Prezantimi i FOL në tryezën “Nga faktet në vepra”

Prishtinë, 21 Shtator 2017 –  Lëvizja FOL ishte pjesëmarrëse në tryezën “Nga faktet në vepra”, të organizuar nga programi “Kërko Drejtësi”. Gersi Gashi, nga Lëvizja FOL, prezantoi se si projekti
e-Gjykata ka ndihmuar në ngritje të transparencës së gjyqësorit. Nga 54 vendime të publikuara në fillim të këtij projekti, tani janë mbi 2,000.

Platforma e-gjykata.org është vetëm hapi i parë drejt digjitalizimit të gjyqësorit dhe rrjedhimisht ngritjes së transparencës. Platforma ofron mundësinë për të filtruar vendimet përmes 13 filtrave të ndryshëm, ofron qasje në orare të gjykimeve, dhe paraqet vizualisht deklarimet e aseteve të gjyqtarëve/eve.

Ky projekt është në kuadër të programit “Kërko Drejtësi” që financohet nga Departamenti Amerikan i Shtetit/INL dhe implementohet nga National Center for State Courts.