Prishtinë, 22 shkurt 2018 – Lëvizja FOL sot ka mbajtur diskutim/fokus grup me zyrtare të prokurimit publik në ministritë e caktuara. Gjatë këtij diskutimi u fol për rëndësinë e hapjes se planeve të prokurimit si mjet i promovimit të transparencës dhe rritjes së llogaridhënies ndaj qytetarëve.

Zyrtaret e pranishëm vunë në pah se hapja e planeve nuk paraqet problem pasi që me hapjen e planeve do të përfitonin edhe vet autoritetet kontraktuese dhe departamentet e prokurimit duke qenë se shumë shpesh ata përballen me probleme që mund të dalin gjatë aktiviteteve të prokurimit.

Lëvizja FOL prezantoi statistika rreth realizimit të planifikimit të prokurimit publik në Ministrinë e Financave, Zhvillimit Ekonomik, Zyrën e Kryeministrit dhe Ministrinë e Punës dhe Mirëqenies Sociale. Nga statistikat e paraqitura u hap diskutimi për devijimet buxhetore që ndodhin gjatë implementimit të planeve dhe procesit të prokurimeve qendrore.

Duke ditur se planifikimi i prokurimit publik paraqet fazën kryesore prej të cilës varet edhe procesi i tërësishëm i prokurimit publik, Lëvizja FOL ka monitoruar planet e prokurimit në institucionet qendrore të Kosovës.

Ishte përfundim i përbashkët me zyrtarë të prokurimit nëpër ministri të caktuara se;

• Korniza ligjore duhet të jetë unike dhe e harmonizuar dhe duhet të rregullohet hapja e planifikimit të prokurimit
• AQP duhet të planifikoj dhe publikoj prokurimet e përbashkëta në afate të caktuara duke mënjanuar dyfishimin e planifikimeve edhe në autoritete kontraktuese edhe në AQP
• Planifikimi paraprak duhet të filloj dhe përfundoj më herët dhe jo në fund të vitit, pasi kjo i jep hapësirë autoriteteve kontraktuese që të japin më shumë detaje në planifikim.

Prishtinë, 20 Shkurt 2018 – Përfaqësues nga Lëvizjes FOL sot u takuan me znj.Afërdita Bytyçi, Kryetare e Gjykatës Themelore në Prishtinë. Gjatë këtij takimi u diskutua për punën në Gjykatën Themelore në përgjithësi, e me theks të veçantë për numrin e madh të lëndëve të korrupsionit në këtë gjykatë.

Kryetarja e Gjykatës znj. Bytyçi tha se numri i madh i lëndëve të kësaj natyre, janë pasojë e bartjes nga vitet paraprake. “Përveç bartjes së lëndëve nga vitet paraprake këtu ndikon edhe numri shumë i vogël i gjykatësve në këtë gjykatë”, tha Bytyçi, duke shtuar se edhe pse kanë buxhet për të pranuar në punë gjykatës të rinj, nuk e di se ku ka ngecur puna në rekrutimin e tyre.

Gjykata Themelore e Prishtinës ka zyrtarë për statistika, i cili është i angazhuar në këtë pozitë me kontratë mbi vepër.

 

Ky grant është financuar nga projekti Promovimi i Shoqërisë Demokratike (DSP) – i financuar nga Zyra Zvicerane për Bashkëpunim në Kosovë (SDC) dhe Ministria e Punëve të Jashtme e Danimarkës (DANIDA) dhe menaxhuar nga Fondacioni Kosovar për Shoqëri Civile (KCSF).

Prishtinë, 6 Shkurt 2018 – Lëvizja FOL do të jetë pjesë e koalicionit Pro Open, për hapje të të dhënave dhe llogaridhënie në Prokurimin Publik.

Më poshtë mund të lexoni deklaratën për themelimin e këtij koalicioni:

Deklaratë për Themelimin e Koalicionit për Hapje të të Dhënave dhe Llogaridhënie në Prokurim Publik – Pro Open

Menaxhimi i mirë i fondeve publike është element kyç i ofrimit të shërbimeve për qytetarë nga secili institucion publik. Prokurimi publik në Kosovë që nga themelimi i institucioneve vetëqeverisëse ka qenë dhe mbetet fushë e gjelbër për korrupsion, pavarësisht synimeve për ta rregulluar këtë sektor me ligje të mira, të cilat janë bazuar në legjislacionin evropian. Ndërhyrjet e grupeve të interesit të lidhura në shumë raste me partitë politike, në vazhdimësi i kanë cenuar të gjitha iniciativat për reformë në prokurimin publik në Kosovë dhe zbatim efektiv të ligjit.

Përkundër projekteve të shumta të asistencës për institucionet e Kosovës nga donatorët, dhe tentimeve të vazhdueshme për të rregulluar këtë sektor të ndjeshëm në Kosovë, korrupsioni mbetet në nivele të larta. Kjo situatë ka ndikuar që ofrimi i shërbimeve për qytetarët të jetë i dobët, fuqizohen kompanitë të cilat kanë paguar ryshfet dhe pasurohen zyrtarët publik të cilët kanë ndikim në dhënien dhe menaxhimin e kontratave publike. Gjatë gjithë kësaj periudhe, ka munguar një bashkëveprim i strukturuar në mes të medias dhe shoqërisë civile, të cilat do të duhej ta mbanin gjallë presionin ndaj zyrtarëve publik përmes informimit të opinionit për problemet në prokurimin publik.

E tërë kjo nuk do të mund të ndodhë përderisa qeveria vazhdon të mbetet e mbyllur për qytetarët. Hapja e të dhënave është një prej elementeve kyçe që mundëson ngritje të transparencës së zyrtarëve qeveritarë, stimulim të inovacionit, dhe u ofron ndihmë bizneseve në hulumtim të tregut, e që rrjedhimisht kontribuon në ngritje të investimeve dhe përmirësim të jetës së qytetarëve. Ky koalicion do të bëjë presion të vazhdueshëm që qeveria të bëjë sa më shpejt hapjen e të dhënave që i posedon.

Me qëllim të luftimit të korrupsionit në prokurimin publik, ky koalicion gjithashtu synon që përmes ekspozimit të korrupsionit, të rrisë presionin ndaj institucioneve publike, për të adresuar të gjitha shkeljet e identifikuara në prokurim. Koalicioni do të denoncojë të gjithë zyrtarët dhe kompanitë të cilët kryejnë shkelje në prokurim dhe do të monitoroj reagimin e institucioneve të drejtësisë.

Koalicioni për Hapje të të Dhënave dhe Llogaridhënie në Prokurim Publik “Pro Open”:

Fondacioni i Kosovës për Shoqëri të Hapur
Luan Shllaku

Lëvizja FOL
Jeton Zulfaj

Organizata Çohu
Arton Demhasaj

EC Ma Ndryshe
Edon Mullafetahu

Demokraci Plus
Valmir Ismaili

Instituti Demokratik i Kosovës
Ismet Kryeziu

Instituti Riinvest
Alban Hashani

Iniciativa për Progres
Albulena Nrecaj

Instituti Columbus
Dardan Selimaj

As part of the project “Open Procurement Transparency Portal”, supported by USAID Transparent, Effective, and Accountable Municipalities (TEAM) Activity, Lëvizja FOL intends to award a contract to an eligible local company to develop and launch the “Open Procurement Transparency Portal”.

How to Obtain a Tender Dossier: To participate in this tender, interested companies need to express their interest by requesting the tender dossier. The tender dossier, which includes terms of reference and evaluation criteria may be obtained by writing to [email protected]  , from 31^st of January, 2018.

Questions and Clarifications: The offerors will have the opportunity to ask questions regarding this solicitation by writing an e-mail to [email protected] until February 9th, 2018 at 2 pm. All correspondence regarding this solicitation must reference this solicitation in the subject line. No phone calls or in-person inquiries will be entertained.

Bid Conference: An optional bidder’s conference will be organized on February 7th, 2018 at 11:00 am at FOL Offices which are located at Str. “Andrea Gropa” No. 35, 10000 Prishtinë, Republic of Kosovo.

Offer Deadline: Offers must be submitted in English language in electronic format to [email protected] by email no later than 12th of February 2018 at 15:00 (local time).

All submitted offers must contain:

• Technical Proposal
• Financial Proposal
• Declaration of Honor
• Business registration documents (including Business Registration, Fiscal Number and VAT certificate)
• Past Performance References
• Proposed staff CV’s

Non-Selected offerors will be notified within 14 calendar days.

Prishtinë, 31 January 2018,

Prishtinë, 23 Janar 2018 – Lëvizja FOL ka mbajtur sot diskutimin e hapur me temën “Qasja e medias në mbulimin e politikave të punësimit”, ku të ftuar ishin përfaqësues të mediave në Kosovë.

Jeton Zulfaj, nga Lëvizja FOL tha se qëllimi i kësaj tryeze është diskutimi  rreth qasjes së mediave në mbulimin e politikave të punësimit. Si raportojnë mediat për temën e punësimit dhe sa është atraktive kjo temë – a gjeneron të ardhura kjo temë për mediat?

Ndërkaq, Gresa Smolica nga FOL prezantoi të gjeturat e raportit të Lëvizjes FOL rreth kësaj teme. “Raporti ka analizuar mbulueshmërinë e mediave lidhur me diskutimet për politikat e punësimit duke u fokusuar në punësimin e të rinjëve. Nga monitorimi i mediave kemi vënë re se nga mijëra artikuj që prodhohen vetëm disa dhjetëra prej tyre lidhen me çështjen e punësimit”, tha Smolica.

Dren Selimi nga EYE projekt – tha se nga matjet e bëra del se prodhimi mediatik kryesisht fokusohet në lajme dhe showbiz, e jo në temat e punësimit.  “Gazetat e shkruara i mbulojnë shumë më shumë temat e punësimit sesa portalet”, tha Selimi.

Visar Prebreza redaktor në Kallxo.com, tha se nuk beson që temat e punësimit do të hyjnë në top 100 lajmet me të klikuara ndonjëherë. “Nuk duhet të luftojmë si t’i fusim në top 100, por duhet të luftojmë si t’i bëjmë shkrimet më kualitative”, tha ai duke shtuar se çështja e punësimit lidhet me tema më të gjëra. Prebreza tha se më shumë duhet të monitorohen mediat që prodhojnë.

Bekim Kupina, redaktor në gazetën Koha Ditore, tha se nuk mund të jetë lajm atraktiv lajmi që flet për punësimin apo mospunësimin. “Mediat nuk bëjnë garë se kush prezenton më shumë lajme për punësimin. Nuk ka hapësirë të bëhet çdo ditë lajm për punësim. Nëse publikohet një lajm se një kompani ka punësuar disa persona kjo mund të konsiderohet si marketing për atë kompani. Cila është linja ndarëse mes interesit publik dhe marketingut?”, tha Kupina, duke shtuar se nepotizmi, korrupsioni, konflikti i interesit, konkurset të gjitha këto lidhen me punësimin. “Punësimi ka probleme të mëdha, veçanërisht për shkak të nepotizimit.  Statistikat e punësimit janë të mëdha edhe në raport me raportimet që bëhen në media”, tha ai.

Enis Veliu, redaktor në gazetën Zëri tha se interesi i opinionit nuk është punësimi. “Rektrutimi i të rinjëve bëhet në mënyrë shumë të fshehtë. Interesi i punësimit është  psh si Xhafer Tahiri apo Fatmir Limaj kanë punësuar persona të afërt, është bërë praktikë që po ndodh që përmes kontratave mbi vepër personat po zënë pozita”, tha Veliu, duke shtuar se për punësim shkruhet vazhdimisht, por dominojnë lajmet për punësim politik.

Blerim Xhemajli, redaktor në Klan Kosova tha se raportet që dalin në TV mbesin më shumë në mend, sesa ato të shkruara.“E kemi pasur një lloj përqendrimi në probleme sociale, me problemet e thjeshta të njerëzve. Problemet më të mëdha janë problemet e punësimeve politike. “Mediat nuk kanë buxhet për të pasur gazetarë të profilizuar vetëm për një lëmi. Ne e kemi biznes informimin e qytetarëve”, tha Xhemajli.

Adrian Çollaku,  kryeredaktor në Gazeta Blic , tha se në portale qytetarët i lexojnë ato që kanë qejf, e jo ato që janë të shkruara aty. “Në opinionin publik, imponimin e temave më së shumti e ka Qeveria, p.sh. në asnjë mbledhje të qeverisë nuk ëshë diskutuar për temat e punësimit, e as në Kuvend. Pa u bërë temë e tyre, kto tema do të mbesin në hije dhe ne do të merremi me statistika”, tha Çollaku, duke shtuar se nëse flitet për gjykatën speciale, askujt nuk i bie në mend për temat e punësimit.

Arben Ahmeti nga TV Dukagjini tha se asnjë portal nuk mund të mbahet përgjegjës pse ai poston lajme showbiz, sepse kjo është mënyrë e interesimit të njerëzve. “Njerëzit lexojnë atë që ju intereson. Mund t’i gjejë mijëra artikuj që kanë folur për mirëqenien në punë, por nuk mundemi me e matë se çfarë diference kanë bërë”, tha Ahmeti.

 

 

 

 

 

 

Prishtinë, 14 Dhjetor 2017 – Lëvizja FOL, CILC dhe KDI kanë mbajtur sot konferencë me ç’rast kanë prezantuar të dhënat e hulumtimit “Skenimi i Integritetit në Sektorin e Drejtësisë”.

Prishtinë,  30 Nëntor 2017 – Lëvizja FOL ka publikuar raportin Performanca e Prokurorisë në luftën kundër korrupsionit Korrik-Shtator

Prishtinë, 17 Janar 2018 –  Lëvizjen FOL e vizituan sot rreth 20 studentë nga vende të ndryshme të botës të cilët janë duke kryer studimet e Magjistraturës në programin evropian për të drejtat e njeriut dhe demokraci – në Venedik dhe Vjenë.

Jeton Zulfaj, drejtor i Programeve në Lëvizjen FOL, prezantoi punën e FOL-it gjatë këtyre viteve si dhe foli  për situatën politike në vend.

Gjatë këtij takimi studentët u njohën më afër me hapësirat dhe me punën që ka bërë dhe po bën aktualisht FOL-i.

Prishtinë, 26 Dhjetor 2017 – Lëvizja FOL ka mbajtur ceremoninë e ndarjes së Çmimit për Guxim Qytetar për vitin 2017, i cili në këtë vit iu nda z. Enis Veliu.
Enis Veliu është redaktor i ekonomisë në gazetën ditore “Zëri”, ku pas publikimit të shkrimit “KEDS-i na faturon 8 milionë euro në vit për rrymën e serbëve të veriut”, Avokati i Popullit filloi hetimet, të cilat pasuan edhe një vendim të gjykatës për ndërprerjen e faturimit të energjisë se pa shpenzuar një pjese të popullatës në Kosovë.
Petrit Zogaj drejtor ekzekutiv i Lëvizjes FOL tha se këtë vit çmimin për guxim e ndanë për një person i cili në një formë apo tjetrën me shkrimin e tij ka ndikuar në jetën e të gjithë neve. “Falë shkrimit të z. Veliut, Avokati i Popullit kishte filluar hetimet ex-ofcio, lidhur me këtë rast, hetim i cili pasoj me vendimin e Gjykatës Themelore e cila mori vendosi që ta ndaloj një praktikë të tillë. Me këtë rast shkrim z.Veliu vendosi që të ndalohet diskriminimi i shumicës së qytetarëve”, tha Zogaj.

Ndërkaq, Genc Salihu kryetar i Bordit këshillëdhënës të Lëvizjes FOL tha se ky është një çmim që ne si FOL e ndajmë me shumë privilegj dhe kënaqësi. “Rasti i Enisit me shkrimin që ka bërë ka pas efekt direkt në shoqërinë tonë dhe për këtë e falënderojmë”, tha Salihu.

Ndërkaq Enis Veliu, falënderoi FOL-in për këtë çmim dhe tha se gjatë gjithë vitit ka bërë hulumtime të shumta, mirëpo ky ka qenë i veçantë pasi që për vite të tëra qytetarëve ju faturua energjia e pashpenzuar.

 

Prishtinë, 14 Dhjetor 2017 – Lëvizja FOL, CILC dhe KDI kanë mbajtur sot konferencë me ç’rast kanë prezantuar të dhënat e hulumtimit “Skenimi i Integritetit në Sektorin e Drejtësisë”. Penalistë në këtë konferencë ishin: Gerrie Willems – Ambasadore e Holandës në Kosovë, Eva Erren – Menaxhere e Projektit nga Qendra për Bashkëpunim Ndërkombëtar Ligjor(CILC), Nehat Idrizi – Kryesues i Këshillit Gjyqësor të Kosovës, Blerim Isufaj – Kryesues i Këshillit Prokurorial të Kosovës dhe Altin Ademi – Këshilltar i ministrit të Drejtësisë.

Jeton Zulfaj nga Lëvizja FOL tha se shumë raporte deri me tani kanë matur perceptimin e qytetarëve mbi integritetin në sistemin e drejtësisë, mirëpo kanë munguar raportet që tregojnë për perceptimin e vetë gjyqtarëve dhe prokurorëve për sistemin pjesë e cilit janë. “CILC, FOL dhe KDI kanë realizuar një skenim të integritetit në sektorin e drejtësisë ku janë përfshirë 229 gjyqtarë dhe 112 prokurorë, në një hulumtim që për herë të parë vë në dukje pjesë të ndjeshme të sektorit të drejtësisë”, tha Zulfaj.

Gerrie Willems – Ambasadore e Holandës në Kosovë tha se kemi vendosur të mbështesim këtë projekt sepse Holanda i kushton rëndësi të veçantë forcimit të sundimit të ligjit në Kosovë së bashku me integritetin si ndër kushtet kryesore për sundimin e ligjit. “Duhet të cekim se është bërë progres, megjithatë ende ka gjëra që duhet të behën, ndonëse është evidente që ka shumë sfida që duhet të tejkalohen. Kjo është ajo që BE duke përfshirë edhe Holandën pret nga Kosova, ti bindet sundimit të ligjit dhe të niset nga parimi që askush nuk është mbi ligjin. Integriteti në sistemin e drejtësisë është shumë i rëndësishëm sepse së bashku me pavarësinë dhe paanshmërinë janë parakushte për krijimin e një gjyqësori efektiv dhe funksional. Unë shpresoj që ky raport, i cili ofron analizë të detajuar ligjore dhe të situatës faktike, të ndihmoj aktorët e sistemit gjyqësor që të ndërmarrin hapa për të i adresuar çështjet e integritetit”, tha ambasadorja Willems.

Nehat Idrizi kryesues i KGJK-së tha se institucioni që ai drejton ka shprehur qasje miqësore ndaj iniciativave për promovim të integritetit. “Ky raport do të na ndihmojë për të përmirësuar edhe integritetin në sistemin e drejtësisë. KGJK ka pasur shumë kritika, mirëpo këto zakonisht janë nga persona të cilët nuk janë të informuar sa duhet për punën e KGJK. Ne do ti marrim rekomandimet e këtij raporti dhe do të mundohemi të i zbatojmë, për përmirësimin e punës sonë”, tha Idrizi.

Eva Erren nga CILC  tha se në të gjitha shtetet ku funksionon sundimi i ligjit, ekzistojnë mekanizma për mbrojtjen e vlerave thelbësore të sistemit të drejtësisë: Paanshmëria. pavarësia dhe integriteti.  “Me këtë raport ne po mundohemi që të adresojmë me një qasje të strukturuar dhe sistematike, sfidat që sistemi Gjyqësor dhe Prokurorial hasin në Kosovë në lidhje me integritetin”, tha Erren, duke shtuar se përfundimet e nxjerra nga ky raport shpresojmë që do ti bëjnë bashkë të gjithë akterët e sistemit të drejtësisë, që të ndërmarrin hapa gjithëpërfshirës për të gjetur mjetet më të mira juridike për të adresuar çështjen e integritetit. Even tha se se presim që njëri nga aktivitetet tona vijuese do të jetë ndryshimi i kodeve të etikës për Këshillin Gjyqësor dhe Këshillin Prokurorial në përputhje me të gjeturat e këtij raporti.

Blerim Isufaj, kryesues i KPK tha se ne kontribuojmë në mënyrë aktive për zhvillimin e trajnimeve për prokurorë prandaj edhe mediat dhe shoqëria civile duhet të jenë partneri ynë në mënyrën që të përmirësohet performanca e prokurorisë. “Ky hulumtim do të jetë një bazë e mirë për KPK për të ngritur integritetin në sistemin e drejtësisë. Ne jemi të angazhuar në luftimin e korrupsionit, duke themeluar një institut të veçante për këtë çështje. Korniza ligjore është shumë e nevojshme për punë të mirë, por edhe kushtet profesionale, si dhe kuadri profesional është shumë i nevojshëm”, tha Isufaj duke shtuar se 25 prokurorë të rinj do të përfundojnë trajnimin tani dhe nga janari i vitit 2018 do të fillojnë të merren me raste. Isufaj tha se do të rekrutojë edhe 90 bashkëpunëtor profesional dhe zyrtarë ligjor si dhe do të funksionalizojnë sistemin elektronik për menaxhimin e rasteve.

Altin Ademi, këshilltar i ministrit të drejtësisë tha se sundimi i ligjit është prioriteti numër një 1 i ministrit të drejtësisë. “Do të hartohen 4 ligje në pako, ku bën pse edhe ligji për përgjegjësinë disiplinore të gjyqtarëve dhe prokurorëve, të cilat ligje do të shërbejnë për të siguruar një pavarësi të plotë të gjyqësorit dhe sigurimin e integritetit dhe llogaridhënies së këtij sistemi”.

Arben Kelmendi nga KDI, tha se hulumtimet e mëhershme të KDI-së dhe FOL-it kanë theksuar nevojën për qasje më të strukturuar dhe sistematike për të adresuar sfidat në sektorin gjyqësor dhe prokurorial. “Të gjeturat në këtë raport janë një kontribut i madh për agjendën në reformën ligjore në Kosovë”, tha Kelmendi.

Ndërkaq, Agon Maliqi prezantoi të gjeturat e këtij hulumtimi dhe tha se ky studim i veçantë i integritetit u përpoq të kuptonte se sa respektohen standardet etike brenda sistemit gjyqësor duke përfshirë edhe një perspektivë të tretë. Gjegjësisht, ai synon që të vlerësojë respektimin e standardeve etike dhe profesionale duke shqyrtuar perceptimet e aktorëve kryesorë të përfshirë në sistemin gjyqësor – përkatësisht gjykatësit dhe prokurorët.

 

Rekomandimet nga hulumtimi “Skanimi i Integritetit në Sektorin e Drejtësisë”

 

1. Besimi i publikut në gjyqësor mund të rifitohet vetëm përmes reformave gjithëpërfshirëse, por mund të përmirësohet pjesërisht edhe përmes komunikimit më efektiv dhe rritjes së transparencës. KGJK dhe KPK duhet të punojnë në mënyrë më efektive dhe sistematike me mediat dhe shoqërinë civile për të rritur vetëdijesimin e publikut për mekanizmat e integritetit të brendshëm dhe për tu paraqitur rastet pozitive. KGJK dhe KPK duhet po ashtu të rrisin nivelin e transparencës së procedurave disiplinore në mënyrë që qytetarët të marrin informacione të mjaftueshme për masat e ndërmarra kundër prokurorëve dhe gjyqtarëve. Gjithashtu, gjykatat duhet të konsiderojnë rritjen e komunikimit me publikun që të shpjegojë më mirë procedurat gjyqësore, tarifat e aplikueshme, arsyet për vonesat procedurale dhe çështje të tjera që mund të keqinterpretohen si korrupsion ose rritje e rrezikut për korrupsion. KGjK-ja gjithashtu duhet të marrë parasysh publikimin e një statuti të shërbimit që i informon qartë qytetarët për angazhimin etik dhe standardet që aplikohen për gjyqtarët dhe stafin. E fundit, por jo më pak e rëndësishme, fushatat kreative të informimit publik ose tregimet për media që ilustrojnë mekanizmat e llogaridhënies së brendshme mund të ndihmojnë disi në kapërcimin e hendekut midis perceptimit nga jashtë dhe perceptimit nga brendësia e sistemit të drejtësisë.

2. Gjyqtarët dhe prokurorët duhet të fuqizohen më tej për të shprehur shqetësimet e tyre rreth çështjeve të integritetit dhe për t’u përfshirë në dizajnimin e zgjidhjeve. KGJK dhe KPK duhet të vazhdojnë të krijojnë hapësira për dialog dhe shprehje të lirë në mënyrë që të dëgjohet zëri i atyre që janë brenda sistemit, të cilët kanë vërejtje. Verifikimet anonime të integritetit të kësaj natyre duhet të bëhen periodike dhe me një metodologji të qëndrueshme në mënyrë që ata që janë kritikë të mund të shprehin vërejtjet e tyre dhe ndryshimet (përmirësimet ose regresi) të mund të maten nga viti në vit. Përveç kësaj, gjyqtarët dhe prokurorët duhet të jenë më të përfshirë në hartimin e zgjidhjeve për sfidat e integritetit. KGJK dhe KPK, si dhe Kryetarët e Gjykatave dhe Kryeprokurorët, duhet të thërrasin takime diskutimi me gjyqtarë/ prokurorë dhe profesionistë për të diskutuar gjetjet lidhur me rreziqet dhe cenueshmëritë ndaj korrupsionit dhe për të hartuar zgjidhjet e tyre për të eliminuar këto perceptime ose për të zbutur këto rreziqe dhe dobësi.

3. Duhet të merren masa specifike për të adresuar ndikimet e jashtme në punën e gjyqësorit nga interesat politike, tregtare ose të tjera. Ministria e Drejtësisë dhe udhëheqësit politikë në përgjithësi duhet të ndërmarrin hapa të domosdoshëm për të eliminuar të gjitha dyshimet lidhur me ndërhyrjen politike në proceset gjyqësore, përfshirë këtu edhe heqjen dorë nga deklaratat publike për rastet. Kryetarët e Gjykatave dhe KGJK-ja duhet të takohen kohë pas kohe me ata që janë përgjegjës për sigurinë e gjykatave dhe të bëjnë një rishikim të masave të sigurisë. Kryeprokurorët dhe KPK-ja duhet të bëjnë të njëjtën gjë. Bazuar në këto rishikime, duhet të hartohen plane të detajuara dhe të përditësohen në mënyrë periodike për tu përballuar me kërcënimet ekzistuese dhe të ardhshme për sigurinë fizike të akterëve gjyqësorë. Kryetarët e gjykatave duhet të mbajnë takime periodike ndërmjet gjyqtarëve dhe/ose stafit të gjykatave për të shqyrtuar masat që mund të zvogëlojnë ndikimin e pahijshëm, siç janë kufizimi i qasjes së publikut në zyrat private të gjyqtarëve dhe verifikimi i të gjitha thirrjeve telefonike për gjyqtarët.

4. Ka hapësirë për të përmirësuar procesin e rekrutimeve dhe caktimeve të rasteve, pasi ato janë kritike, ndër të tjera, për të siguruar besimin e publikut në rezultatet e gjyqësorit. KGJK dhe KPK duhet të përdorin kritere objektive, gjithmonë të bazuara në meritë dhe integritet, në procesin e përzgjedhjes së gjyqtarëve dhe prokurorëve, si dhe stafit të zyrës. KGjK-ja po ashtu duhet të ndërmarrë veprime të mëtejshme për të bërë caktimet e lëndëve në mënyrë të rastësishme (randomize). Caktimet fillestare të lëndëve për një gjyqtar duhet të bëhet përmes një sistemi elektronik dhe zgjedhja fillestare pastaj mund të rregullohet nga gjykata ose për të shmangur konfliktet e mundshme ose për të lejuar që rastet e ndërlidhura të trajtohen nga i njëjti gjyqtar. KPK gjithashtu duhet të ndërmarrë veprime të mëtejshme për të informuar publikun lidhur me caktimin e lëndëve. Përderisa caktimi fillestar i lëndëve për një prokuror është në diskrecionin e Kryeprokurorit, zgjedhja fillestare pastaj mund të rregullohet nga prokuroria për të shmangur konfliktet e mundshme ose për të lejuar që rastet e ndërlidhura të trajtohen nga i njëjti prokuror. Duhet të bëhen përpjekje nga KPK dhe KGJK për t’ia komunikuar publikut arsyet për ri-caktim në mënyrë që ato të kuptohen si masa për të zbutur konfliktet e interesit ose për përmirësimin e efikasitetit dhe jo si mjete për të manipuluar procesimin e lëndës.

5. Kodet e etikës duhet të përditësohen në mënyrë që të zgjerohet gama e çështjeve të mbuluara dhe të jepen përkufizime më të qarta, ndërsa trajnimet mbi etikën duhet të bëhen të detyrueshme dhe periodike. Duhet të iniciohet një proces konsultimi për të përditësuar Kodet e Etikës, pasi është normale që dokumentet e kësaj natyre të përmirësohen bazuar në të dhëna nga përvojat. Konsultimet duhet të marrin parasysh rekomandimet e gjyqtarëve dhe prokurorëve për zgjerimin e gamës së çështjeve me të cilat ballafaqohen duhet të qartësojnë dhe të përcaktojnë në mënyrë të qartë situata specifike. Disa nga çështjet që mund të qartësohen janë ato të identifikuara në sondazhin e këtij raporti. Kodet e etikës duhet gjithashtu të shoqërohen me memorandume shpjeguese. KPK-ja duhet të konsiderojë që ta bëj të obligueshëm edukimin dhe trajnimin e vazhdueshëm ligjor mbi etikën gjyqësore në një bazë të caktuar periodike (p.sh., çdo vit, çdo tre vjet, etj.) për prokurorët dhe stafin e prokurorisë. Fokus i veçantë duhet t’u jepet gjyqtarëve dhe prokurorëve të rinj. KGjK-ja duhet të marrë konsiderojë të bëj diçka të ngjashme për gjyqtarët dhe stafin e gjykatave, përmes diçkaje si Programi i Obligueshëm i Edukimit të Vazhdueshëm Ligjor (KBA). Si KPK ashtu edhe KGJK duhet të kërkojnë trajnime të vazhdueshme ligjor mbi etikën gjyqësore nga Akademia e Drejtësisë, që bazohet në nevojat e identifikuara nga prokurorët dhe gjyqtarët.

6. Duhet të forcohet kapacitetet teknike të mekanizmave disiplinorë, sikurse edhe trajnimet lidhur me etikën. Gjyqësori dhe prokuroria kanë besim të ulët në aftësitë e ZPD-së për të kryer hetime, gjë që ngrit nevojën për të reformuar ZPD-në. Duhet të bëhen përpjekje për të forcuar kapacitetet teknike të Zyrës së Prokurorit Disiplinor (ZPD). Identifikimi i nevojave për ngritjen e kapaciteteve do të ishte një fillim që do të pasohej nga të paktën një program trajnimi që do të ofrohet dhe nga masa të tjera të mundshme që do të ndërmerren nga mekanizmat disiplinorë. KGJK dhe KPK duhet të marrin masa për të informuar dhe udhëzuar gjyqtarët dhe prokurorët e rinj që hyjnë në sistem mbi mekanizmat që janë në dispozicion për konsultim mbi standardet etike, pasi shumë prej tyre duket se nuk janë të informuar. Akademia e Drejtësisë gjithashtu duhet të rishikojë programin e saj të trajnimit mbi etikën për të pasqyruar shqetësimet e shprehura nga gjyqtarët dhe prokurorët.

7. Reformat e përgjithshme në sektorin e drejtësisë duhet të synojnë të zvogëlojnë ngarkesën e madhe të gjyqtarëve dhe prokurorëve, e cila rrit stresin për të arritur objektivat e performancës dhe krijon stimuj për të mos i marrë aq shumë parasysh çështjet e integritetit. KGJK dhe KPK duhet të përdorin kompetencat e tyre kushtetuese si degë të pavarura të qeverisë për të siguruar burime adekuate (buxhet, infrastrukturë fizike dhe burime njerëzore) si mjet jo vetëm për të përmirësuar efektivitetin e përgjithshëm, por edhe për zvogëlimin e ngarkesës së lartë të gjyqtarëve dhe prokurorëve. Ata po ashtu duhet të vlerësojnë mënyrat si të modifikohen stimulimet në mënyrë që gjyqtarët dhe prokurorët të mos i japin prioritet shpejtësisë në zgjidhjen e rasteve para standardeve profesionale dhe integritetit. Nevojitet një dialog i brendshëm se si të balancohet matja e performancës për të mos qenë tepër e përqendruar në numrin e rasteve të zgjidhura por që të përfshijë komponentë të cilësisë që lidhen me standardet etike.

 

 

Prishtinë, 9 Dhjetor 2017 – Lëvizja FOL përmes programit për Komuna Transparente,
Effektive dhe Llogaridhënëse i mbështetur nga USAID ka organizuar një performancë
vetëdijesuese për të shënuar ditën ndërkombëtare kundër korrupsionit.
Jeton Zulfaj nga Lëvizja FOL tha se kjo performancë është organizuar në kuadër të javës
kundër korrupsion, e cila është shënuar me aktivitete të ndryshme të udhëhequr nga një
koalicion i shoqërisë civile së bashku me Ambasadën Amerikane dhe USAID-in, prandaj një
falënderim të veçantë i kushtohet USAID-it dhe këtij programi që e kanë mundësuar këtë
aktivitet.
“Fjala Korrupsion përdoret në gjithë botën për të përshkruar abuzimin e pushtetit për
përfitime personale. Në vendet e zhvilluara, korrupsioni asocohet me kravata të bardha dhe
individë të pasur e me ndikim, ndërkaq në vendet e varfëra ai asociohet me shkatërrim
ekonomik, regjime autoritare dhe shpërdorim të burimeve njerëzore dhe natyrore. As Kosova
nuk bën përjashtim në këtë drejtim”, tha Zulfaj.
Sipas tij, përderisa fjala korrupsion është përdorur për të përshkruar dukuritë e mësiperme,
vet fjala asnjëherë nuk është analizuar në kontekst. “Në vështrim të parë, shihet se fjala
përfundon me –ON, që ndërkombëtarisht është sinjal që shpreh diçka aktive, diçka që
funksionon dhe që është në veprim.
Përderisa ne nuk mund të ndërrojmë fjalën Korrupsion, në Ditën Ndërkombëtare Kundër
Korrupsionit ne do ta ndryshojmë kuptimin e saj. Sot, po e ndalim korrupsionin, pra nga ON
në OFF”, tha Zulfaj.

Prishtinë 1 dhjetor 2017 – Lëvizja FOL në kuadër të projektit Ngritja e Llogaridhënies së Institucioneve mbi mënyrat e shpenzimit të parasë publike ka publikuar sot tw gjeturat nga monitorimi i kontratave të prokurimit publik në Ministrinë e Shëndetësisë, Ministrinë e Infrastrukturës dhe Ministrinë e Tregtisë dhe Industrisë.

Ky raport paraqet të gjeturat nga monitorimi 3-mujor i kontratave me vlera të mëdha nga  Ministria e Shëndetësisë, Ministria e Infrastrukturës dhe Ministria e Tregtisë dhe Industrisë. Gresa Smolica nga Lëvizja FOL tha se nga monitorimi i tërësishëm i procesit të prokurimit në këto tri ministri rezulton se Prokurimi publik mbetet një sektor jotransparent ndaj publikut pasi që qasja në dokumentacionin e kontratave mbetet e kufizuar. Sipas Smolicës, FOL ka monitoruar procesin e prokurimit duke u nisur nga planifikimi i aktivitetit të prokurimit e deri tek nënshkrimi i kontratës dhe implementimi i aktivitetit. “Në shumë raste, institucionet hezitojnë të hapin këto dokumente siç është rasti i Ministrisë së Infrastrukturës, e cila nuk na ka dhënë qasje në kontratat e kërkuara, duke e bërë të domosdoshme përfshirjen e Institucionit të Avokatit të Popullit, përmes ankesës që ka parashtruar Lëvizja FOL për mospërgjigje në kërkesën për qasje në dokumente publike”, tha ajo.

Dosja e kontratës e kërkuar nga MI “Ndërtimi i autoudhës A7.1- Kryqëzimi në disnivel A6/A7.1 (Banullë)- Dheu i Bardhë- Pjesa : Kryqëzimi në disnivel A6/A7.1 (Banullë)- Udhëkryqi- Bresalc- L=22.31km” nuk i është dhënë FOL-it me arsyetimin se lënda gjendet në OShP.

Ndërkaq në Ministrinë e Shëndetësisë është analizuar kontrata “Furnizim me barna nga Lista Esenciale” me numër prokurimi 206-17-452-1-1-1. Kjo kontratë është shoqëruar me disa parregullsi dhe ende sot ka mbetur e paimplementuar në tërësi, për shkak të keqplanifikimit të buxhetit për realizimin e kësaj kontrate.  Pjesa apo Loti 6 i kësaj kontrate, pasi i është dhënë operatorit ekonomik për të u realizuar, është anuluar nga Zyrtari Përgjegjës i Prokurimit Alban Pozhegu, me arsyetimin se Operatori Ekonomik ka ofertuar me çmim më të lartë se çmimi i tregut. Kjo tregon keqmenaxhimin në procesin e prokurimit por edhe keqplanifikimin e buxhetit për ilaçet e caktuara.

Për të njëjtin zyrtar, Lëvizja FOL ka gjetur se nuk posedon certifikatë licencimi të lëshuar nga KRPP, dhe po i njëjti nuk ka ndjekur trajnimet obliguese në KRPP në kohën e nënshkrimit të kontratës që kemi monitoruar. Pas ankesës së operatorit ekonomik pranë OShP-së, ekspertiza e OShP argumenton se Autoriteti Kontraktues Ministria e Shëndetësisë me anulimin e kontratës ka vepruar në kundërshtim me nenin 62 të Ligjit për Prokurimin Publik, si dhe kërkon që lënda të kthehet në rivlerësim. Parregullësitë që kanë shoqëruar këtë proces, mosrespektimi i afateve të përcaktuara nga OShP si dhe konstatimi edhe nga KRPP se ky zyrtar nuk plotëson në tërësi kërkesat sipas nenin 25.6 për të ushtuar në pajtueshmëri të plotë detyrën Zyrtar Përgjegjës i Prokurimit, me 13 Tetor 2017, KRPP merr vendim që Alban Pozhegut të i pezullohet e drejta për të shërbyer si Zyrtar Përgjegjës i Prokurimit.

Sipas saj, të gjitha këto elemente bëjnë që edhe institucionet por edhe shoqëria civile të angazhohen më shumë për gjetjen e mënyrave më adekuate për të rritur transparencën në këtë fushë.  “Ndryshimet në Ligjin për Prokurimin Publik janë ende të nevojshme sidomos tek parimet e transparencës, kurse rritja e integritetit të zyrtarëve publik është esenciale për mbarëvajtjen e procesit të prokurimit publik. Ngritja e llogaridhënies në këtë sektor është e mundur vetëm atëherë kur ana ligjore përputhet me përgjegjshmërinë e zyrtarëve dhe publiku gëzon qasjen që i garantohet me ligj”.

Prishtinë, 30 Nëntor 2017 – Lëvizja FOL ka mbajtur sot punëtorinë për mbi Ligjin për Deklarimin e Pasurisë së Zyrtarëve Publik në Kosovë, me ç ‘rast janë prezantuar të gjeturat dhe rekomandimet e raportit të Lëvizjes FOL lidhur me Ligjin Aktual për Deklarimin e Pasurisë.

Jeton Zulfaj prezantoi punën që Lëvizja FOL ka bërë edhe në të kaluarën në lidhje me deklarimin e pasurisë. Sipas tij duhet të bëhet zgjerimi i listës së zyrtareve të cilët duhet të deklarojnë pasurinë. Gjithashtu duhet të krijohet një softuer i ri për deklarim, por mbetet problematike se kush duhet ta menaxhojë ketë softuer-AKK apo ATK.

Gresa Smolica nga Lëvizja FOL prezantoi të gjeturat e raportit sipas të cilave del se mangësitë kryesore që vërehen në ligjin aktual për deklarimin e pasurisë janë kufizimi i kompetencave të AKK në procesin e kontrollimit të pasurisë se deklaruar nga zyrtaret publik, mosrregullimi i hetimit të origjinës së pasurisë, mungesa e konfiskimit të pasurisë së paligjshme si masë ndëshkuese dhe përkufizimi i qartë i personave të obliguar të deklarojnë pasurinë.

Valdete Berisha-Podrimaj nga ATK-ja tha se mënyra elektronike e deklarimit të pasurisë e propozuar nga Lëvizja FOL është shumë më e mirë edhe për ATK-së sepse mundëson të ketë me shumë transparencë. “Ajo tha se ka qenë propozim që edhe inspektoret tatimor dhe doganieret te obligohen te bëjmë deklarimin e pasurisë.

Ndërkaq Lulzim Ejupi, sekretar i përhershëm në Ministrinë e Punëve të Brendshme  tha se duhet të merren shembuj nga vende te ndryshme. “Duhet që të bëhet digjitalizimi i të gjitha institucioneve, në mënyrë që informatat të merren më lehtë nga një institucion me tjetrin”, tha Ejupi.

Agron Qalaj nga zyra e Kryeprokurorit të Shtetit tha se në ligjin aktual ka mangësi serioze. AKK nuk është i përgatitur për kontrollim të pasurisë. “Kallëzimet penale të AKK-së të cilat vijnë në prokurori, në shume raste vijnë me vonesë. Ne ligj ka defekte serioze, prandaj prokuroria nuk mund të ngrit aktakuza pa pasur bazë të arsyeshme”, tha Qal

Prishtinë 30 Nëntor 2017 – Lëvizja FOL ka mbajtur sot bashkëbisedimin e radhës me gjykatësin e Gjykatës së Apelit z. Driton Muharremi.
Ky bashkëbisedim u mbajt në gjykatoren e Fakultetit Juridik në Universitetin e Prishtinës ku temë  diskutimi ishte Integriteti i Gjyqësorit.

Ky bashkëbisedim mbështetet nga Ambasada Holandeze në Prishtinë në kuadër të projektit “Promovimi i Integritetit ne Sektorin Gjyqësor”.

Gjilan, 29 Nëntor 2017 – Lëvizja FOL ka organizuar sot bashkëbisedimin e radhës mes studentëve dhe përfaqësueseve të Gjykatës dhe të Prokurorisë Themelore në Gjilan. Temë e këtij bashkëbisedimi ishte: Edukimi dhe ngritja e vetëdijes së studentëve për dukurinë e korrupsionit dhe luftën ndaj tij.

Agron Uka zëvendës kryeprokuror në Prokurorinë Themelore në Gjilan foli për punën e kësaj prokurorie dhe në veçanti për rastet kundër korrupsion. “ Sivjet ka një rënie, këtë vit janë vetëm 44 lëndë të kësaj natyre. Arsyeja e kësaj rënie besoj qe është bashkëpunimi i institucioneve Polici-Prokurori-Gjykatë në këtë drejtim”, tha Uka, duke shtuar se vonesat eventuale janë kryesisht procedurale dhe për këtë arsye mund të ketë vonesa ngase nëse dërgohet një lëndë me nguti dhe neglizhohen procedurat e parapara ai rast sërish do të kthehet në rigjykim. Më tej ai tha para studentëve se Prokuroria Themelore në Gjilan, iu ka dhënë prioritet lëndëve antikorrupsion. Ai inkurajoj studentët që të marrin pjesë në seanca të ndryshme ngase kjo ju ndihmon në ushtrimin më të lehtë të këtij profesioni në të ardhmen.

Sabit Shkodra pas prezantimit të punës së Gjykatës Themelore në Gjilan tha se Gjykata Themelore e Gjilanit ka lëndë të kësaj natyre, sipas tij deri më tani janë kryer 32 lëndë kundër korrupsion, duke përfshi aty edhe lëndë të kryetarëve të komunave, zyrtarëve komunal dhe lëndë tjera ku përfshihen profile të larta. Rreth pyetjes se çka bënë gjykata themelore e Gjilanit për ti njoftuar dhe vetëdijesuar të rinjtë në luftimin e korrupsionit, ai tha se “rreth kampanjave për informim ne si gjykate jemi të kufizuar, mirëpo KGJK këtu do të mund të bënte më shumë”.

FOL ka dy vite që organizon bashkëbisedime tilla me studentë dhe prokurorë e gjykatës në Prishtinë, ndërkaq tani ka filluar që këto bashkëbisedime ti mbajë edhe nëpër qytete tjera.

 

 

Ky grant është financuar nga projekti Promovimi i Shoqërisë Demokratike (DSP) – i financuar nga Zyra Zvicerane për Bashkëpunim në Kosovë (SCO-K) dhe Ministria e Punëve të Jashtme e Danimarkës (DANIDA) dhe menaxhuar nga Fondacioni Kosovar për Shoqërinë Civile. Civil Society Foundation – KCSF

Dragash – 23-24 Nëntor 2017 – Lëvizja FOL në kuadër të projektit të USAID për Komuna Transparente, Efektive dhe Llogaridhënëse, ka mbajtur punëtorinë dy ditore lidhur me dizajnimin dhe strukturimin e portalit të prokurimit të hapur dhe transparent. Pjesëmarrës të kësaj punëtorie ishin përfaqësues të USAID, Komisionit Rregullativ të Prokurimit Publik, të Zyrave komunale të prokurimit, përfaqësues të mediave dhe shoqërisë civile. 

Qëllimi i projektit është të ndikoj në rritjen e transparencës dhe llogaridhënies të shpenzimit të parasë publike. Përmes këtij portali synohet të publikohen informata mbi kontratat që lidhin institucionet publike me operatorë ekonomikë, të ofrojë informata të detajuara për operatorët ekonomik që kontraktohen nga institucionet publike por edhe informata të detajuara për prokurimet e autoriteteve kontraktuese. 

Përgjatë implementimit të këtij projekti, Lëvizja FOL do të bashkëpunoj me Komisionin Rregullativ të Prokurimit Publik lidhur me platformën elektronike të prokurimit publik dhe ndërlidhjen që do të ketë kjo platformë me portalin për prokurimin e hapur dhe transparent që do të zhvillohet nga Lëvizja FOL. 

Në këtë punëtori dy ditore është diskutuar me të gjithë akterët e përfshirë në fushën e prokurimit publik, në mënyrë që të mundësohet kontributi i të gjitha palëve në zhvillimin e portalit. 

“Portali i Prokurimit të Hapur dhe Transparent” do të lansohet në Qershor 2018 dhe do të jetë i qasshëm për të gjithë qytetarët.  

Prizren, 23 Nëntor 2017 – Lëvizja FOL ka organizuar sot bashkëbisedimin e radhës mes studentëve dhe gjyqtarit të Gjykatës Themelore në Prizren z. Skender Çoçaj dhe prokurores së Prokurorisë Themelore në Prizren znj. Mehreme Hoxha. Temë e këtij bashkëbisedimi ishte: Edukimi dhe ngritja e vetëdijes së studentëve për dukurinë e korrupsionit dhe luftën ndaj tij.

Gjyqtari i Gjykatës Themelore në Prizren z. Skender Çoçaj, prezantoi para studentëve punën e Gjykatës themelore në Prizren, duke treguar kështu për prioritet që kanë lëndët antikorrupsion. Ai inkurajoj studentët që të marrin pjesë në seanca të ndryshme ngase kjo ju ndihmon në ushtrimin më të lehtë të këtij profesioni në të ardhmen.

Prokurorja e Prokurorisë Themelore në Prizren znj. Mehreme Hoxha, kjo prokurori nuk është e ngarkuar shumë me lëndë për korrupsionin, ngase këtyre lëndëve ju është dhënë prioritet.

 

FOL ka dy vite që organizon bashkëbisedime tilla me studentë dhe prokurorë apo gjykatës në Prishtinë, ndërkaq tani ka filluar që këto bashkëbisedime mes të parëve të prokurorisë dhe gjykatës të mbahen edhe nëpër qytete tjera.

Ky grant është financuar nga projekti Promovimi i Shoqërisë Demokratike (DSP) – i financuar nga Zyra Zvicerane për Bashkëpunim në Kosovë (SCO-K) dhe Ministria e Punëve të Jashtme e Danimarkës (DANIDA) dhe menaxhuar nga Kosovar Civil Society Foundation – KCSF

Lëvizja FOL është organizatë jo-qeveritare, e përkushtuar t’i kontribuoj transparencës dhe llogaridhënies së institucioneve publike përmes hulumtimeve, avokimit dhe nxitjes së qytetarisë aktive.

Lëvizja FOL hap konkurs për pozitën: Udhëheqës/e i/e Hulumtimit

Detyrat dhe përgjegjësitë:

• Zhvillon strukturën kërkimore dhe udhëheq mbledhjen e të dhënave për projekte kërkimore
• Zhvillon metodologji, plane të punës, korniza logjike dhe drafton projekt propozime
• Identifikon burimet e nevojshme njerëzore për mbledhjen e të dhënave dhe futjen e të dhënave
• Monitoron kualitetin e hulumtimit
• Përgatit analiza dhe nxjerr rekomandime për politika të qarta dhe efektive nga të gjeturat e hulumtimeve
• Përgatit dhe harton raporte analitike në kuadër të fushe veprimtarisë së organizatës
• Propozon agjendë për zhvillimin e hulumtimeve lidhur me politikat e institucioneve publike
• Bën monitorimin e institucioneve publike të Kosovës dhe analizon performancën e tyre
• Përgatit raportet finale të projekteve kërkimore
• Përfaqëson organizatën në takime zyrtare

Përgatitja profesionale:

• Të ketë të përfunduar studimet Bachelor në Shkenca Politike, Administratë Publike, Juridik apo fusha tjera relevante, shkollimi i lartë është përparësi.
• Shkathtësi të larta analitike dhe të shkrimit akademik
• Njohje e gjuhës angleze
• Përvojë me projekte hulumtuese dhe shkrim të raporteve

Dokumentet e nevojshme:

• CV
• Letër motivimi
• Dëshmi të përgatitjes profesionale

Mënyra e aplikimit:

Dokumentet e kërkuara duhet të dërgohen në email-adresën: [email protected], nën subjektin: Aplikimi për pozitën Udhëheqës/e i/e Hulumtimit

Afati i fundit për aplikim: 27.11.2017 ora 17:00.

Pejë, 16 Nëntor 2017 – Lëvizja FOL ka organizuar sot bashkëbisedimin mes studentëve dhe Kryetarit të Gjykatës Themelore në Pejë z. Kreshnik Radoniqi dhe kryetarit të Prokurorisë Themelore në Pejë z. Agim Kurmehaj. Temë e këtij bashkëbisedimi ishte: Edukimi dhe ngritja e vetëdijes së studentëve për dukurinë e korrupsionit dhe luftën ndaj tij.

Kryetari i Prokurorisë Themelore në Pejë, z. Agim Kurmehaj, para studentëve prezantoi punën e këtij institucioni dhe hapat të cilët kanë ndërmarrë në luftimin e korrupsionit. Ai i inkurajoi studentët që të aplikojnë në punë praktike, të marrin pjesë në seanca sepse praktika të cilën e fiton një student me pjesëmarrje direkte në seanca ju ndihmon në ushtrimin më të lehtë të këtij profesioni në të ardhmen. Ai po ashtu ftoi studentët të cilët kanë ndonjë pyetje apo ndonjë ankesë rreth prokurorisë që të paraqiten në zyrën e tij. “Zyra ime është e hapur çdo të premte nga ora 13 deri në ora 16, për çdo qytetarë që ka ndonjë ankesë apo edhe kërkesë për ndonjë lëndë, dhe ju nuk duhet të ngurroni të paraqitni ankesat e juaja”, tha Kurmehaj.

Gjithashtu edhe kryetari i Gjykatës Themelore në Pejë, z. Kreshnik Radoniqi, prezantoi para studentëve punën që është duke e bërë kjo Gjykatë në luftimin e korrupsionit. Ai tha se drejtësia nuk shitet për askënd dhe drejtësia nuk bën të modifikohet për askënd. “Nëse një ditë filloni punën si gjykatës duhet ta dini se s’ka favore për njeri tjetrin sepse me ketë rast do të dëmtohet drejtësia”, tha Radoniqi.

FOL ka dy vite që organizon bashkëbisedime tilla me studentë dhe prokurorë apo gjykatës në Prishtinë, ndërkaq tani ka filluar që këto bashkëbisedime mes të parëve të prokurorisë dhe gjykatës të mbahen edhe nëpër qytete tjera.

 

Ky grant është financuar nga projekti Promovimi i Shoqërisë Demokratike (DSP) – i financuar nga Zyra Zvicerane për Bashkëpunim në Kosovë (SCO-K) dhe Ministria e Punëve të Jashtme e Danimarkës (DANIDA) dhe menaxhuar nga Fondacioni Kosovar për Shoqëri Civile.