FOL Hapur me kryetarin e Hanit të Elezit- z.Rufki Suma
Seçishtë, 05 Prill 2016 – Lëvizja FOL me përkrahjen e Charles Stewart Mott Foundation, ka filluar serinë e debateve në formatin FOL Hapur me kryetarët e Komunave. Për dallim nga debatet e kaluara në FOL Hapur, FOL kësaj radhe do të jetë prezente në shumë fshatra të komunave të ndryshme, ku do të ketë diskutim të hapur mes kryetarëve dhe banorëve të fshatrave të përzgjedhura.
Diskutimi i parë është mbajtur sot në komunën e Hanit të Elezit më saktësisht në fshatin Seçishtë.
Petrit Zogaj, drejtori ekzekutiv i Lëvizjes FOL bëri prezantimin e të gjeturave të hulumtimit që FOL ka bërë gjatë kësaj periudhe për investimet kapitale që komuna e Hanit të Elezit ka investuar gjatë dy viteve të fundit, si dhe të gjeturat për nevojat e banorëve për invesimte në këto fshatra. Ai po ashtu sqaroi se FOL ka zgjedhur katër fshatrat e komunës së Hanit të Elezit me numrin më të madh të banorëve, hulumtimi është bërë në fshatrat; Secishtë, Paldenicë, Pustenik dhe Gorancë.
Ndërkaq, kryetari i komunës së Hanit të Elezit, z.Rufki Suma foli hapur me banorët e fshatit Seçishtë dhe banorët e tri fshatrave të përzgjedhura për investimet e bëra deri tani nga komuna e Hanit të Elezit si dhe mundësitë për të investuar në vitet e ardhshme.