https://www.youtube.com/watch?v=mop7LpvxvLE

https://www.youtube.com/watch?v=QCtjkZT5twU

https://www.youtube.com/watch?v=ruF7EQRSat8

Monitorimi i seancave gjyqësore të ndërlidhura me rastet e korrupsionit dhe shpërdorimit të autoritetit publik

E drejta për “Gjykim të Drejtë”

Raport i monitorimit të seancave gjyqësore në Gjakovë dhe Podujevë.

Monitoruesi i Gjykatave

Visar Arifaj nga Partia e Fortë ishte i ftuari i radhës në “Forumin për Prishtinën 2013” debat ky me kandidatët e partive politike për Prishtinën.
Kjo seri e debateve po mbështetet nga Friedrich Ebert Stiftung, zyra në Prishtinë.

E ftuara e radhës në “Forumin për Prishtinën 2013” debat ky me kandidatët e partive politike për Prishtinën ishte Kaqusha Jashari nga PSD-ja.

Kjo seri e debateve po mbështetet nga Friedrich Ebert Stiftung, zyra në Prishtinë

I ftuari i radhës në ‘Forumin për Prishtinën 2013’ debat ky me kandidatët e partive politike për Prishtinën ishte Valon Murati nga LB-ja.
Kjo seri e debateve po mbështetet nga Friedrich Ebert Stiftung, zyra në Prishtinë.

I ftuari i radhës në ‘Forumin për Prishtinën 2013’ debat ky me kandidatët e partive politike për Prishtinën ishte Agim Çeku nga PDK-ja.
Kjo seri e debateve po mbështetet nga Friedrich Ebert Stiftung, zyra në Prishtinë.

I ftuari i radhës në ‘Forumin për Prishtinën 2013’ debat ky me kandidatët e partive politike për Prishtinën ishte Korab Sejdiu nga AKR-ja.
Kjo seri e debateve po mbështetet nga Friedrich Ebert Stiftung, zyra në Prishtinë.

Prishtinë, 14 Tetor 2013 – Lëvizja FOL, ka organizuar sot Konferencën Rajonale me temën “Pako Ligjore Anti-Korrupsion – Ligji për Mbrojtjen e Informatorëve”. Kjo konferencë rajonale ka shërbyer si pikëtakim në mes të institucioneve të ndryshme të Republikës së Kosovës, shoqërisë civile të Kosovës dhe asaj të Rajonit, në mënyrë që të trasohet rruga e parandalimit dhe luftimit të nivelit të lartë të korrupsionit në Kosovë dhe të promovohet tutje “Ligji për Mbrojtjen e Informatorëve” i miratuar nga Kuvendi i Kosovës në vitin 2011.

Pjesëmarrës në këtë takim ishin përfaqësuesit nga institucionet qendrore dhe lokale të Republikës së Kosovës, përfaqësues të gjyqësorit dhe prokurorisë, përfaqësues të shoqërisë civile nga rajoni dhe Kosova si dhe mediave.

Hajredin Kuçi- Ministër i Drejtësisë, tha se “Kosova aktualisht ka ligjet më të mira në rajon sa i përket fushës së parandalimit dhe luftimit të korrupsionit, falë punës së ekspertëve të vendit në fushën përkatëse dhe ndihmesës qe iu është dhënë atyre nga bashkësia ndërkombëtare, përveç kësaj në Kosovë është prezent edhe misioni më i madh i Bashkimit Evropian për sundimin e ligjit”. Kurse, duke u ndalur tek Ligji për Mbrojtjen e Informatorëve, Kuçi theksoi se “Janë krijuar bazat ligjore për luftimin e dukurive korruptive. Këto baza ligjore përfshijnë edhe dy ligjet e miratuara nga ana e institucioneve të vendit siç janë, Ligji për Mbrojtjen e Informatorëve dhe Ligji për Mbrojtjen e Dëshmitarëve, të cilat mbrojnë personat dhe të punësuarit në rastet kur ata raportojnë mbi aferat korruptive apo edhe veprat e tjera penale”. Kuçi tutje shtoi se “Duhet të definohet qartë autoriteti kryesor në parandalimin dhe luftimin e dukurive korruptive, duhet të harmonizohen ligjet të cilat bien në domenin e luftës kundër korrupsionit dhe se duhet një bashkëpunim më i madh mes vendeve të rajonit kundër këtyre dukurive”.

Në fjalën e saj Slagjana Tasheva nga Transparency International në Maqedoni, tha se “Korrupsioni shfaqet në forma të ndryshme dhe se luftimi i së njëjtit bëhet përmes mekanizmave të ndryshëm ndër të cilët është edhe ai i rrjedhjes së informatës nga ana e të punësuarve, ku një ndër elementet më të rëndësishme është instanca e cila do duhej të ishte përgjegjëse për pranimin, mbrojtjen dhe përcjelljen e informatës”. Tutje, ajo shtoi se “Maqedonia, për dallim nga Kosova, nuk ka një ligj specifik i cili mbron personat raportues të aferave korruptive dhe se legjislacioni përkatës në këtë fushë nuk është i qartë”.
Vuk Mara� nga MANS-Mali i Zi tha se “Shpesh zbrazëtirat ligjore në brendësi të ligjeve, mëtojnë të mbulojnë mungesën e vullnetit politik për zbatimin e tyre”. Ai tutje shtoi se “Mali i Zi përballet me probleme të mëdha në fushën e parandalimit dhe luftimit të korrupsionit, ku deri vonë nuk ka ekzistuar as edhe një ligj i cili do bënte mbrojtjen e personave denoncues të kësaj dukurie”. Në fund ai deklaroi se “Edhe pse tash së voni, Qeveria e Malit të Zi ka aprovuar ligjin për mbrojtjen e raportuesve të korrupsionit, megjithatë, ky ligj është ende i pazbatueshëm dhe si pasojë jo efikas”.
Kurse Besim Kelmendi nga Prokuroria Speciale e Shtetit tha se “Ligji për Mbrojtjen e Informatorëve duhet të promovohet tutje, dhe se duhet të inkurajohen qytetarët të bëjnë raportimin e dukurive korruptive duke i mbrojtur me ligj të njëjtët persona”.
Enver Peci- Kryesues i Këshillit Gjyqësor të Kosovës tha “Kosova si shtet i ri është duke hasur në probleme me zbatimin e ligjit, por se një gjë e tillë nuk duhet të na dekurajojë dhe zbatimi i të njëjtave ligje nuk është i pamundshëm”. Ai tutje shtoi se “Themelimi i mekanizmave mbrojtës të cilat rrjedhin nga ligjet duket të jetë i vështirë, andaj edhe ekziston nevoja e përshtatjes dhe të provuarit e funksionimit të ligjeve pas miratimit të tyre”.
Në diskutim e sipër Drita Hajdari- Prokurore Kundër-Korrupsion theksoi se “Duhet tërhequr një paralele dhe duhet bërë një dallim në mes të Ligjit për Mbrojtjen e Informatorëve dhe Ligjit për Mbrojtjen e Dëshmitarëve, duke i qartësuar nocionet ligjore”.
Në fund të takimit në këtë Konferencë Rajonale, u dhanë edhe disa rekomandime, ku veçohen:
– Ndryshimi i emrit të ligjit;
– Të përcaktohet qartë sistemi i raportimit të dukurive korruptive;
– Të qartësohen masat mbrojtëse për personat raportues;
– Të qartësohen sanksionet ndaj personave përgjegjës në rast të mos përcjelljes së informatës dhe në rast të zbulimit të identitetit të personave raportues;
– Krijimi i një policie gjyqësore në trajtimin e rasteve të cilat bien në domenin e dukurive korruptive; dhe
– Të intensifikohet bashkëpunimi rajonal në fushën e luftimit të krimit të organizuar dhe korrupsionit.

I ftuari i radhës në ‘Forumin për Prishtinën 2013’ debat ky me kandidatët e partive politike për Prishtinën ishte Besnik Tahiri nga AAK-ja.
Kjo seri e debateve po mbështetet nga Friedrich Ebert Stiftung, zyra në Prishtinë.

Galeria e aktivitetit

Prishtinë, 9 tetor – Lëvizja FOL dhe PIPS sot filloj serinë e debateve me kandidatët e partive politike për Prishtinën. Në debatin e parë I ftuar ishte Shpend Ahmeti nga Lëvizja Vetëvendosje. Në ditët në vijim do të organizohen debate edhe me kandidatët e tjerë për Prishtinën.
Kjo seri e debateve po mbështetet nga Friedrich Ebert Stiftung, zyra në Prishtinë.

Podujevë, 8 tetor 2013 – Lëvizja FOL në kuadër të projektit “Afrimi i qytetarëve me institucionet e drejtësisë”, i cili financohet nga populli amerikan përmes USAID/ATRC, ka mbajtur sot takimin e dytë të “Forumit për Qasjen në Drejtësi” në Komunën e Podujevës . Në këtë forum të ftuar ishin përfaqësues të Gjykatës, Prokurorisë, Policisë, përfaqësues nga Avokati i Popullit, nga Qendra për Ndihmë Juridike, përfaqësues të Odës së Avokatëve, OJQ-ve, mediave dhe qytetarët e interesuar në Komunën e Podujevës. Në këtë takim prezent ishte edhe përfaqësuesja e Këshillit Gjyqësor të Kosovës Aishe Qorraj-Berisha.

Kenan Tora nga Lëvizja FOL fillimisht falënderoi të pranishmit për pjesëmarrjen e tyre dhe më pas bëri një prezantim të shkurtë të takimit të parë të forumit dhe të aktiviteteve të tjera me qëllim të përmirësimit të komunikimit mes institucioneve të drejtësisë dhe qytetarëve, duke nënvizuar në veçanti nevojën që ky komunikim të përmirësohet.

Më pas Aishe Qorraj-Berisha nga Këshilli Gjyqësor i Kosovës në fjalën e saj fillimisht falënderoi Lëvizjen FOL për angazhimin e tyre në afrimin e qytetarëve me institucionet e drejtësisë. Ajo tutje vazhdoi duke folur për organizimin e Këshillit Gjyqësor të Kosovës dhe organet e tij, dhe mënyrat se si palët e interesuara mund të informohen.
Përveç kësaj Qorraj-Berisha në mënyrë kronologjike foli për problemet e institucioneve të drejtësisë që nga pas lufta, duke potencuar numrin e pamjaftueshëm të gjyqtarëve me ç’rast theksoi se në Podujevë janë vetëm tetë gjyqtarë. Ajo premtoi të pranishmëve se të gjitha shqetësimet që u diskutuan në këtë forum do t’i përcjellë në Këshillin Gjyqësorë të Kosovës.

Minir Hoti-gjyqtarë nga Gjykata e Podujevës e filloi fjalën e tij duke prezantuar problem me të cilat hasin çdo ditë gjyqtarët duke theksuar në veçanti grumbullimin e lëndëve që nga koha kur në Podujevë kishte vetëm një gjyqtarë. Ai tha se pas reformës vërehet përmirësim i gjendjes mirëpo si komunë kanë nevojë edhe për katër gjyqtarë sepse numri I lëndëve është i madh, kurse sa i përket komunikimit me qytetarë pranoi se ka hapësirë për përmirësime.

Ndërkaq Fazli Veliu nga Radio Vizioni tha se pajtohet me problemet që u cekën nga para folësit, duke vënë theksin në bashkëpunimin jo të kënaqshëm të institucioneve të drejtësisë me media. Tutje ai rekomandoi që Gjykata Themelore e Prishtinës – dega në Podujevë së paku një herë në vit të mbajë një konferencë për media ku do të prezantohej puna që është bërë nga kjo gjykatë.

Xhevat Rama- avokat po ashtu theksoi problemin e grumbullimit të lëndëve të pazgjidhura duke shtuar se Podujeva ka pasur gjithmonë probleme me mungesën e gjyqtarëve dhe janë raportet vjetore që tregojnë për karakterin e lëndëve që zgjidh kjo gjykatë e që janë të peshës së lehtë, dhe se më e vështirë është caktimi se sa kryerja e lëndës. Ai shtoi se në letër mund të duket se ka përmirësime por në realitet përmirësimet po duken pak ose hiç fare.

Në fund Hasan Përvetica po ashtu avokat tha se një drejtësi e vonuar nuk është drejtësi dhe se reformat e bëra në gjyqësor janë të dështuara dhe për këtë fajtorë kryesor është Këshilli Gjyqësor i Kosovës sepse ai ka kompetencat për këtë.
Pastaj ai vuri theksin në procedurat tejet të komplikuara për emërim të gjyqtarëve dhe se për këto nuk kanë faj gjykatësit sepse këta punojnë kaq sa janë.
Përvetica shtoi se ka shumë hapësirë për përmirësime në fushën e komunikimit në mes të institucioneve të drejtësisë dhe qytetarëve, dhe po ashtu në përmirësimin e punës së gjykatave.

Gjakovë, 04 tetor 2013– Lëvizja FOL në kuadër të projektit “Afrimi i qytetarëve me institucionet e drejtësisë”, i cili financohet nga populli amerikan përmes USAID/ATRC, ka mbajtur sot takimin e dytë të “Forumit për Qasjen në Drejtësi” në Komunën e Gjakovës. Në këtë forum të ftuar ishin përfaqësues të Gjykatës, Prokurorisë, Policisë, përfaqësues nga Avokati i Popullit, nga Qendra për Ndihmë Juridike, përfaqësues të Odës së Avokatëve, OJQ-ve, mediave dhe qytetarët e interesuar në Komunën e Gjakovës. Në këtë takim prezent ishte edhe përfaqësuesja e Këshillit Gjyqësor të Kosovës Aishe Qorraj-Berisha.

Fillimisht Kenan Tora nga Lëvizja FOL ju uroj mirëseardhje të pranishmëve dhe bëri një prezantim të shkurtë të takimit të parë të forumit dhe të aktiviteteve të tjera me qëllim të përmirësimit të komunikimit mes institucioneve të drejtësisë dhe qytetarëve. Ai deklaroi vështirësitë që po hasen gjatë tentimeve për të monitoruar seanca gjyqësore, dhe se deri më tani në Gjykatën Themelore në Gjakovë ende nuk është mbajt asnjë seancë për rastet e keqpërdorimit të parasë publike ose korrupsionit. Ai nënvizoi nevojën për rritjen e nivelit dhe cilësisë së komunikimit në mes të institucioneve të drejtësisë dhe qytetarëve.

Aishe Qorraj-Berisha përfaqësuese e KGJK-së përgëzoi Lëvizjen FOL për idenë dhe angazhimin e tyre në këtë fushë. Ajo prezantoi në përgjithësi punën e KGJK-ë dhe gjithashtu potencoi dhe pranoi problemet dhe sfidat e gjyqësorit të cilat fillojnë nga buxheti i ulët e deri tek mungesa e gjykatësve apo numri i madh i lëndëve. Më tej ajo potencoi se në Gjakovë ende nuk ka një zyrtar për marrëdhënie me publikun i cili do ta lehtësonte punën e komunikimit të qytetarëve edhe pse secila gjykatë e ka monitorin ku paraqiten të dhëna për mbajtjen e seancave.

Më pas Lulzim Paqarizi nga Gjykata Themelore në Gjakovë tha se gjykatat ndodhen në fazën e tranzicionit. Ne kemi raste shumë por nuk kemi gjykatës të mjaftueshëm, nuk kemi kapacitete njerëzore të cilat do t’i përfundonin të gjitha rastet e paraqitura në Gjykata. Ai më tej shtoi se Gjykata Themelore në Gjakovë ka 14 gjyqtarë, Gjykata në Rahovec ka 6 gjyqtarë dhe Gjykata në Malishevë ka 5 gjyqtarë. Ai po ashtu potencoi që Gjakova nuk ka Qendër të Paraburgimit. Në Gjykatën Themelore në Gjakovë janë 7 lëndë për korrupsion dhe keqpërdorim të detyrës zyrtare por të cilave ende nuk iu janë caktuar datat për gjykim.
Nora Dobruna nga Këshilli për Ndihmë Juridike Falas, tha se komunikimi në mes të gjykatave dhe gjyqtarëve me qytetarët, secilën ditë e më tepër po përmirësohet. Qytetarët kryesisht shprehin pakënaqësi rreth zvarritjes së lëndëve.

Në diskutim e sipër Ali Juniku qytetar nga Gjakova shprehu pakënaqësinë rreth zvarritjes së rastit të tij në gjykatë dhe u referua në arsyen që gjykatat janë të korruptuara dhe se korrupsioni nuk po i lë të ecin dhe të punojnë drejt.
Vjollca Kuqi nga Rrjeti i Grave “Qeliza” duke nënvizuar se komunikimi i gjykatave me qytetarët është i dobët shtoi se këtë komunikim e vështirëson shumë byrokracia e tepërt.

Halil Kaja nga Qendra për Zhvillimin e Biznesit dhe Komunitetit shprehi shqetësimin e tij për dukurinë e reketit në Gjakovë, gjë e cila sipas tij secilën ditë e më tepër po e dëmton biznesin dhe ndërmarrësin.
Në fund Linda Sada nga Forumi i Shoqërisë Civile kërkoi Forumi për Qasje në Drejtësi të mbahet në intervale të rregullta kohore, pasi që është e dukshme nevoja për përmirësimin e nivelit të komunikim në mes të institucioneve të drejtësisë dhe qytetarëve.

Prishtinë, 02 Tetor 2013 – Lëvizja FOL në mbështetje të Ambasadës Amerikane në Kosovë, ka mbajtur Forum-Diskutimin e II-të në lidhje me “Pakon Ligjore Anti-Korrupsion – Ligji për Mbrojtjen e Informatorëve”, respektivisht mbi vërejtjet dhe rekomandimet e dala nga tryezat e organizuara nga kjo FOL në disa Komuna të Kosovës ku është diskutuar mbi ligjin në fjalë.

Në tryezat e organizuara në Komunën e Ferizajt, Gjakovës, Prizrenit, Mitrovicës, Gjilanit dhe Pejës janë shfaqur shqetësime në lidhje me zbrazëtirat ligjore dhe nivelin e ulët të zbatimit të Ligjit për Mbrojtjen e Informatorëve. Vërejtjet dhe rekomandimet e dala nga këto tryeza ku pjesëmarrës kanë qenë zyrtarë publik në nivelin lokal, përfaqësues kompanish të ndryshme publike dhe private, shoqëria civile si dhe qytetarë të Republikës së Kosovës, i kanë dhënë shtytje organizimit të Forum-Diskutimit të II-të, ku pjesëmarrës kanë qenë përfaqësues nga Ministrisë së Drejtësisë, nga Këshilli i Pavarur Mbikëqyrës për Shërbimin Civil të Kosovës, Policia e Kosovës – Drejtoria për Hetimin e Krimeve Ekonomike, Komuna të Kosovës si dhe përfaqësues të Shoqërisë Civile.

Bajram Ajeti, Kryetar i Këshillit të Pavarur Mbikëqyrës për Shërbimin Civil të Kosovës, tha se “ligji për Mbrojtjen e Informatorëve nuk kufizohet vetëm në fushën anti-korrupsion por ngërthen të gjitha fushat të cilat janë te mbrojtura nga ligjet dhe kushtetuta e Republikës së Kosovës për të mirën publike”. Ai shtoi tutje se “nuk është detyrë vetëm e institucioneve publike promovimi i ligjeve, por kjo detyrë u takon edhe organizatave jo-qeveritare”. Duke iu referuar problematikave të zbatimit të ligjeve e vecanërishtë Ligjit për Mbrojtjen e Informatorëve, ai theksoi se “mungon komunikimi i mirëfilltë në mes të mbikëqyrësve dhe nëpunëseve te tyre mbi informimin e ekzistimit të ligjeve në përgjithësi”, duke shtuar se “çdo institucion është i thirrur për të zbatuar ligjin, edhe pse shpesh mungon vullneti politik për zbatimin e këtyre ligjeve”.

Ndërkaq, Baki Gimolli nga Departamenti për Çështje Ligjore – Ministria e Drejtësisë, tha se “ligji për Mbrojtjen e Informatorëve ka dalë si një kërkesë e Raport-Progresit të Bashkimit Evropian”, duke theksuar se “ligji është specifik dhe se askush në rajon ende nuk e ka miratuar një ligj të tillë”. Tutje ai shtoi se “megjithatë, Ligji për Mbrojtjen e Informatorëve është mirë i strukturuar i cili qartëson instancat për pranimin e informatave në raste të keqpërdorimit të detyrës zyrtare”. Në qartësimin e mëtutjeshëm te normave të Ligjit mbi Mbrojtjen e Informatorëve, ai pohoi se “edhe pse ligji në përgjithësi përmban norma te zbatueshme, megjithatë, disa nga normat e këtij ligji ende mbesin të pazbatuara si pasojë e mos planifikimit të mirëfilltë buxhetor me rastin e miratimit të këtij ligji”.
Hevzi Matoshi përfaqësues nga Komuna e Gjilanit, deklaroi se “problemi kryesor qëndron në zbatimin e Ligjit për Mbrojtjen e Informatorëve, ku zyrtarët hezitojnë të paraqesin informata mbi keqpërdorimet të cilat ndodhin pranë institucioneve ku ata janë të punësuar”. Tutje ai shtoi se “megjithatë, duke vlerësuar situatën mund të theksojmë se, ekziston vullneti politik në zbatimin e ligjit”.
Kurse, Shemsi Igrishta nga Policia e Kosovës tha se “Policia e Kosovës është një institucion i respektuar nga ana e qytetarëve të Kosovës, dhe se e njëjta është duke punuar në rritjen e mirëbesimit tek të njëjtit qytetar për t’i cytur ata që të raportojnë shkeljet ligjore dhe parregullsitë të cilat vihen re”.
Në këtë Forum-Diskutim janë dhënë edhe disa rekomandime, ku ndër më të rëndësishmet janë si në vijim:
– Themelimi i Gjykatave Administrative;
– Promovimi i mëtutjeshëm i Kutive të Ankesave në institucione publike, krahas përcaktimi të instancave për pranimin e informacioneve mbi parregullsitë dhe keqpërdorimet; si dhe
– Parashikimi i mjeteve financiare në përputhshmëri me miratimin e ligjeve dhe zbatimin e tyre në praktikë.

Prishtinë, 30 shtator 2013-Në bazë të Ligjit për Lirinë e Asocimit në Republikën e Kosovës dhe Statutin e organizatës, me datë 28 shtator 2013, është mbajtur mbledhja e Kuvendit të Anëtarëve të Lëvizjes FOL, i cili është organi kryesor vendimmarrës në organizatë.

Në këtë mbledhje është diskutuar për disa ndryshime në statutin e Lëvizjes FOL, me ç’rast është krijuar edhe një Komision në përbërje nga tre anëtarë të Kuvendit, i cili do të merret me ndryshimet e propozuara në këtë mbledhje dhe do të bëjë amandamentimin e Statutit deri në mbledhjen e radhës së Kuvendit të Anëtarëve.

Po ashtu në këtë mbledhje u bë zgjedhja e Drejtorit të Lëvizjes FOL. Me 30 vota për, 2 abstenime dhe një kundër, Petrit Zogaj është rizgjedhur drejtor i Lëvizjes FOL. Numri i anëtarëve të Kuvendit të Lëvizjes FOL arrin në 41, ndërkaq në këtë mbledhje prezent ishin 33 prej tyre.

Petrit Zogaj është bashkëthemelues i Lëvizjes FOL dhe nga shtatori i vitit 2011, ka shërbyer në pozitën e Drejtorit Ekzekutiv. Petriti Zogaj ka përfunduar studimet për Shkenca Politike në Universitetin e Prishtinës.

Lëvizja FOL, falënderon të gjithë anëtarët e Kuvendit të organizatës për kontributin e dhënë për arritjen e objektivave të organizatës.

Prishtinë, 19 Shtator 2013. Lëvizja FOL dënon ashpër sulmin ndaj Misionit të EULEX-it në Kosovë, ku për pasoj kemi një pjesëtar të këtij misioni të vrarë. Duke shpreh ngushëllimet tona të sinqerta për familjen dhe shtetin e Lituanisë, FOL kërkon që ky akt të mos kaloj në heshtje dhe se vrasësit të dalin sa më parë para drejtësisë.

Po ashtu, kërkojmë që institucionet vendore dhe ndërkombëtare të marrin hapa urgjente për të gjitha krimet dhe vrasjet që kanë ndodhur në Veriun e Kosovës, ku për 14 vite me radhë kjo pjesë e vendit ka shërbyer si strehë e krimineleve dhe vrasësve. Krimi në atë pjesë nuk po njeh kurrfarë pushteti, vendor a ndërkombëtar dhe për pasoj kemi pasur plotë raste si kjo që ndodhi sot.

Zhvillimet politike të këtij viti duhet të shërbejnë po ashtu që autoritetet e Kosovës, përfshirë edhe EULEX-in të marrin nën kontroll situatën e sigurisë, sepse për këtë, institucionet e Kosovës kanë nënshkruar dhe ratifikuar në Kuvendin e Kosovës marrëveshje ndërkombëtare.

Prandaj, është momenti i fundit që palët nënshkruese të marrëveshjeve si dhe ato që garantojnë këto marrëveshje të ju bëjnë të qartë strukturave kriminale në veri të vendit se shumë shpejt do të japin llogari dhe përgjegjësi për veprimet e tyre për më shumë se një dekadë.