Prishtinë, 18 Tetor 2017 – Lëvizja FOL ka publikuar raportin “Komunat dhe Roli i tyre ne punësimin e të rinjve”.  Ky Raport ka për qëllim t’ia përkujtojë publikut të përgjithshëm se komunat kanë një rol direkt në zhvillimin e ekonomisë dhe në krijimin e vendeve të punës përmes zgjedhjes së politikave dhe strategjive lokale që janë brenda kompetencave ligjore të komunave.

Gjakovë, 18 tetor 2017 – Lëvizja FOL ka mbajtur sot FOL hapur me kandidatët/et për kryetar/e të komunës së Gjakovës, me ç’rast është publikuar edhe analiza “Komunat dhe roli i tyre në punësim”.

Jeton Zulfaj nga Lëvizja FOL tha se FOL po zhvillon debatin me kandidatet për kryetar/e të komunës së Gjakovës lidhur me ndikimin e komunës në zhvillim dhe punësim. Ai tha se nga hulumtimi që ka bërë Lëvizja FOL rezulton se komunat mund të zhvillojnë strategji dhe politika përmes subvencioneve dhe granteve, lehtësirave tatimore, dhe politika të tjera për të ndikuar direkt në punësim dhe zhvillim ekonomik. “Komunat mund dhe duhet të punojnë në planet dhe strategjitë e zhvillimit ekonomik, ngase janë përgjegjëse për licencimin e veprimtarive afariste, për aplikimin e tatimeve dhe pagesave, sigurimin e infrastrukturës dhe arsimin bazik dhe miratimin e rregulloreve që ndikojnë në zhvillimin ekonomik dhe në krijimin e vendeve të punës” – tha z. Zulfaj.

Mimoza Kusari-Lila, kandidate për kryetare të komunës së Gjakovës nga Alternativa tha se komuna e Gjakovës ka zhvilluar projekte që kanë pasur ndikim direkt në punësim siç është skema e granteve, kompletimi i qumështores në Rekën e keqe, ndihmën për OJQ-të “Thirrjet e Nënave” dhe “Shtëpia e sigurt”. Komuna e Gjakovës ka fituar mbështetje nga projekti i USAID-it për transparence dhe llogaridhënie. Projekti nga GIZ-i, ka mundësuar komunën që të fuqizojë rininë përmes panairit për pune, ku ka pasur 800 vende të reja, dhe rreth 300 kanë kontaktuar direkt me kompanitë. Gjithashtu jemi marr me aftësimin profesional dhe dhënia e informatave mes punëdhënësit dhe punëkërkuesit. “Qendra Bone Vet, qendra e inovacionit në Gjakovë janë vetëm disa prej hapave që janë ndërmarrë në shërbim të inovacionit” tha Kusari-Lila  duke shtuar se me programin e tyre planifikojnë vazhdimin e skemës së granteve dhe krijimin e hapësirave të përbashkëta të punës.

Fazli Hoxha nga NISMA për Kosovën tha se Nisma si pjesë të programit të saj ka edhe fuqizimin e të rinjve. “Duke qenë se deri më tani nuk ka pasur hapësirë për zhvillimin e partneritetit publiko-privat, ne do të sigurohemi për rritjen e kësaj mundësie. Tek ndarja e granteve do të bëhet në mënyrë të barabartë, duke bashkëpunuar me bizneset që funksionojnë në Gjakovë, dhe kompanitë që do të përfitojnë do ta kenë fuqinë punëtore nga Gjakova”, tha Hoxha.

Edmond Dushi nga Aleanca Kosova e Re, theksoi se do të punohet në vetëdijesimin e të rinjve për ndjekjen e shkollave profesionale. “Do tu ofrohet praktikë njëvjeçare të gjithë të sapo diplomuarve në mënyrë që të jenë të njëjtë me ata që kanë pasur përvojë punë, pra në konkurs të jenë të barabartë”, tha Dushi, i cili premtoni se nëse fiton këto zgjedhje do të hap Qendrën Rinore.

Bekim Ermeni nga Lidhja Demokratike e Kosovës, tha se nëse vije në krye të komunës së Gjakovës do të punoj në uljen e nivelit të papunësisë së të rinjve duke nxitur aftësimin profesional të të rinjve, uljen e punësimit joformal apo formalizmin e bizneseve.

Ardian Gjini nga Aleanca për Ardhmërinë e Kosovës, tha se duhet të qeveriset me konceptin e investimit të buxhetit e jo të shpenzimit të tij. Do të nxiten të rinjtë për inovacion. “Do të punohet rreth dhënies së bursave për drejtimet deficitare në mënyrë që ata studentë të kthehen të punojnë në Gjakovë”, tha Gjini.

 

Ky aktivitet u mbështetet nga Enhancing Youth Employment- EYE Project – projekt i Zyrës Zvicerane për Bashkëpunim dhe implementohet nga “Helvetas Swiss Cooperation” dhe MDA.

Mitrovicë, 18 tetor 2017 –   Lëvizja FOL ka mbajtur sot FOL hapur me kandidatët/et për kryetar/e të komunës së Mitrovicës së Jugut, me ç’rast është publikuar edhe analiza “Komunat dhe roli i tyre në punësim”.

Jeton Zulfaj nga Lëvizja FOL potencoi që ekziston një qasje dhe perceptim që roli i komunave është i mangët në zhvillim ekonomik dhe punësim. Kjo qasje dhe ky perceptim mund të vërehet më së miri në këtë kohë zgjedhjesh ku askush nuk dëshiron të pyes kandidatët nëse kanë ndonjë plan se si të rrisin zhvillimin ekonomik dhe të krijojnë vende pune’, tha Zulfaj. Sipas tij, Komunat mund dhe duhet të punojnë në planet dhe strategjitë e zhvillimit ekonomik, ngase janë përgjegjëse për licencimin e veprimtarive afariste, për aplikimin e tatimeve dhe pagesave, sigurimin e infrastrukturës dhe arsimin bazik dhe miratimin e rregulloreve që ndikojnë në zhvillimin ekonomik dhe në krijimin e vendeve të punës.

Qazim Shala kandidat i NISMA për Kosovën tha se aftësimi i kuadrove dhe zhvillimi ekonomik duhet të shkojnë në mënyrë paralele. “Kemi shoqata gjermane që po trajnojnë kuadrot por nuk e dimë se këto kuadro a po trajnohen që të punojnë në Kosovë apo në Gjermani”, tha Shala. Në mungesë të këtyre informatave nuk e dimë saktë efektin e politikave të implementuara.

Valdete Idrizi kandidate e Partisë Demokratike e Kosovës deklaroi se të rinjtë duhet të stimulohen sa më shumë në mënyrë që të aktivizohen. “Të promovohen shkollat profesionale dhe të thyhen perceptimet negative për këto shkolla”, tha ajo. Promovimi i shkollave profesionale do të ndihmonte në zhvillimin e të rinjve e rrjedhimisht do të krijonte mundësi të mëdha të punësimit të tyre. Sipas saj, vullnetarizmi dhe puna praktike mund të bëhet në bashkëpunim me komunën, ku komuna do të paguante për 1 vit punën praktike të të rinjve.

Fehmi Ferati kandidat i Lëvizja VETËVENDOSJE, tha se qytetit i mungon tregu ku mund të shiten produktet. Përderisa nuk ofrohen mundësi të praktikës rinia mbetet pa eksperiencë, dhe kështu i vështirësohet mundësia për të u aktivizuar në tregun e punës. “Të rinjtë duhet të përgatiten për tregun e punës duke kryer praktikë së paku gjashtë muaj, siç ndodh në Amerikë”, tha Ferati.  Krijimi i sistemeve dhe politikave të bazuara në meritokraci do të rriste besimin në institucione dhe rrjedhimisht edhe punësimin e rinisë. “Të rinjtë më shumti i ka dëmtuar politika, e sidomos kur ka mungesë të meritokracisë si kriter për punësim”.

Nystret Preteni kandidat i Partisë FJALA tha se të rinjtë e Mitrovicës duhet të përgatiten për tregun e brendshëm dhe jo për tregun ndërkombëtar. “Do të krijojmë qasje në punësim, dhe shkollim ashtu që të rinjtë tanë mos të devijojnë” – tha Preteni.

 

Ky aktivitet u mbështetet nga Enhancing Youth Employment- EYE Project – projekt i Zyrës Zvicerane për Bashkëpunim dhe implementohet nga “Helvetas Swiss Cooperation” dhe MDA. 

Prishtinë, 17 Tetor 2017 – Lëvizja FOL ka mbajtur sot bashkëbisedimin me ministrin e Drejtësisë z. Abelard Tahiri, ku u diskutua për mekanizmat e integritetit të sistemit të drejtësisë dhe reformat ligjore në luftën kundër korrupsion, duke përfshirë ligjin për Agjencinë kundër korrupsion si dhe ligjin për Mbrojtjen e Informatorëve. Gjithashtu u diskutua edhe e ardhmja e zyrës së prokurorit disiplinor.

Ligjërata është mbajtur në Qendrën për Edukim dhe Antikorrupsion (AEC) në Lëvizjen FOL, ku audiencë e kësaj ligjërate ishin studentë nga Universitete Publike dhe Private.

Lëvizja FOL së shpejti fillon serinë e ligjëratave/bashkëbisedimeve me Gjykatës dhe Prokurorë të ndryshëm.

 

Ky bashkëbisedim u përkrah nga Ambasada Holandeze në Prishtinë në kuadër të projektit “Promovimi i Integritetit ne Sektorin Gjyqësor”.

Prishtinë, 13 Tetor 2017 – Lëvizja FOL, si pjesë e koalicionit Demokracia në Veprim, ka publikuar raportin e monitorimit të mediave gjatë fushatës elektorale për zgjedhjet e parakohshme qendrore. Raportin e detajizuar mund të e gjeni këtu: Raporti i monitorimit të fushatës zgjedhore për zgjedhjet qendrore.

Pejë, 13 Tetor 2017 – Përfaqësues të Lëvizjes FOL u takuan sot me z.Kreshnik Radoniqi, Kryetar i Gjykatës Themelore në Pejë. Gjatë këtij takimi u diskutua për punën e Gjykatës Themelore të Pejës, numrin e madh të lëndëve në këtë gjykatë si dhe kushtet e punës së gjykatësve. “Gjykata e Pejës është shumë e ngarkuar me lëndë, në veçanti Departamenti për Krime të Rënda, pasi që dihet se qyteti i Pejës përballet me probleme të mëdha të krimit”, tha Radoniqi.

Në këtë takim përfaqësues nga Lëvizjes FOL prezantuan para kryegjykatësit statistikat vjetore të vitit 2016, të lëndëve kundër korrupsion ku Gjykata e Pejës nga 53 lëndë të kësaj natyre, vetëm 29 nga to i ka zgjidh. Ndërkaq, në gjashtë mujorin e parë të këtij viti, Peja kishte 68 lëndë nga kapitulli i veprave të korrupsionit, e vetëm 26 nga to i kanë përfunduar. Sipas tyre Peja ka një numër të madh të lëndëve të kësaj natyre, gjë të cilën nuk e kontestoi z.Radoniqi. Ai tha se arsye për këtë numër të madh të këtyre lëndëve është edhe mungesa e gjykatësve si dhe kushtet e punës në këtë gjykatë. “Ne ende nuk kemi një zëdhënës të gjykatës, po ashtu nuk kemi as zyre të veçantë, e cila merret enkas me statistika”, tha Radoniqi.

 

 

Ky grant është  financuar nga projekti Promovimi i Shoqërisë Demokratike (DSP) – i financuar nga Zyra Zvicerane për Bashkëpunim në Kosovë (SCO-K) dhe Ministria e Punëve të Jashtme e Danimarkës (DANIDA) dhe menaxhuar nga Fondacioni Kosovar për Shoqëri Civile (KCSF).

Gjakovë, 13 Tetor 2017 – Përfaqësues të Lëvizjes FOL në kuadër të takimeve me kryetar të Gjykatave Themelore të Kosovës, kanë takuar sot z. Vaton Durguti, kryetar i Gjykatës Themelore në Gjakovë.  Temë diskutimi i këtij takimi ishte puna dhe kushtet e punës në këtë gjykatë. Gjithashtu temë e diskutimit ishin edhe statistikat për lëndët kundërkorrupsion.

“Gjykata Themelore e Gjakovës përballet me një fluks të vogël të lëndëve kundër korrupsion, kjo për arsye se ne i trajtojmë me shumë prioritet këto lëndë. Në gjykata Themelore të Gjakovës momentalisht janë 15 gjykatës, 5 nga të cilët punojnë në departamentin për Krime të Rënda. Për këtë arsye nuk kemi lëndë më të vjetër se 2 vite”, tha Durguti. Sipas tij, takimet me palë janë të rregullta çdo të hënë, ku në këto takime prezent është edhe vet ai si kryetar i gjykatës.

Gjykata Themelore e Gjakovës, momentalisht punon në objekt të vjetër, ngase ende nuk është përuruar objekti i ri. Po ashtu kjo gjykatë nuk ka një zyrë të veçantë të statistikave si dhe nuk ka një zëdhënës të gjykatës.

 

 

Ky grant është  financuar nga projekti Promovimi i Shoqërisë Demokratike (DSP) – i financuar nga Zyra Zvicerane për Bashkëpunim në Kosovë (SCO-K) dhe Ministria e Punëve të Jashtme e Danimarkës (DANIDA) dhe menaxhuar nga Fondacioni Kosovar për Shoqëri Civile (KCSF).

Gjakovë, 12 Tetor 2017 – Përfaqësues nga Lëvizja FOL sot u takuan me Kryetarin e Prokurorisë Themelore të Gjakovës, z.Ali Selimaj. Gjatë këtij takimi u diskutua për punën e Prokurorisë Themelore të Gjakovës, në veçanti për lëndët e natyrës korruptive. z.Selimaj tha se “lëndët e natyrës korruptive gjithmonë kanë prioritet në Prokurorinë Themelore të Gjakovës”. Momentalisht jemi me numër të mjaftushëm të prokurorëve andaj edhe jemi mirë me lëndët e kësaj natyre.

Ndërkaq, sa i përket objektit të kësaj Prokurorie,”objekti është shumë i vjetër, kushtet ku punojnë Prokurorët tanë janë në gjendje të mjerueshme. Edhe pse objekti është në përfundim e sipër, për shkak të procedurave të prokurimit, e cila është ritenderuar dy her, është shtyer bartja në objektin e ri”, tha ai.

 

Ky takim është  aktivitet nga projekti Promovimi i Shoqërisë Demokratike (DSP) – i financuar nga Zyra Zvicerane për Bashkëpunim në Kosovë (SCO-K) dhe Ministria e Punëve të Jashtme e Danimarkës (DANIDA) dhe menaxhuar nga Fondacioni Kosovar për Shoqëri Civile (KCSF).

Ferizaj, 06 Tetor 2017 – Përfaqësues nga Lëvizja FOL sot u takuan me z.Shukri Jashari, Kryetar i Prokurorisë Themelore në Ferizaj. Gjatë këtij takimi u diskutua për punën e Prokurorisë Themelore në Ferizaj, në veçanti për lëndët e natyrës korruptive. z. Jashari tha se “lëndët e kësaj natyre janë një sfidë për Prokurorinë Themelore në Ferizaj, në veçanti në këtë periudhë ku jemi me një numër shumë të vogël të prokurorëve. Shumë prokurorë kanë ike në Prokurori të Shtetit, disa në Speciale. Shkak i mungesës së Prokurorëve, lëndët e natyrës korruptive nuk mund të mbrrin në piken zero” tha ai.

Gjatë periudhës Janar-Qershor 2017, Prokuroria Themelore Ferizaj nga 125 lëndë, i ka zgjidhur 45 nga to.

Ndërkaq sa i përket kushteve të punës, objekti i Prokurorisë Themelore në Ferizaj, ka disa muaj që është përuruar dhe i plotëson të gjitha standardet e punës.

Ky takim është  aktivitet nga projekti Promovimi i Shoqërisë Demokratike (DSP) – i financuar nga Zyra Zvicerane për Bashkëpunim në Kosovë (SCO-K) dhe Ministria e Punëve të Jashtme e Danimarkës (DANIDA) dhe menaxhuar nga Fondacioni Kosovar për Shoqëri Civile (KCSF).

Prishtinë, 03 Tetor 2017 – Lëvizja FOL ka mbajtur konferencë për media me ç’rast ka prezantuar statistikat kundërkorrupsion të Gjykatave Themelore. Jeton Zulfaj nga Lëvizja FOL tha se të dhënat e prezantuara janë statistika për periudhën Janar-Mars si dhe Prill-Qershor per vitin 2017. Sipas tij statistikat janë zyrtare dhe janë marrë nga Këshilli Gjyqësor i Kosovës. “Këto të dhëna janë marrë nga grupi i veprave penale: ‘Korrupsioni zyrtar dhe veprat penale kundër detyrës zyrtare, nenet 422 – 437, Kapitulli XXXIV i Kodit Penal të Kosovës’. Ndërkaq matja e efikasitetit të Gjykatave në fushën kundërkorrupsion është bërë duke u mbështetur kryesisht në metodologjinë e përdorur nga Komisioni Evropian për Efikasitetin e Drejtësisë”, tha Zulfaj. Sipas tij, puna e Gjykatave matet me lëndë dhe se matjet nuk tregojnë për cilësinë e lëndëve dhe cilësinë e punës së gjykatësve por vetëm për përformancën në përballjen me fluksin e lëndëve.

“Fushat në të cilat FOL ka mat performancën e Gjykatave janë: Fluksi i lëndëve, norma e zgjidhjes së lëndëve, norma e qarkullimit të lëndëve, trendi i zgjidhjes së lëndëve, kohëzgjatja e trajtimit të lëndëve dhe indeksi i lëndëve të grumbulluara”, tha Zulfaj.

Në nivel qendror, gjykatat kanë përballuar mirë fluksin dhe kanë treguar normë pozitive të zgjidhjes së lëndëve duke zgjidhur më shumë lëndë se sa kanë pranuar, megjithatë normat 120% për tremujorin e parë (Janar-Mars) dhe 114% për tremujorin e dytë (Prill-Qershor) janë të pamjaftueshme për të zvogëluar numrin e lëndëve të grumbulluara. Gjykata e Prishtinës në veçanti ka një numër të lartë të lëndëve të grumbulluara.

Gjykata Themelore e Ferizaj në periudhën Prill-Qershor ka punuar me normë prej 350% duke pranuar 5 lëndë për të njejtën periudhë dhe duke zgjidhur 15. Kjo normë ka ndikuar që numri i lëndëve të bartura të zvogëlohet për periudhën pasardhëse, cka bënë që koha për drejtësi të zvogëlohet dukshëm.

Gjilani në anën tjetër në periudhën Prill – Qershor ka pranuar vetëm 8 lëndë në fushën e korrupsionit dhe ka zgjidhur vetëm 2, duke rritur kështu numrin e lëndëve të bartura.

Përformanca në përballimin e fluksit të lëndëve të reja në raport me lëndët e zgjidhura ndikon në pritjen për drejtësi. Kjo pasi lëndët që nuk arrihet të zgjidhen i shtohen totalit të lëndëve të bartura. Prishtina me normë të qarkullimit të lëndëve prej 0.15 dhe normë të zgjidhjes së lëndëve prej 161% për periudhën Janar-Mars, merr 600 ditë për zgjidhjen e një lënde, kurse në periudhën Prill-Qershor, Gjilani me një normë të qarkullimit të lëndëve prej 0.03 dhe normë të zgjidhjes së lëndëve prej 25%, bënë që një lëndë të trajtohet për 3000 ditë.

Gjilani ka një përformancë jo të mirë në të dy periudhat raportuese (Janar-Mars dhe Prill-Qershor).

FOL shpreson që këto statistika së pari të informojnë publikun mbi efikasitetin e gjykatave në fushën kundërkorrupsion por edhe të ndihmojnë gjykatat në përmirësimin e efikasitetit të zgjidhjes së lëndëve.

 

*Statistikat janë statistika zyrtare të publikuara nga Këshilli Gjyqësor i Kosovës.

 

Ky grant është  financuar nga projekti Promovimi i Shoqërisë Demokratike (DSP) – i financuar nga Zyra Zvicerane për Bashkëpunim në Kosovë (SCO-K) dhe Ministria e Punëve të Jashtme e Danimarkës (DANIDA) dhe menaxhuar nga Fondacioni Kosovar për Shoqëri Civile (KCSF).

Prishtinë, 3 Tetor 2017 – Lëvizja FOL ka publikuar raportin “Përtej numrave – performanca e Gjykatave Themelore në luftën kundërkorrupsionit për periudhën Janar-Qershor 2017” .  Gjykatat_Janar Mars  Gjykatat – Prill Qershor

Prishtinë, 21 Shtator 2017 –  Lëvizja FOL ishte pjesëmarrëse në tryezën “Nga faktet në vepra”, të organizuar nga programi “Kërko Drejtësi”. Gersi Gashi, nga Lëvizja FOL, prezantoi se si projekti
e-Gjykata ka ndihmuar në ngritje të transparencës së gjyqësorit. Nga 54 vendime të publikuara në fillim të këtij projekti, tani janë mbi 2,000.

Platforma e-gjykata.org është vetëm hapi i parë drejt digjitalizimit të gjyqësorit dhe rrjedhimisht ngritjes së transparencës. Platforma ofron mundësinë për të filtruar vendimet përmes 13 filtrave të ndryshëm, ofron qasje në orare të gjykimeve, dhe paraqet vizualisht deklarimet e aseteve të gjyqtarëve/eve.

Ky projekt është në kuadër të programit “Kërko Drejtësi” që financohet nga Departamenti Amerikan i Shtetit/INL dhe implementohet nga National Center for State Courts.

Prishtinë, 15 shtator 2017 – Lëvizja FOL ka mbajtur konferencë për media me ç’rast ka prezantuar statistikat kundërkorrupsion të Prokurorive Themelore dhe Prokurorisë Speciale. Jeton Zulfaj nga Lëvizja FOL tha se të dhënat e prezantuara janë statistika për periudhën Janar-Mars si dhe Prill-Qershor per vitin 2017. Sipas tij statistika janë zyrtare dhe janë marrë nga Këshilli Prokurorial i Kosovës. “Këto të dhëna janë marrë nga grupi i veprave penale: ‘Korrupsioni zyrtar dhe veprat penale kundër detyrës zyrtare, nenet 422 – 437, Kapitulli XXXIV i Kodit Penal të Kosovës’. Ndërkaq matja e efikasitetit të Prokurorisë në fushën kundërkorrupsion është bërë duke u mbështetur kryesisht në metodologjinë e përdorur nga Komisioni Evropian për Efikasitetin e Drejtësisë por edhe në metoda tjera”, tha Zulfaj. Sipas tij, puna e Prokurorisë matet kryesisht me persona dhe se matjet nuk tregojnë për cilësinë e lëndëve dhe cilësinë e punës së prokurorëve.

“Fushat në të cilat FOL ka mat performancën e Prokurorisë janë: Fluksi i lëndëve, norma e zgjidhjes së lëndëve, norma e qarkullimit të lëndëve, trendi i zgjidhjes së lëndëve, kohëzgjatja e trajtimit të lëndëve dhe indeksi i lëndëve të grumbulluara”, tha Zulfaj.

Fluksi i lëndëve kundërkorrupsion në nivel kombëtar për periudhën Janar-Mars janë: lëndë të pazgjidhura 1151, lëndë të reja 203, lëndë në punë 1354, lëndë të zgjidhura 228, lëndë të pazgjidhura – 1126. Ndërkaq për periudhën Prill – Qershor janë: lëndë të pazgjidhura 1083, lëndë të reja 160, lëndë në punë 1243, lëndë të zgjidhura 271, lëndë të pazgjidhura 972.

Norma e zgjidhjes së lëndëve është tregues i performancës së punës së Prokurorive. Duke u bazuar në performancën për tre mujorin e parë të vitit 2017, del se Prokuroria ka punuar efektivisht mbi nivelin 100% në nivel qendror, norma e zgjidhjes së lëndëve për tre mujorin e parë është 112%, ndërsa për periudhën Prill – Qershor është 169%.

Ndërsa koha e zgjidhjes së lëndëve në nivel kombëtar qëndron në 450 ditë për periudhën Janar-Mars. Ndërkaq, për Prill – Qershor është 333 ditë. Sa i përket indeksit të lëndëve që na tregon lëndët e grumbulluara në nivel kombëtarë indeksi qëndron në 5.0 për tre mujorin e parë, kurse 4.0 në tre mujorin e dytë.

Ndërkaq sa i përket të gjeturave për prokuroritë themelore, Zulfaj tha se “Prokuroria Themelore e Prishtinës ka numrin më të madh të lëndëve të bartura për periudhën Janar-Mars e që janë 595, ka pranuar 102, kurse ka zgjidhur 28. Performancë të ngjashme ka treguar Prokuroria Themelore e Prishtinës edhe për tre mujorin e dytë, ku ka trashëguar 574 lëndë, 71 ka pranuar si të reja, kurse ka zgjidh 114”.

Prokuroria Themelore e Ferizajt me Prokurorin Themelore të Prizrenit kanë normën më të mirë të zgjidhje së lëndëve për periudhën Janar-Mars 2017 me PTHF=200% PTHP=177%, ndërkaq performancë më të dobët gjatë kësaj periudhe kanë treguar Mitrovica dhe Prishtina PTHM = 41% PTHP = 27%. Në tre mujorin e dytë Prokuroria Themelore e Mitrovicës ka normën më të lartë të zgjidhjes së lëndëve me 470%, kurse më të dobëtën e ka Prokuroria Speciale me 90%.

Në bazë të trendit Prokuroria Themelore e Prizrenit dhe Prokuroria Themelore e Ferizajt pritet që ti nivelizojnë lëndët në 5 vitet e ardhshme, kurse Prokuroria Themelore e Pejës për 32 vjet. Ndërkaq për periudhën Prill – Qershor, Prokuroria Themelore e Gjakovës pritet që ti nivelizojë lëndët në 4 vitet e ardhshme.

Koha e zgjidhjes së lëndëve tregon se Mitrovica qëndron më së keqi për tre mujorin e parë pasi prokuroria atje merr 4500 ditë për trajtimin e lëndëve (personave) e shoqëruar nga Prokuroria Themelore e Prishtinës me 2250 ditë. Sa i përket tre mujorit të dytë të këtij viti, Prokurorisë Speciale I merr 1000 ditë për trajtimin e lëndëve për persona, kurse ajo e Prishtinës I merr 428 ditë.

 

 

*Sqarim: Puna e Prokurorisë matet kryesisht me persona dhe se kjo matje nuk tregon për cilësinë e lëndëve dhe cilësinë e punës së prokurorëve, cilësinë e shërbimit të administratës apo integritetin dhe profesionalizmin e prokurorëve.

*Statistikat janë statistika zyrtare të publikuara nga Këshilli Prokurorial i Kosovës. Në disa pjesë numri i lëndëve të prokurorive të veçanta nuk pasqyron numrin total të lëndeve në nivel qendror. Këto pasaktesi në numra duhet të adresohen tek Këshilli Prokurorial i Kosovës.

 

​Ky grant është  financuar nga projekti Promovimi i Shoqërisë Demokratike (DSP) – i financuar nga Zyra Zvicerane për Bashkëpunim në Kosovë (SCO-K) dhe Ministria e Punëve të Jashtme e Danimarkës (DANIDA) dhe menaxhuar nga Fondacioni Kosovar për Shoqëri Civile (KCSF).

Prishtinë, 15 shtator 2017 – Lëvizja FOL ka publikuar raportin “Përtej numrave – performanca e Prokurorisë në luftën kundërkorrupsionit për periudhën Janar-Qershor 2017” .  Janar – Mars             Prill – Qershor

Prishtinë, 12 Shtator 2017 – Lëvizja FOL ka publikuar raportin Paga minimale dhe efektet e saj në punësim.

Prishtinë, 12 Shtator 2017 – Lëvizja FOL ka organizuar diskutimin e hapur për Pagën minimale dhe efektet e saj në punësim, ku panelistë ishin: Haxhi Arifi – BSPK, Alejtin Berisha – Ndërmarrës, Besnik Bislimi – Profesor, Lumnije Hashani­ – Oda Ekonomike e Kosovës.

Jeton Zulfaj nga Lëvizja FOL tha se paga minimale është një ndër çështjet më senzitive në vendimmarrje dhe nuk është vetëm politikë e shtetit për të ndërhyrë në tregun e punës, por është edhe çështje morale për të siguruar që nuk ka eksploatim të punëtorëve/eve. “Vendimi i marr në vitin 2011 për pagë minimale ka qenë vendim ad-hoc, ku nuk ka pasur diskutim publik që do të përfshinin akademinë, sindikatat dhe bizneset. Formulat për përcaktim të pagës minimale nuk janë shpjeguar dhe arsyetuar, kurse paga minimale e ndarë në bazë të moshës nuk ka ndonjë bazë ligjore dhe logjike dhe si e tillë është diskriminuese. Në nivel akademik nuk mbështetet rritja e pagës minimale mbi nivelin e ekuilibrit pasi do të ketë ndikim negativ në punësim”, tha Zulfaj.

Besniki Bislimi, profesor i lëndës Ekonomiksi i tregut të punës, tha se paga minimale në vendet normale, nuk konsiderohet si instrument për luftimin e varfërisë. “Shembull është Amerika ku vetëm 4% janë të afektuar nga paga minimale, dhe zakonisht janë studentë/e, e që jo doemos janë pjesë e shtresave të varfra. Më mirë kishte me qenë subvencioni i pagave, se sa pagat minimale si instrumente të politikave. Sindikatat nuk duhet të jenë pjesë të diskutimeve për pagë minimale, pasi që kanë konflikt interesi”, tha Bislimi, duke shtuar se anëtarët e sindikatave zakonisht marrin paga më të larta se paga minimale dhe nuk janë të prekur nga ajo.

Ndërkaq Alejtin Berisha, ndërmarrës, tha se nuk ka vend në botë që biznesi kërkon rritje të pagës minimale, për shkak se biznesi nuk duhet të besojë që dikush tjetër t’ia rregullojë pagën. Sindikatat kanë konflikt interesi në përcaktim të pagës minimale. “Një ngritje e pagës minimale do të kishte ndikim negativ për studentët/et për të i ndërprerë studimet. Tani për tani kjo nuk është çështja”, tha Berisha.

Haxhi Arifi, nga BSPK- tha se në Këshillin Ekonomiko-Social(KES) ka pasur diskutime të shumta rreth pagës minimale, dhe në fund është nxjerrë një pagë minimale e kategorizuar, por ka qenë diskriminuese për punëtorët. Ky vendim është marrë me konsensus. Qeveria ka vendosur jashtë asaj se çfarë është arritur si konsensus dhe kanë marrë vendim që është diskriminim ndaj moshës së re. Ne si BSPK kemi kërkuar se bazë të jetë 60 % e pagës mesatare të merret si pagë minimale.

Lumnije Hashani nga Oda Ekonomike e Kosovës, tha se kategorizimi i pagës minimale nuk përkrahet as nga Oda Ekonomike e Kosovës për arsye se është vendim diskriminues. “KES-i ka rol këshillues dhe Qeveria është ajo që i merr vendimet. Nëse i marrim parasysh kriteret e vendosura ligjore për bazë, atëherë paga minimale ishte dashur të pësojë rritje çdo vit, por kjo nuk ndodh”, tha Hashani. Sipas saj në bazë të një hulumtimi të bërë nga Oda Ekonomike e Kosovës me rreth 500 biznese, 80% prej tyre kanë pohuar që duhet të hiqet kategorizimi i pagës minimale andaj duhet të hiqet, 85% kanë thënë që patjetër duhet të jetë paga minimale. Ndërsa shumica kanë thënë që 220 Euro do të ishte e përballueshme për bizneset si pagë minimale.

 

Ky aktivitet u mbështetet nga Enhancing Youth Employment- EYE Project– projekt i Zyrës Zvicerane për Bashkëpunim dhe implementohet nga “Helvetas Swiss Cooperation” dhe MDA.

Prishtinë, 7 shtator 2017 – Lëvizja FOL, përmes programit “Kërko Drejtësi”, ka mbajtur sot një takim me akterë të gjyqësorit për të diskutuar rreth transparencës në sistemin gjyqësor në Kosovë. Paneli i përbërë nga Dastid Pallaska, Avokat, Afërdita Bytyçi, Kryetare e Gjykatës Themelore në Prishtinë, dhe Armend Hamiti, Prokuror në Prokurorinë Themelore në Prishtinë, diskutuan dhe ndanë pikëpamjet e tyre për transparencën në sistemin gjyqësor.

Gersi Gashi, nga Lëvizja FOL, hapi diskutimin me dy çështje thelbësore që janë: publikimin e aktgjykimeve dhe publikimin e arsyeve të mosmbajtjes së seancave gjyqësore. z. Gashi potencoi që publikimi i aktgjykimeve shërben në të mirë të qytetarëve por edhe të gjyqësorit si institucion. Publikimi i aktgjykimeve ndër të tjera, rrit sigurinë juridike, stimulon gjykatësit që të argumentojnë rastet sa më mirë, ndihmon në rritje të besimit të qytetarëve në sistemin gjyqësor dhe ndihmon studentët që të kuptojnë më mirë sistemin duke i studiuar raste konkrete.

Kryetarja e Gjykatës Themelore në Prishtinë, znj. Afërdita Bytyçi, potencoi që ndonëse transparenca mbetet prioritet i gjykatës, dhe kjo mund të shihet nga numri i aktgjykimeve të publikuara, është shumë me rëndësi të kuptohet që ka mungesë të madhe të resurseve në gjykata. Ajo shtoi që efikasiteti i gjykatave, sidomos i asaj në Prishtinë, është në rritje dhe si rezultat i kësaj, më shumë lëndë janë zgjidhur, se sa që janë pranuar në gjykatë.

Prokurori Hamiti, theksoi se një efikasitet i tillë në rritje mund të vërehet edhe në prokurori, por shtoi se problem mbetet mos informimi i qytetarëve me punën e prokurorëve.

Një ndër arsyet e mosbesimit të qytetarëve në gjykata dhe prokurori, është mospublikimi i punës së tyre dhe mos informimi i publikut me kohë. Mungesa e transparencës nga vet gjykatat i mundëson  qytetarëve të informohen vetëm nga burime të tjera. Prandaj, është me rëndësi që gjykatat të vazhdojnë me publikimin e vendimeve gjyqësore, të  punohet rreth publikimit të të gjitha vendimeve (përfshirë ato që nuk janë të formës së prerë) dhe  të fillojë publikimi i  arsyeve të mos mbajtjes së seancave. “Rritja e transparencës në punën e gjykatave do të ndikojë në rritjen e besimit të qytetarëve në gjykata”, shtoi Gashi.

Dastid Pallaska, në rolin e avokatit, mbështet fuqishëm publikimin e vendimeve gjyqësore së pari duke i anonimizuar të dhënat personale, për arsye të mos-shkeljes së prezumimit të pafajësisë.  “Ekziston një problem edhe më i thellë, kur flitet për transparencën. Arsyetimi jo profesional i vendimeve dhe mos transparenca në to. Ngase ka raste kur as argumentimi i avokatit, nuk përmendet fare në vendim gjyqësor” theksoi Pallaska.

Pallaska poashtu theksoi se si zgjidhje nuk duhet të jetë ankimi i vazhdueshëm për mungesë gjyqtarësh, ngase sipas tij kjo mund të mbulohet shumë lehtë duke e rritur numrin e bashkëpunëtorëve profesional dhe asistentëve ligjor për gjyqtarë.

Kjo do të ishte një strategji shumë funksionale për zvogëlimin e numrit të lëndëve të vjetra, përgatitjen profesionale të gjyqtarëve të ardhshëm dhe do të ndikonte edhe në rritjen e transparencës.

Në fund, të gjithë panelistët ishin të mendimit që publikimi i aktgjykimeve duhet të bëhet, dhe se gjykatat duhet të informojnë qytetarët me punën e tyre.

 

Prishtinë, 31 Gusht 2017– Kuvendi i Anëtarëve të Lëvizjes FOL ka mbajtur sot mbledhjen e radhës ku është bërë zgjedhja e kryesuesit të Kuvendit si dhe Drejtorit Ekzekutiv të Lëvizjes FOL.

Kryesues i Kuvendit për dy vitet e ardhshme u rizgjodh Armend Pajaziti, ndërkaq me 15 vota për, 1 votë kundër dhe 1 abstenim, Petrit Zogaj është rizgjedhur drejtor i Lëvizjes FOL. Numri i anëtarëve të Kuvendit të Lëvizjes FOL arrin në 27, ndërkaq, në këtë mbledhje prezent ishin 17 prej tyre.

Petrit Zogaj është bashkëthemelues i Lëvizjes FOL dhe nga shtatori i vitit 2011, ka shërbyer në pozitën e Drejtorit Ekzekutiv. Zogaj, gjithashtu është edhe themelues i S’bunker dhe anëtar i bordit editorial të saj. Ai ka studiuar Shkencat Politike në Universitetin e Prishtinës.

Po ashtu gjatë kësaj mbledhje u miratua Raporti Financiar dhe Raporti i Punës për vitin 2016.