Takim me Kryeprokurorin  e Prokurorisë Themelore në Mitrovicë z. Shyqeri Syla

Shpërndaje në:

Mitrovicë, 14 Mars 2018 – Përfaqësues nga Lëvizjes FOL u takuan sot me z. Shyqeri Syla, kryeprokuror në Prokurorinë Themelore në Mitrovicë.  Gjatë këtij takimi u diskutua për punën në këtë prokurori, me theks të veçantë për numrin e madh të lëndëve të korrupsionit.

Kryeprokurori Syla, tha se prokuroria që ai udhëheq aktualisht ka një numër të vogël të prokurorëve dhe një numër të madh të lëndëve të korrupsionit. “Aktualisht kemi 79 lëndë të korrupsionit, mirëpo kemi numër të vogël të prokurorëe, kemi vetëm dy prokuror që merren me lëndët e korrupsionit”, tha Syla, duke shtuar se gjatë këtij viti pritet të fillojnë punën edhe tre prokurorë të tjerë.  Sipas tij, me tre  prokuror shtesë në këtë departament gjatë këtij  viti do të përfundojnë edhe këto raste të grumbulluara.

Prokuroria Themelore në Mitrovicë nuk ka zëdhënës dhe as zyrtarë të statistikave. “Nuk kemi zyrtarë të statistikave dhe mendoj se nuk është e nevojshme sepse secili prokuror i vendos në sistem rastet e veta”, tha Syla.

 

Ky grant është financuar nga projekti Promovimi i Shoqërisë Demokratike (DSP) – i financuar nga Zyra Zvicerane për Bashkëpunim në Kosovë (SDC) dhe Ministria e Punëve të Jashtme e Danimarkës (DANIDA) dhe menaxhuar nga Fondacioni Kosovar për Shoqëri Civile (KCSF).