Monitorimi i mbledhjeve të KPM-së

Shpërndaje në:

Pas emërimit të anëtarëve të rinj të Komisionit të Pavarur të Mediave (KPM) nga Kuvendi i Republikës së Kosovës, Lëvizja FOL ka monitoruar mbledhjet e Komisionit dhe procesin e vendimmarrjes gjatë periudhës maj–gusht 2026.

Në fazën e parë pas konstituimit të përbërjes së re, KPM është fokusuar kryesisht në shqyrtimin e rasteve ligjore të evidentuara gjatë monitorimit të mediave në periudhën zgjedhore, përfshirë shkeljet e evidentuara gjatë fushatës, ditës së zgjedhjeve dhe heshtjes zgjedhore. Në këto raste, Komisioni ka shqiptuar vërejtje dhe gjoba ndaj një numri të ofruesve të shërbimeve mediale audiovizuele (OSHMA).

Me përfundimin e procesit zgjedhor, agjenda e KPM-së është zgjeruar edhe në çështje institucionale, rregullative, financiare dhe të licencimit. Në mbledhjet e monitoruara janë shqyrtuar dhe miratuar dokumente dhe rregullore, licenca dhe ndryshime të skemave programore, si dhe çështje që lidhen me detyrimet financiare të OSHMA-ve ndaj KPM-së.

Monitorimi përfshin gjithsej dhjetë mbledhje të KPM-së, nga mbledhja e parë pas emërimit të përbërjes së re, më 5 maj 2026, deri te mbledhja e 7 gushtit 2026. Raportimi më poshtë paraqet në mënyrë kronologjike çështjet kryesore të shqyrtuara dhe vendimet e marra në secilën prej këtyre mbledhjeve.

Mbledhja e parë – 5 maj 2026

Më 5 maj 2026, Lëvizja FOL ka monitoruar mbledhjen e parë të KPM-së pas emërimit të anëtarëve të rinj nga Kuvendi i Republikës së Kosovës.

Në përbërjen e re të KPM-së u emëruan:

  • Drita Morina;
  • Besnik Berisha;
  • Hysni Mustafa;
  • Luljeta Aliu;
  • Serpin Emruşi;
  • Suada Džogović.

Gjatë kësaj mbledhjeje u zgjodhën Besnik Berisha kryetar i KPM-së dhe Drita Morina nënkryetare e KPM-së, me mandat dyvjeçar.

Mbledhja e dytë – 15 maj 2026

Më 15 maj 2026, Lëvizja FOL ka monitoruar mbledhjen e dytë të KPM-së, gjatë së cilës janë shqyrtuar procesverbali i mbledhjes së parë, si dhe raste ligjore të evidentuara gjatë monitorimit të mediave.

KPM ka shqyrtuar gjithashtu ankesa lidhur me Zgjedhjet e Përgjithshme të 9 shkurtit 2025.

Gjatë kësaj mbledhjeje, KPM ka miratuar procesverbalin e mbledhjes së parë dhe ka vendosur për shqiptimin e masave administrative, përfshirë vërejtje dhe gjoba ndaj një numri të ofruesve medialë.

Vendimet kryesore kanë qenë:

  • Kanal 10 – gjobë prej 3,000 euro;
  • Klan Kosova – disa raste me gjoba dhe vërejtje;
  • RTK 1 – gjobë prej 2,000 euro;
  • RTV 21 – gjobë prej 1,000 euro;
  • T7 – gjobë prej 4,000 euro;
  • TV Dukagjini – gjoba dhe vërejtje;
  • TV Most – gjobë prej 1,000 euro;
  • TV Puls – gjobë prej 1,000 euro.

Raste të tjera janë sanksionuar me vërejtje ose janë refuzuar.

Mbledhja e tretë – 25 maj 2026

Më 25 maj 2026, Lëvizja FOL ka monitoruar mbledhjen e tretë të KPM-së, ku janë shqyrtuar çështje institucionale dhe raste ligjore të lidhura me monitorimin e mediave gjatë proceseve zgjedhore.

KPM ka miratuar Planin e Veprimit për Zgjedhjet e Përgjithshme 2026 dhe ka vendosur masa administrative ndaj një numri të ofruesve medialë, përfshirë vërejtje dhe gjoba.

Gjithashtu, KPM ka vendosur zgjatjen e afatit për trajtimin e ankesave në pritje për 45 ditë, në kuadër të ngarkesës së krijuar nga procesi zgjedhor. Komisioni ka shqyrtuar edhe raste të iniciuara ex-officio dhe ankesa lidhur me shkeljet gjatë proceseve zgjedhore.

Vendimet kryesore

  • RTV Malisheva – vërejtje;
  • TV Llapi – vërejtje;
  • Kanal 10 – gjobë prej 3,000 euro;
  • Klan Kosova – gjobë prej 3,000 euro;
  • Klan Kosova – gjobë prej 2,000 euro;
  • KTV – vërejtje;
  • RTK 1 – gjobë prej 1,000 euro;
  • RTK 2 – vërejtje;
  • Tëvë1 – gjobë prej 1,000 euro;
  • TV 21 – gjobë prej 1,000 euro;
  • TV Dukagjini – dy gjoba prej nga 2,000 euro, si dhe vërejtje;
  • TV Mir – vërejtje;
  • TV Most – vërejtje;
  • TV Puls – vërejtje;
  • TV Syri Vision – vërejtje dhe gjobë prej 1,000 euro;
  • T7 – gjobë prej 4,000 euro;
  • ATV – vërejtje.

Të gjitha vendimet u morën nga Komisioni në pajtim me nenin 30 të Ligjit të KPM-së.

Mbledhja e katërt – 1 qershor 2026

Më 1 qershor 2026, Lëvizja FOL ka monitoruar mbledhjen e katërt të KPM-së, e cila është fokusuar në rastet ligjore të evidentuara gjatë monitorimit të mediave në fushatën për Zgjedhjet e Përgjithshme të Parakohshme 2026.

Fokusi kryesor i mbledhjes ka qenë shqyrtimi i masave administrative ndaj disa ofruesve medialë, përfshirë gjoba dhe vërejtje, lidhur me shkeljet e evidentuara gjatë fushatës zgjedhore.

Vendimet kryesore

  • T7 – gjobë prej 2,000 euro;
  • Kanal 10 – gjobë prej 4,000 euro;
  • Klan Kosova – gjobë prej 3,000 euro;
  • TV Dukagjini – gjobë prej 2,000 euro;
  • Tëvë1 – gjobë prej 1,000 euro;
  • ATV – vërejtje.

Mbledhja e pestë – 5 qershor 2026

Më 5 qershor 2026, Lëvizja FOL ka monitoruar mbledhjen e pestë të KPM-së, ku ka vazhduar shqyrtimi i rasteve ligjore të lidhura me monitorimin e mediave gjatë fushatës zgjedhore.

KPM ka vendosur për shqiptimin e gjobave dhe vërejtjeve ndaj ofruesve medialë të përfshirë në rastet e shqyrtuara.

Vendimet kryesore

  • Kanal 10 – gjobë prej 3,000 euro;
  • TV Dukagjini – vërejtje;
  • TV Syri Vision – vërejtje;
  • Klan Kosova – gjobë prej 1,000 euro;
  • T7 – gjobë prej 3,000 euro;
  • TV 21 – gjobë prej 2,000 euro;
  • TV Most – gjobë prej 3,000 euro.

Mbledhja e gjashtë – 8 qershor 2026

Më 8 qershor 2026, Lëvizja FOL ka monitoruar mbledhjen e gjashtë të KPM-së, ku janë shqyrtuar raste të shkeljeve të evidentuara gjatë fushatës zgjedhore.

KPM ka vendosur për shqiptimin e gjobave dhe vërejtjeve në rastet e shqyrtuara. Ndërsa rasti i TV Most është shtyrë për rishqyrtim në mbledhjen e ardhshme.

Vendimet

  • Kanal 10 – gjobë prej 1,000 euro;
  • Klan Kosova – gjobë prej 3,000 euro;
  • T7 – gjobë prej 3,000 euro;
  • TV 21 – vërejtje;
  • TV Dukagjini – gjobë prej 1,000 euro;
  • TV Herc – gjobë prej 3,000 euro;
  • TV Most – rasti është shtyrë për rishqyrtim në mbledhjen e ardhshme.

Mbledhja e shtatë – 10 qershor 2026

Më 10 qershor 2026, Lëvizja FOL ka monitoruar mbledhjen e shtatë të KPM-së, ku fokusi kryesor ka qenë shqyrtimi i rasteve të evidentuara gjatë heshtjes zgjedhore në ditën e zgjedhjeve për Zgjedhjet e Përgjithshme të Parakohshme 2026.

KPM ka vendosur të shqiptojë vërejtje ndaj disa ofruesve medialë lidhur me rastet e shqyrtuara.

Vendimet

  • TV Syri – vërejtje;
  • Tëvë1 – vërejtje;
  • Kanal 10 – vërejtje;
  • Klan Kosova – vërejtje;
  • TV Dukagjini – vërejtje për një ankesë të palës.

Mbledhja e tetë – 26 qershor 2026

Më 26 qershor 2026, Lëvizja FOL ka monitoruar mbledhjen e tetë të KPM-së, ku janë shqyrtuar çështje institucionale, financiare, ligjore dhe të licencimit.

Çështjet institucionale dhe rregullative

Gjatë kësaj mbledhjeje, KPM ka miratuar:

  • procesverbalet e mbledhjeve të mëparshme;
  • propozim-buxhetin e KPM-së për vitin 2027;
  • ripërtëritjen e licencave për disa ofrues medialë;
  • ndryshime të skemave programore;
  • ndryshime të lokacionit të transmetuesit;
  • ndërprerjen e disa licencave;
  • harmonizimin e formateve programore të një numri të ofruesve medialë;
  • formimin e një Grupi Punues për hartimin e draftit të Rregullores për Transmetimet Eksperimentale.

Në disa raste ligjore, rekomandimet e Zyrës Ekzekutive nuk janë miratuar dhe rastet janë kthyer për rivlerësim.

Vendimet dhe masat administrative

Ndër vendimet e marra ishin:

  • ATV – rekomandimi i Zyrës Ekzekutive nuk u miratua dhe rasti u kthye për rivlerësim;
  • Klan Kosova – vërejtje dhe gjobë prej 2,000 euro;
  • T7 – vërejtje dhe gjobë prej 2,000 euro;
  • TV Mir – gjobë prej 3,000 euro;
  • Tëvë1 – vërejtje;
  • TV Arbëria – vërejtje;
  • Kanal 10 – vërejtje;
  • Radio Star – vërejtje;
  • TV 21 – vërejtje;
  • TV Puls – vërejtje;
  • TV Syri Vision – vërejtje;
  • KTV – rasti u kthye për rivlerësim;
  • ATV – rasti u kthye për rivlerësim;
  • Istogu Channel – vërejtje;
  • TV Mir – vërejtje.

Mbledhja e nëntë – 9 korrik 2026

Më 9 korrik 2026, Lëvizja FOL ka monitoruar mbledhjen e nëntë të KPM-së, ku janë shqyrtuar çështje rregullative, financiare dhe të licencimit.

KPM ka miratuar Draft-Rregulloren për Transmetimet Eksperimentale për procedim në konsultim publik dhe ka iniciuar procedurën për ndryshim-plotësimin e Rregullores për Vlerësimin e Aplikacioneve për Licencë.

Gjithashtu, është themeluar një Grup Punues për hartimin e draft-amendamenteve të kësaj rregulloreje.

KPM ka shqyrtuar edhe masat ndaj të licencuarve lidhur me detyrimet financiare, përfshirë vërejtje dhe afate shtesë për përmbushjen e obligimeve, sipas rasteve të shqyrtuara.

Mbledhja e dhjetë – 7 gusht 2026

Më 7 gusht 2026, Lëvizja FOL ka monitoruar mbledhjen e dhjetë të KPM-së, ku janë shqyrtuar çështje institucionale, rregullative, licencimi dhe detyrimet financiare të OSHMA-ve ndaj KPM-së.

Vendimet institucionale dhe rregullative

Gjatë kësaj mbledhjeje, KPM ka miratuar:

  • Raportin tremujor të punës së KPM-së për periudhën prill–qershor 2026, me vendim që t’i përcillet Kuvendit të Kosovës;
  • Draft-Rregulloren për Transmetime Eksperimentale, pas përfundimit të procesit të konsultimit publik;
  • ripërtëritjen e licencës për Kosnet Telecommunication LLC;
  • ripërtëritjen e licencës për Optimum Telecommunication LLC;
  • ripërtëritjen e licencës për Radio Criteria;
  • ripërtëritjen e licencës për TV Kiss;
  • ndryshimin e skemës programore për 21 Junior;
  • ndryshimin e skemës programore për Radio Fontana;
  • harmonizimin e formatit programor për 21 MIX, 21 Plus, Radio Mitrovica, Radio Prishtina, Radio Vitez dhe 21 Popullore;
  • ndryshimin e pronësisë për Positive Gold TV, Suite TV dhe Travelingo, duke përfshirë Arlinda Dushin si aksionare;
  • miratimin e procesverbaleve të mbledhjeve të tetë dhe të nëntë të KPM-së.

Çështjet e shtyra

KPM ka shtyrë ripërtëritjen e licencës së Max TV, deri në marrjen e sqarimeve shtesë lidhur me largimin e një programi nga kabllori gjatë fushatës zgjedhore në Skenderaj.

Zyra Ekzekutive është ngarkuar të kërkojë sqarime dhe t’i paraqesë ato në mbledhjen e ardhshme.

Detyrimet financiare të OSHMA-ve

Në kuadër të shqyrtimit të detyrimeve financiare të OSHMA-ve, KPM ka kërkuar:

  • përgatitjen e një raporti të detajuar për gjobat dhe detyrimet financiare të OSHMA-ve;
  • identifikimin e gjobave ndaj të cilave nuk është ushtruar ankesë në gjykatë;
  • ndarjen e borxheve sipas radiove, televizioneve dhe operatorëve të shpërndarjes;
  • sjelljen e vendimit të mëparshëm lidhur me rilicencimin e subjekteve me borxhe;
  • përgatitjen nga Zyra Ekzekutive të një rekomandimi për trajtimin e rasteve kur ka kaluar afati i rilicencimit dhe operatorët kanë detyrime të papaguara;
  • vazhdimin e trajtimit të përmbushjes së obligimeve financiare të OSHMA-ve si pikë e rendit të ditës në mbledhjet e ardhshme.

Monitorimi i mbledhjeve të KPM-së është mbështetur nga Rockefeller Brothers Fund. Përmbajtja e këtij publikimi, si dhe pikëpamjet e shprehura në të, janë përgjegjësi e autorëve dhe nuk përfaqësojnë domosdoshmërisht pikëpamjet e Rockefeller Brothers Fund.