyrje politike dhe në bazë të meritave të kandidatit, në mënyrë që të ruhet pavarësia dhe kredibiliteti i Komisionit të Pavarur të Mediave.

Prishtinë, 11 nëntor 2022 – Komisioni Ad-Hoc për përzgjedhjen e Anëtarit të Bordit për Ankesa në KPM, në përbërje të deputetëve:Arbëreshë Kryeziu Hyseni(LVV), Agim Veliu (LDK), Fitim Haziri(LVV), Ganimete Musliu (PDK), Hajdar Beqa (PDK), Nijazi Isaku (LVV), Valon Ramadani (LVV), Fidan Jilta (KDTP), Time Kadriaj (AAK), Besim Muzaqi (LVV), sot ka intervistuar tre kandidatë nga katër sa kishin aplikuar për këtë pozitë: Martin Komani, Granit Mavriqi dhe Dren Salihu. Kandidatja Ajsela Ahmeti ishte diskualifikuar sepse nuk kishte plotësuar kushtet e parapara me konkurs.
Dy kandidatët që shkuan pêr votim në Kuvend janë: Granit Mavriqi dhe Martin Komani.

Vlen të theksohet që edhe ky Komisioni Ad-Hoc ka publikuar vetëm pikët totale dhe nuk kanë arsyeturar pikët e dhëna për secilin kandidatë.

Ky aktivitet u bë me mbështetjen financiare të Rockefeller Brothers Fund.

Prishtinë, 8 nëntor 2022 – Drejtoresha e Lëvizjes FOL, Mexhide Demolli – Nimani u takua sot me drejtorin e Akademisë së Drejtësisë z. Enver Fejzullahu.
Qëllimi i këtij takimi ishte rritja e bashkëpunimit mes Lëvizjes FOL dhe Akademisë së Drejtësisë sa i përket zhvillimit dhe përditësimit të programit të trajnimit si dhe mbështetjen për Akademinë e Drejtësisë me ekspertizë ndërkombëtare për trajnimin e trajnerëve të Akademisë, e gjitha kjo që të kontribuoj në rritjen e kapaciteteve të gjyqtarëve dhe prokurorëve në luftën kundër korrupsionit.
Drejtori i Akademisë së Drejtësisë, z. Fejzullahu u shpreh i gatshëm për bashkëpunim me Lëvizjen FOL dhe ofroi mbështetjen e tij në realizimin e aktiviteteve të parapara nga FOL.

Prishtinë, 7 nëntor 2022 – Në ditët e fundit personeli nga Komuniteti Serb në institucionet e Republikës së Kosovës është tërhequr nga jeta institucionale. Kryetarët e Komunave me shumicë Serbe, Deputetët, dhe së fundi edhe Gjyqtarët, Prokurorët dhe  Policët, kanë paraqitur dorëheqjen e tyre tek institucionet gjegjëse. Ky veprim politik i një pjesë të përfaqësuesve Serb në Kosovë, nën dirigjimin dhe pas takimeve me Presidentin serb në Beograd, është bërë me pretekstin se Drejtori i Policisë në Mitrovicë të Veriut u suspendua nga detyra pasi që refuzoi të zbatojë vendimin e ligjshëm të Qeverisë së Kosovës të 28 tetorit 2022.

Pjesëmarrja e qytetarëve serb në institucionet e Kosovës, me theks në Polici e Gjyqësi, ka ardhur si rrjedhojë e një procesi të dialogut të lehtësuar nga ana e Bashkimit Evropian dhe me ndihmën e ShBA-ve që nga viti 2011 e tutje. Nëpërmjet këtij procesi u mundësua shkrirja e institucioneve paralele Serbe dhe integrimi i personelit të tyre në institucionet e Republikës së Kosovës.

Prandaj, tërheqja e tyre nga jeta institucionale minon çdo arritje të dialogut deri më tani, dhe veprimet e një pjese të përfaqësuesve të komunitetit serb të dirigjuara nga Beogradi zhvlerësojnë çdo arritje në dialog. Me këto veprime bien poshtë të gjitha marrëveshjet e arritura deri më tani, garantues i zbatimit të së cilave është Bashkimi Evropian.

Në periudhën kur palët me inkurajimin dhe ndërmjetësimin nga Bashkimi Evropian dhe Shtetet e Bashkuara të Amerikës janë duke biseduar për arritjen e një marrëveshje finale ligjërisht të obligueshme, veprimet e fundit të Listës Serbe me dirigjim nga Serbia, anulojnë vet Marrëveshjen e vitit 2013 dhe marrëveshjet tjera të arritura, si dhe cenojnë çdo mundësi të arritjes së marrëveshjeve të tjera.

Pamundësia e komunitetit ndërkombëtar nën udhëheqjen e Bashkimit Evropian dhe me ndihmën e Shteteve të Bashkuara të Amerikës për të garantuar zbatimin e marrëveshjeve të arritura nëpërmjet dialogut krijojnë një ambient të mos besimit në këtë proces. Prandaj, Bashkimi Evropian duhet të ketë një qëndrim të prerë karshi këtyre veprimeve, të mos lejojë që marrëveshjet e dialogut të jenë kaq të cenueshme nga politikat ditore të palëve në dialog, si dhe të garantojë që çdo marrëveshje e arritur deri më tani dhe marrëveshjet e reja janë obligative për palët.

Parim i përgjithshëm i funksionit të shtetit ligjor është pavarësia e funksionimit të Gjykatave, Prokurorive, si dhe Polici e orientuar drejt komunitetit. Parime të cilat burojnë nga praktikat më të mira ndërkombëtare dhe të cilat janë të mishëruara në praktikën Evropiane, parime të cilat Kosova është duke i ndërtuar me ndihmën e partnerëve ndërkombëtar. Tërheqja e një pjesë të përfaqësuesve Serb në Kosovë nga jeta institucionale, me theks në sektorin e Drejtësisë cenon pavarësinë e këtyre institucioneve. Tërheqja e gjyqtarëve dhe prokurorëve nga detyra e tyre bazuar në vendime politike pamundëson funksionimin e tyre të pavarur. Po ashtu pamundëson që mekanizmat relevant siç janë Këshilli Gjyqësor dhe ai Prokurorial të marrin vendime të pavarura dhe të bazuara në rregullativën në fuqi. Vendimet e këtyre institucioneve nuk janë subjekt i etnitetit apo edhe zonës gjeografike të Kosovës. Veprimet e tyre në funksion të zbatimit të ligjit janë në funksion të gjithë qytetarëve pa marrë parasysh komunitetin, komunën, fenë, gjuhën, etj. Prandaj, gjyqtarët dhe prokurorët e integruar në sistemin e drejtësisë duhet të mirëmbajnë këto parime dhe të mos ndikohen nga vendimet politike, qofshin ato të Kosovës apo edhe të Serbisë. Tërheqja e gjyqtarëve dhe prokurorëve nga Gjykatat dhe Prokuroritë e Republikës së Kosovës, ka ndikime negative të pa-riparueshme për këto institucione dhe si pasojë edhe për qytetarët.

Nga ana tjetër, parimi i përgjithshëm i dialogut i paraqitur në Rezolutën e Asamblesë së Përgjithshme të Organizatës së Kombeve të Bashkuara është përmirësimi i jetës së qytetarëve të Kosovës dhe Serbisë. Dialogu deri më tani ka arritur, edhe pse me zvarritje të madhe, të përmirësojë jetën e qytetarëve në shumë sfera. Si Qeveria e Kosovës e ashtu edhe ajo në Serbi duhet të jenë më të përkushtuara në zbatimin e marrëveshjeve të arritura deri më tani pa dallim, dhe të shmangin retorikën dhe veprimet që cenojnë sigurinë dhe stabilitetin e arritur me shumë mund.

Bashkimi Evropian dhe Shtetet e Bashkuara të Amerikës duhet të jenë më kategorik në qëndrimet e tyre, duke kërkuar prerazi që serbët të kthehen pa asnjë kusht në pozitat e tyre në institucionet e Republikës së Kosovës, për të vazhduar pastaj me kërkesat për zbatimin e obligimeve të dy palëve ndaj marrëveshjeve të Brukselit, si dhe përkushtim në dialog për arritjen e marrëveshjes finale.

 

Organizatat e shoqërisë civile që mbështesin këtë reagim:

Çohu

Grupi për Studime Juridike dhe Politika

Iniciativa për Progres

Instituti Columbus

Instituti i Kosovës për Drejtësi

QKSS

Lëvizja Fol