Studentët e Fakultetit Juridik kanë vizituar Gjykatën Themelore në Gjilan

Studentët u pritën në takim nga z. Rilind Sermaxhaj, nënkryetar i Gjykatës Themelore në Gjilan. Gjatë këtyre takimeve, studentët u informuan nga afër me organizimin dhe funksionimin e kësaj gjykate, sfidat me të cilat përballet, fluksin e lëndëve dhe çështje të tjera që ndërlidhen me sistemin gjyqësorë, si dhe patën mundësi që të shohin për së afërmi sallat ku mbahen proceset gjyqësore.

Nënkryetari i Gjykatës Themelore të Gjilanit u shpreh i gatshëm që edhe në të ardhëm të bashkëpunoj me studentë si dhe i inkurajoi studentët që të aplikojnë për punë praktike pranë kësaj gjykatë.

Ky Projekt financohet nga Departamenti i Shtetit Amerikan, përmes Byrosë Ndërkombëtare për Çështje të Narkotikëve dhe Sundim të Ligjit (INL).